Blader door transcripties » Stadsarchief Mechelen

archieftoegang 2, inventarisnummer 950, pagina 216

Jan vanden Wouwere
voirscreven Gheylinck, Jan vanden Wouwere heeft verreyct Een huys met
plaetsen gronde etcetera tScaecbert geheeten, dat Wouteren vander Herten
toe plach te hoeren, gelegen inde Aedegeemstrate tusschen Jans
aen dander zyde
vander Eyken erve aen deen zyde ende Jans van Luypegheem erve
Ex der
XXIII septembris
Tconvent vander
Befferstraten
de
Lange Senior, Voesdonck, Claes van Overbroeck diemen heet Paridaens heeft
vercocht jouffrou Margrieten sWouters beghinen tot behoef vanden
Convente ter Befferstraten bynnen den beghynhove vander voerscreven stad
tegen tkerchof vander kerken vanden selven beghynhove over gelegen
Eenen gouden Andries gulden, te wetene veertich groten Vlaems gelts
voir dien gerekent erffelix chys, Te heffene altyt tot Bamisse
dairaf den jersten termyn van betalingen syn sal van Bamisse naestcomende
over een jair dair naer volgende, Op ende aen des voerscreven Claes
huys metten hove gronde etcetera gelegen in Sinte Kathelinen strate tusschen
Willems de Reyghere erve aen deen zyde ende Lodewyck Hobbo
erve aen dander zyde. A Beato Rumoldo, Waranderende. Opte weerde
van vyf gouden Rynsgulden ende eenen halven vanden voerscreven pryse
dair jaerlix voir vutgaende, met alsulker condicien, dat de voirscreven
Claes sal moegen lossen ende quiten altyt als hem dat gelieven sal den
voergenoemde gouden Andries gulden des voerscreven chys, met veerthien
geliker gulden eens met vollen chyse, dair voir te betalen
Assignavit den XI denier
XXIIII septembry
Anthoenis Reyns Jan de
Hooghe
Gheylinck, Stockman, Jacop vanden Eynde, heeft gelooft te geven ende te betalen
Anthoenis Reyns ende Janne de Hooge tot haeren manissen, alle alsulke
sommen van penningen als hy den executeurs vanden testamente van
wylen Margrieten Yngelram vut zaken vanden coepe van zekeren haeren
haeffeliken goeden, by hem int sterfhuys gecocht, sculdich ende tachter
Ende dat dest:t; zy den selven Anthoenisen ende Janne, altyt scadeloos
quythouden ende ontlasten sal, sonder eenich wederseggen, Om welke
gelooften alsoe volstentelic tonderhoudene, Ende om der meerder
zekerheit henlieden dairaf te doene Soe heeft de selve
Jacop den voerscreven Anthoenisen ende Janne dair voir verbonden
ende te pande geset, alle syne haeffelike goeden wair die bevonden
zelen worden, Ende oic alle syne erffelike goeden metten gronde etcetera
bynnen etcetera gelegen, die hy nu tertyt heeft ende hier namaels oic hebben
ende vercrigen sal
ut supra
Adewycx
Henrick vanden Broeke, heeft vercocht stane de
lange den jongen onsen medescepene, tot behoef ende ten liven van Barblen
Barble Lodewycx ende
Anne de Lange
Gheline, Stocman. Henrick vanden Broeke ende Marie Tessche syn wyf
hebben vercocht Janne de Lange den jongen onsen medescepenen tot
behoef ende ten live van Barblen Lodewycx ende Annen de Lange der
van
selfs Jans de Lange dochter ende tot des langhstlevende live van hen
beyden, vyf veertelen Rogs goede etcetera Mechelscher maten, jaerlicx
lyfpachts Te betalen ende te leverene, bynnen Mechelen, altyt
opten vyftienden dach van Augusto, dairaff den jersten termyn
van betalingen syn sal opten vyftienden dach van Augusto
naestcomende, Op ende aen des voerscreven Henrix ende syns wyfs huys
metten hove gronde etcetera houdende int geheel omtrent een buender luttel
min oft meer, gelegen tot Hevere aende Heyde, tusschen de selve
Heyde aen deen zyde ende heeren Jacops de Moor diemen heet
inden Pallemboom priesters erve aen dander zyde. A Domino Willemo
de Cortenbach, Waranderende. Op Sesse penninge Lovens ende een halve
hynne, dair voir vutgaende, dit Barbara levabit
XXVII septembris
moldo, Martens
Magriete Quisthouts relicta
Hulst, Gheylinck. Jan Heyen inden name van Johannen Martens
synen wive, die hy in hem vervingh, heeft Quytgesconden
los vry ende ledich, Margrieten Quisthouts weduen van wylen
Rommond Martens van allen den haeffeliken goeden, die
der voerscreven Jehannen des voerscreven wylen Rommonts zuster
byder doot van wylen Rommond Martens des voerscreven wylen
Rommonts Martens soon ende der selver Jehannen Neve doen
hy leefde in eeniger manieren gebleven ende verstorven syn
ende alle andere die quitancie behoeven, geheelic ende al
ut supra
vanden Horicke wedue
ende Cuypere
Hulst, Stocman. Jan Rommond ende Lucie de Cuypere wylen Peters kynderen
hebben Quytgesconden los vry ende ledich, Lysbetten vanden Hornicke
weduen vanden voerscreven wylen Peteren haer moeder van allen den
haeffeliken goeden, die henlieden byder doot vanden voerscreven
wylen Peteren haeren vader ende der selver weduen man doen hy
leefde, in eeniger manieren toecomen gebleven ende verstorven mogen
syn ende alle andere dies quitancie behoeven
XXVII septembry
Daneel de Muntere
Borch, heylinck. Barble van Haren, wettige dochter van wylen Jan van Haren
heeft Opgedragen overgegeven ende getransporteert in puerder ghiften voir
haeren vutersten wille, Daneel de Muntere Schaelgideckere haeren neven
alle haer haeffelike goeden ende sculden, waer die syn, ende bevonden zelen
worden, tusseren vollens, die bovenst:t; Cransferens ac volens
ut in forma, aen dander zyde heeft oic de voerscreven Daneel gelooft
voir hem syn hoir ende nacomelingen, dat hy de voergenoemde Barblen synder
moeyen met hem bynnen synen huyse houden ende haer eten drincken cleederen
schoenen ende altgene dat haeren leven behoeffelyc ende noot syn sal, tamelic
geven sal, alsoe wel in haer siecheyt als hy haer gesontheit, sonder eenich
wederseggen, Ende om die syne gelooften volstelic tonderhouden