Blader door transcripties » Stadsarchief Mechelen

archieftoegang 2, inventarisnummer 950, pagina 218

Om welke syne gelooften, alsoe volstentelic tonderhoudene, Ende
om der meerder zekerheit, den selven Meester Arthur dair
af te doene, Soe heeft hy hem dair voir verbonden ende te
pande geset, alle syne haeffelike ende erffelike goeden metten gronde
bynnen etcetera wesende ende gelegen, die hy nu ter tyt heeft ende hier
namaels oic hebben ende vercrigen sal, Sunderlinge syn huys
metter plaetsen gronde etcetera gelegen inde Lange Biest, tusschen
met den kynderen erve van wylen Meester Jan van Laken aen
deen zyde ende Joes Vrancx ende synder kynderen erve aen dander
zijde. A Domino Mechliniensi,
V octobris
Henrick Keldermans
Borch, Hulst. Anthoenis van Puersse heeft vercocht Henricken
Keldermans, Twee gouden Andries gulden, elken van dien tot
helft van Eenen huyse metten hove gronde etcetera gelegen opte Veemarct
veertich groten Vlaems gelts gerekent, jaerlix ende erffelix chys Te
heffene altyt tot Bamisse Op ende aen des voerscreven Anthoenis
van Mechelen, tusschen tHoff aldair aen deen zyde ende Rommond de
Dryvere erve aen dander zyde. A Domino Mechliniensi, Waranderende. Opte weerde
van Twee gouden Rynsgulden vanden voerscreven pryse, dair
jaerlix voir vutgaende
Assignavit den XXVI denier
VIaoctobris
Jan Peters alias Wageman
Hulst, Gheylinc Katheline Peters diemen heet Wagemans wylen
Staes dochter met Janne vander Lynden haeren man, heeft vercocht
Janne Peters diemen heet Wageman haeren brueder de helft van
Eenen stuck lants metten gronde etcetera dairaff dander helft
Gielisen Peters haeren brueder toebehoert, houdende int geheele omtrent
een buender gelegen tot Hombeke opte Goeymans hoeve aende
aldaer
Oude strate tusschen Jans vander Nuwermoelen erve aen deen
zyde ende de voerscreven Oudestrate aen dander zyde. A Domino Mechliniensi, Waranderende.
Op drie pondt payments vuten voerscreven geheelen stuck lants
jaerlix gaende
Assignavit X Rinsgulden
IX octobry tempore simile
Willem de Lathouder toe
Item. De selve Katheline Peters met haeren voirscreven man, heeft
vercocht Willem de Lathouwere ende Lysbetten Peters synen wive zuster
vander voergenoemde Kathelinen, de helft van Eenen vierendeele beempts
metten gronde etcetera dairaff dander helft, jouffrou Margrieten
van Hofstaden toebehoert, gelegen tot Hombeke in eggelegheem
Broeck, aende Eyke aldair, tusschen der selver jouffrou Magriete
erve aen deen zyde ende de beempden geheeten de Bessent aen
dander zyde. A Domino Mechliniensi, Waranderende. Op eenen turnoyse, daer vutgaende
Assignavit XI Rinsgulden
Ut supra tempore simile
Jan Colibrant
Hulst, Gheykent. Dierick van Sintruyden, voir hem selven Rommonde
vanden Vekene, Katheline vanden Vekene met Janne Wageman hueren
man ende Gheertruydt vanden Vekene, hebben Quytgesconden
los vry ende ledich, Janne Colibrant wedue van wylen Magrieten
vanden Vekene van allen alsulken haeffeliken goeden, als den voergenoemde
Diericken van Sintruyden byder doot van wylen Aerden van Sintruyden
syns soons die ierste man was vander voirgenoemde wylen Margrieten
vanden Vekene, Ende als den voerscreven Rommonde Kathelinen ende
o
Gheertruyden vanden Vekene, byder doot vander selver wylen
Margrieten vanden Vekene haer zuster ende des voerscreven Jans
Colibrants wyf was doen zy leefde in eeniger manieren toecomen
gebleven ende verstorven moegen syn, geheelic ende al
IX octobry tempore simile
Peter de Bode
Janne van Beringen int
Hulst, Vos. Thorye van Beringen wedue van wylen Jan van
Bonrode, heeft verreyct, Een huys metten hove gronde etcetera dat toebehoerde
Cristinen vander Heyden Henrix vanden Vekene wyf, gelegen inde
Lange Scipstrate tusschen de Rose aen deen zyde
Ex debito
XI octobry tempore simile
Jan de Hooge
Lange Senior, Vos. Jan de Hooghe heeft verreyct, Een hofstad dair een
stove op plach te stane metten gronde etcetera dat der fabriken van Sinte
Jans toe plach te hoeren, gelegen in een cleyn straetken gaende vander
Kerchofstrate tot Sinte Jans kerchove, tusschen den waterganck
aldair aen deen zyde ende Jans de Schoezittere erve aen dander zyde
Ex censu
ut supra
Gielis vander Straten
Gheylinc, Stocman. Jan Cleynhennens ende Henrick tSerweyers als momboeren
ende inden name van jouffrou Lysbetten Cleynhennens beghynen, die sy
in hen vercrigen
by bywesene vander selver jouffrou Lysbetten, hebben vuytst:t; bekent
dat sy gehadt ende ontfangen hebben van Gielis vander Straten de
eendertich
somme van Acht gouden Peters elken van dien tot veertich groten Vlaems
gelts gerekent, die de selve Gielis ende Kathelinen Jannes syn wyf de
voir byden voir
de voerscreven jouffrou Lysbetten moeder, tanderen tyden braent hebben sculdich
wesende van welker sommen van Acht gouden Peters vanden voerscreven
pryse hebben de voerscreven momboeren inden name als voer
Quytgesconden los vry ende ledich den voerscreven Gielis vander Straten
ende alle andere dies quitancie behoeven geheelic ende al
XIII octobris
Peter Huyghs
Hulst, Gheylinc. Jan vanden Bloke wylen Gheerds sone, Marie vanden
Bloke syn zuster met Janne vanden Bloke Cordewagener ende Digne
vanden Bloke oic syn zuster met Janne Moens haeren wettigen mannen
ende momboeren ende oic Katheline vanden Bloke oic zuster cum tutore hebben
vercocht Peteren Huyghs Cramere, Een huys metten hove gronde etcetera
dat de gelegen inde Kerchofstrate tusschen desselfs Peters ander erve
aen deen zyde ende wylen d Wouters van Plassendonck erve aen
dander zyde. A Domino Mechliniensi, Waranderende. Op twee chysgulden, daer vutgaende
Assignavit L Rinsgulden eens
XIIII octobris