Blader door transcripties » Stadsarchief Mechelen

archieftoegang 2, inventarisnummer 950, pagina 217

Ende om der meerder zekerheit der voerscreven Barblen, dairaf te
doene, Soe heeft de voerscreven Daneel, der selver Barblen synder
moeyen, in tytule van gewarien pande dair voir verbonden
ende te pande alle sine haeffelike goeden waer die bevonden zelen
worden, die hy nu tertyt heeft ende hier namaels oic hebben ende
vercrigen sal
prima octobris
Hubrecht Stoop et uxore
Hulst, Gheylinck. Anne vander Hoeven wedue van wylen Janne van
Venne cum tutore, heeft vercocht Hubrecht Stoop tot synen live ende oic
tot behoef ende ten live van Marien Willems synen wive ende tot des
langhstlevenden live van hen beyden, Eenen gouden Andries
voir die
gulden, te wetene veertich groten Vlaems gelts gerekent, jaerliker
lyfpensien, Te heffene altyt tot Opten jersten dach van
Octobry Op ende aen haer huys metten hove gronde etcetera dat haer
byder doot van wylen Janne Gramp haeren neve gebleven ende
verstorven is, gelegen inde Corte Wyngaertstrate, diemen heet
de Leckernye tusschen een ander huys der voirgenoemde Annen toehoerende
aen deen zyde ende des voerscreven Hubrecht Stoop huys, aen dander
Bol, Johanne vander Aa
zijde. A Domino Mechliniensi, Waranderende. Op een ey dair jaerlix voir vutgaende
supra tempore simile
Willem de Cale
Hulst, Gheylinck. Rommond vanden Dycke wylen Jans vanden Dycke soon
heeft vercocht Willem de Cale, syn vyfstedeel van dertich scellingen
ouder grooten Turnoysen erffeliker renten, dat hy hadde Opte stad van
Mechelen, vallende ende verschinende jaerlix tot twee terminen, Te
wetene deen helft dairaf, opten negenenthienden dach van julio
Ende dander helft, opten negenthienden dach van Januario, dair
af dierste heffen voir den voerscreven Willem syn sal, opten negenthienden
dach van Januario naestcomende. Ac Renunciavit et promisit, Waranderende.
Ende tot desen heeft Wouter van Voesdonck een der rentmeester
vander voirscreven stad, behoudelic der selver stad, dair inne haeren rechte
syn consent gegeven
Assignavit den denier XVIII
ut supra
Lysbetten Coppens syne wive
Anthonis van Puersse et uxore
Hulst, Lange, Smit. Gielis anders, heeft vercocht Anthoenis van Puersse
de helft van Eenen huyse metten hove gronde etcetera gelegen opte
Veemarct van Mechelen, tusschen tHof aldair aen deen zyde ende
Rommonts de Dryvere erve aen dander zyde. A Domino Mechliniensi, Waranderende.
Opte weerde van Twee gouden Rynsgulden, elken van
dien tot veertich groten groten Vlaems gelts gerekent, daer vuten
geheelen huyse metten hove jaerlix gaende
Assignavit VII Rinsgulden ende een voer
erffelicx den XXVI denier
IIII octobris
Mathys vander Mere
uxor
De Lange Sevoirs. Mathys van Melken ende al vanden Beke syn wyf
Seggende dat sy gheen wettige kynderen en hadden, Ende hebben dair
om gewilt ende openbaerlic voir ons geordineert dat de langhstlevende
van hen beyden, soe lange die alsdan leven sal, paysselic ende vredelic sal
gebruyken, alle der haeffeliker ende erffeliker goeden, bynnen etcetera wesende
ende gelegen, die zy nu ter tyt hebben ende hier namaels oic hebben ende
vercrigen zelen, Ende metten selven haeffeliken goeden ende synder
noot moegen disponeren, den wederseggen van yemande ende oic den
rechten ende coustumen vander voerscreven stad, dair af ter contrarien onderhouden
niet tegenstaende. Behoudelic dien, dat alle de voirgenoemde goeden na
des langhstlevende doot vanden voerscreven Mathys ende synen wive blivende
toecomen ende versterven zelen, haeren gerechten erfgenamen, dien, die
goeden na den rechte vander voerscreven stad sculdich zelen syn toe te comen
ende te versterven, oft den ghenen, die sy de selve goeden samentlic
met testamente oft anderssins geven ende maken zelen, welke ordinancie
wy ende oic Borch, Voesdonck, Hulst, Lange, Moor ende Stocman, Onser
medescepenen by crachte vanden statute tanderen tyden dairop gemaect
geconfirmeert ende geapprobeert hebben ende by onser ordinairder macht
confirmeren ende approberen, Alle argelist vutgescheyden
III octobry
wel vanden Leemputte
Hulst, Ghelinck. Rommond Rabboots heeft vercocht Willem vanden Beemputte
Sestien scellinge ende Sesse penninge grote Brabants gelts erffelix chys
die zy hadde Op een huys met eenen cleynen hove ende met eenen cleynen
wege gaende tot eender heymelicheit, staende int eynde vanden selven wege
ende oic metten gronde etcetera toebehoerende, den selven Willemen vanden Leemputte
gelegen inden Heembempt tusschen Jans van Paesschen erve aen deen
zyde ende Emonts vanden Loymoirtere erve aen dander zyde. A beneficiatien
de Zellaer, Waranderende etcetera
Assigna
V octobry tempore simile
Starck Spalsters
Hulst, Gheylinck. Adam de Leenere heeft vercocht Vrancken palsters syn
vierendeel dat hy hadde, ende hem byder doot van wylen Bertelmeus de Leenere
synen brueder gebleven ende verstorven is, Ende een huys metten hove gronde etcetera
gelegen over de Corenmarct van Mechelen inde Hooghstrate byde
Oeverstepoirte, tusschen desselfs Vrancken aen ander erve aen deen
Opten chys dair vutgaende
zyde ende erve, aen dander zyde. A Domino Mechliniensi, Waranderende.
Assignavit X Peters eens
ut supra
Mathys van Maldere
Gottingnies, Hulst. Jan de Visschere coopers heeft gelooft voir hem syn
allen den sommen van penningen ende coepere die hy Henricken Balleman
hoir ende nacomelingen, dat hy meesteren Arthur van Maldere docteur
in medicinen altyt scadeloos quythouden ontheffen ende ontlasten sal van
tanderen tyden gelooft heeft te geven ende te leveren sonder eenich wederseggen
ende dair voir de selve Meester Arthur tot des voerscreven Jans bedder
syn borge gebleven, ende gesproken heeft, Sonder eenich wederseggen