Blader door transcripties » Stadsarchief Mechelen

archieftoegang 2, inventarisnummer 950, pagina 223

Jan van Relegeem et uxore
Dale, Gottingnies. Jan van Ietegeem huyvetter ende Katheline de
by syn wyf, Seggende dat zy gheen wettige kynderen en hadden
Ende hebben dair om gewilt ende openbairlic voir ons geordineert
dat de langhstlevende van hen beyden soe lange die alsdan leven sal
paysselic ende vredelic sal gebruyken, alle der haeffeliker ende
erffeliker goeden bynnen etcetera wesende ende gelegen, die zy nu tertyt
hebben ende hier namaels oic hebben ende vercrigen zelen, Ende metten
selven haeffeliken goeden, in synder noot moegen disponeren ende ordineren
den wederseggen van iemande, ende oic den rechten ende coustumen vanden
voerscreven stad, dairaf ter contrarien onderhouden niet tegenstaende
Behoudelic dien, dat alle de voirgenoemde goeden, na des langhstlevende
doot vanden voerscreven Janne ende synen wive blivende, toecomen ende versterven
zelen haeren gerechten erfgenamen dien die goeden na den rechte vander
voerscreven stad sculdich zelen syn toe te comen ende te verstorven, oft de
ghenen deen zy deselve goeden tsamentlic met testamente oft anderssins
geven ende maken zelen, welke ordinancie wy ende oic borch voeren
Hulst, Stocman, Zueten, onse medescepenen by crachte vanden
statute tanderen tyden dair op gemaect geconfirmeert ende geapprobeert
hebben ende by onser ordinaerder macht confirmeren ende approberen alle
argelist vutgescheyden
stede den
Jan Kenens
Voesdonc, Hulst. Matheeus ende Jan Lievens gebruederen, ende Digne Leurs
haerlieder zuster met Janne vander Zueterweyden haeren man hebben Quytgesconden
los vry ende ledich, Janne Kevens haeren vader van allen den haeffeliken goeden
die henlieden byder doot van wylen Kathelinen Rabs haer moeder ende de
selfs Jans haers vaders wyf doen zy leefde in eeniger manieren toecomen
gebleven ende verstorven zyn ende alle andere dies quitancie behoeven
ut supra
Jan vander Most
Hulst, Stockman. Henrick vanden Dycke voir deen helft, ende Henrick
ende Willem vander Most diemen heet Guedens gebruederen voir dander
heft, hebben vercocht Janne vander Most, Een huys metten hove gronde
gelegen inde Oeverstestrate byde Poirte, tusschen wylen Jans vander
Specht erve aen deen zyde ende Willem Belyen erve aen dander zyde
A Domino Mechliniensi, Waranderende. Opte helft van vyf chysgulden ende van tweentwintich
pond payments dair vutgaende, Ende op alsulken last dat tselve huys
metten hove onderpant es ende bliven sal, voir dander helft vanden selven
chyse vut des voerscreven wylen Jans vander Specht huyse voirgenoemde jaerlix gaende
Assignavit XXXVI Rinsgulden eens
VII decembry
Goeyheers et uxore
Voesdonck, Zoeten. Barble Caluwaerts wylen Philips dochter met
Rommonden Lyedekens haeren nost:t;gest:t; Caluwaerts wylen Joris
dochter met Rommonden de Moinck haeren mannen ende momboeren voir de
twee derdedeelen vanden eenen vierendeele, Ende jouffrou Lysbeth Caluwaerts
wylen Jans dochter beghyne, by consente ende bywesene van Willeme de
Cale, ende van Janne vander Cammen haeren vremden ende momboeren, voir de
drie vierendeelen vanden erff chyse hier naer bescreven hebben vercocht
Janne Goeyheers tot synen ende tot Lysbetten Caluwaerts syns wyfs behoef
haerlieder drie vierendeelen ende de twee twee derdedeelen vanden vierden
vierendeele, die sy hadden, in Sesse gouden Andries gulden, elken van
dien tot veertich groten Vlaems gelts gerekent, dair af tderde derdedeel
vanden voerscreven vierden vierendeele, den selven Janne Goeyheers ende Lysbetten
synen wive toebehoert erffelix chys, Op ende aen, Een huys metten
hove gronde etcetera Luycke Matheeus Huyvettere toebehoerende gelegen inde
Augustynstrate tusschen Gielis Puttemans erve aen deen zyde ende Jans
de Meyere ende synder moeder erve aen dander zyde streckende achterweerts
te water toe. A Domino Mechliniensi, Waranderende etcetera.
X decembry
Peter Caluwaerts
Item. Anthoenis vanden Hove als een tochtenere ende Jan vanden
hove syn sone ende man vanden Hove zyn zuster met Anthoenis Heregots
haeren man, als erfgenamen, hebben vercocht jouffrou Lysbetten Caluwaerts
beghinen, Twee gouden Andries gulden oft de weerde dairvoir erffelicx
goeden
chys Te hebbene ende te heffene altyt tot Sinte Jansmisse dair af den jersten
termyn van betalingen syn sal tot Sinte Jansmisse naestcomende, Op ende aen der
voerscreven tochteners ende erfgenamen huys tPeerdeken geheeten, metter plaetsen
hove stallen gronde ende allen anderen synen toebehoerten, gelegen opte Veemarct
van Mechelen, tusschen thuys de Symme geheeten toebehoerende Cornelis
Franchois aen deen zyde ende thuys den Leeuw geheeten toebehoerende, Willeme
de Leeuw aen dander zyde streckende achterweerts tot Jans van Oevele
erve. A Domino Mechliniensi, Waranderende. Op achtien pond payments ende de weerde van
veerthien scellingen groten Brabants gelts erffelic ende op neghen veertelen
Rogs jaerlix lyfpachts, staende ten live van Jannes vander Messen dair
jaerlix voir vutgaende, met alsulker condicien, dat de voergenoemde
tochtenere ende erfgenamen zelen moegen lossen ende quiten altyt als hem
dat gelieven sal, de voergenoemde twee gouden Andries gulden des voerscreven
chys, tot twee malen ende elken van dien met sestien geliker
gulden eens ende met vollen chys
ut supra tempore simile
ende Marie vanden
de
Item. De voirgenoemde Anthoenis vanden Hove ende Katheline Nouts zyn wyf
I
hebben gelooft, ende elc van hen besunder ende voir al voir hen hair hoir ende
nacomelingen, dat sy bynnen vier jaeren tyts nu naestcomende quiten ende
lossen zelen, alsulke twee gouden anders gulden gronde etcetera oft de