Blader door transcripties » Stadsarchief Mechelen

archieftoegang 2, inventarisnummer 950, pagina 215

Peter Caluwaert
chys, die sy hadde, Op een huys met eenen duyfhuyse schueren ende
eenen stucxken lantsst:t; eeussels hove bogaerde gronde etcetera allen anderen syn
toebehoerten, houdende tsamen omtrent een half buender, geheeten tHof te
Eyken, den voerscreven Peteren Caluwaert toebehoerende, gelegen tot Hevere inde
Nederstrate tusschen des voerscreven Peters erve aen deen zyde ende der voerscreven
Meertinen erve aen dander zyde, Ende op een stucxken lants oft block
metten gronde etcetera houdende omtrent anderhalf dachmael den voerscreven
Peteren Caluwaert oic toehoerende gelegen aldair af tegen tvoirscreven
hof over tusschen desselfs Peters erve aen deen zyde ende Jans de Roevere
erve aen dander zyde. A Domino Mechliniensi, Waranderende etcetera.
XIIII septembris
Lange ervest:t; de voirgenoemde Peter Caluwaert heeft vut zaken van wisselen
elken chys
voir ander erffelicheytst:t; opgedragen ende overgegeven, tot behoef vander
voerscreven Anthonynen vander Wilgen, drie veertelen Rogs goede ende custbare
Mechelscher maten erfpachts die hy hadde, Op alle de erffelike ende
onberuerlike goeden metten gronde bynnen etcetera w gelegen, den
voirgenoemde Martinen vander Wilgen toebehoirende, Ende vyf scellinge
grote Brabants gelts erffelix chys, die hy hadde, Op alle der selver
Martinen ende Anthonynen vander Wilgen erffelike goeden metten gronde
bynnen der prochien van Hevere gelegen, die hy der selver Martinen
ende Anthonynen byder doot van wylen Clemencien van Calsteenbroech
haere moeder gebleven ende verstorven. A Domino Mechliniensi, Waranderende etcetera.
Anthonis vander Wilgen
Lange Senior, Vos. De voirgenoemde Peter Caluwaert, heeft vut
zaken van wisselingen voir anderen erffeliken chys, Opgedragen
ende overgegeven, de voirgenoemde Anthonynen vander Wilgen, Syn
drie veertelen Rogs goede ende custbaer Mechelscher maten erfpacht
die hadde, Op alsulken part ende deel van allen den erffeliken
ende onberuerliken goeden metten gronde etcetera bynnen der prochien van
Hevere ende eldere inder voerscreven stad ende vryheit van Mechelen gelegen
dat Martinen vander Wilgen der voirgenoemde Anthonynen zuster
byder doot van haeren vader ende moeder ende van wylen Meester
Pauwels Roge priester haeren neve gelegen endest:t; verstorven es
Ende syn vyf scellinge grote Brabants gelts erffelix chys, die
hy hadde, Op alle de erffelike goeden Clemencien van Calsterbroeck
weduen van wylen Willem vander Wilgen toebehoerende, die sy hadde
ende die haer byder doot van wylen Kathelinen vanden Putte haeren
moeyen ende vanden voerscreven wylen Meester Pauwelsen haeren neve toecomen
ende oic verstorven zyn, bynnen der voerscreven prochien van Hevere gelegen
A Domino Mechliniensi, Waranderende etcetera
ut supra
Jan van Hoevorst alias
Fierens
Lange Senio, Vos. Ghoorys Scheers heeft Terve gegeven Janne van Hoevorst
diemen heeftst:t; heet Fierens ende Lysbetten van Quaeyribbe synen wive ende
huys metten hove gronde etcetera geheeten den Grooten Oyevare gelegen inde
Hanswyckstrate tusschen thuys den Cleynen Oeyenare geheeten, den
selven Janne van Hoevorst toebehoerende aen deen zyde ende der kynderen
wylen Jans vanden Hornicke huys aen dander zyde, streckende achtere
totten water toe. A Domino Mechliniensi. Te besittene Op eenen erffelike
chys van drie gouden Andries gulden ende eenen halven, elken
van dien tot veertich groten Vlaems gelts gerekent, Ende die te
betalene, Altyt tot twee terminen, Te wetene deen helft daer
af opten eersten dach van April, Ende dander helft, Opten
tersten dach van Octobri, dair af den jersten termyn van betalinge
syn sal, opten jersten dach van April naestcomende, Ende opten
voirchys vander weerden van Sesse scellinge grote Brabants gelts
dair jaerlix vutgaende
Assignavit III gulden erffelicx denier
XV septembris
Gielis de Neve
Langesene, Vos. Anthoenis vanden Hove ende Jan vander Heyden van svaders
wegen ende Jan Yueteman ende Jan Paridaens vander moeder wegen
als momboeren ende inden name van Marien ende Kathelinen van Puersse
wylen Jans van Puersse kynderen onder haer jaeren van discrecien wesende
die zy in hen vervingen, hebben Quytgesconden los vry ende ledich
Gielis de Neve, weduere van wylen Margrieten Van Puersse, desselfs
wylen Jans van Puersse zuster ende der voerscreven kynderen moeyen van
allen den haeffeliken goeden, die den selven kynderen byder doot vander
voerscreven wylen Margrieten Van Puersse haer moeyen ende desselfs
Gielis wyf doen zy leefde in eeniger manieren toecomen gebleven
ende verstorven moegen ende al zyn, ende alle andere dies quitancie behoeven
geheelic ende al
ut supra
Gheerd vanden Dale ende
Lange Simon Lange, inmocheer Gheerd vanden Dale Ridder, heeft verreyct Een huys
metten gronde etcetera de Cluyse geheeten, dat Janne vander Hulst toe plach
te hoiren, gelegen over de Grootbrugge van Mechelen, tusschen
thuys de Sterre geheeten, toebehoerende den ambachte vander Bruedere
Mechelen
bynnen aen deen zyde ende thuys den Coevoet geheeten toehoerende
Janne hem aen dander zyde
Ex censu
ut supra tempre simile
Heer Jacop Eveloege priester
Lange, Moor Gheylinc, Anthoenis ende Jan tSermartens wylen Wouters tSermartens
kynderen, inden name van hen selven ende oic inden name van Kerstiaen
tSermartens haeren brueder buyten lants wesene, die sy in hen vervingen
hebben vercocht, heeren Jacopen Eveloege priester haer derdendeel
van Eenen huyse metten hove gronde etcetera gelegen inde Rogbroecstrate
in Onser Vrouwen prochie tusschen heer Claes van Os oicst:t; vander
Steghe diemen heet van Os oic priesters huys, aen deen zyde
ende Gielis van Blarenberge erve aen dander zyde. A Anthonio de
Oeyenbrugge, Waranderende. Op eenen halven chysgulden vuten
voerscreven geheelen huyse metten hove jaerlix gaende
Assignavit XII Rinsgulden eens
XVI septembris