Blader door transcripties » Stadsarchief Mechelen

archieftoegang 2, inventarisnummer 950, pagina 207

groten Vlaems gelts gerekent, twee blauwe croenen, te wetene
veertich grote Brabants voir elke van dien gerekent ende van Achtien
scellingen ende vier penningen der selver groten Brabants, dair jaerlic
vutgaende, met alsulker condicien, dat de voirgenoemde Jan van Haren
sal moegen lossen ende quiten altyt als hem dat gelieven sal, den
voirgenoemde Sesse gouden Andries gulden des voerscreven chys, met twee
guldenen te male ende elken van dien, met sestien geliker gulden
eens ende met vollen chyse
Assignavit IIII Rinsgulden den XXVI denier
XVI July
Jan de Moldere droechscheerdere heeft vercocht
Bartelmeus de Moldere synen broeder vier gouden Andries gulden
elken van dien tot veertich groten Vlaems gelts gerekent, erffelicx
chys Te heffene altyt tot Sinte Jansmisse Op ende aen des
voerscreven Jans Twee huysen metten hoven gronde etcetera gelegen deen
neven dandere inde Blocstrate tusschen Margrieten sCosters erve
aen deen zyde ende Lucien tSermartens erve aen dander zyde
Bertelmeus de Moldere
Rode, Gheylinck. Jan de Moldere, heeft vercocht Bartelmeus de
Moldere synen broeder, vier gouden Andries gulden, elken van dien
tot veertich groten Vlaems gelts gerekent erffelix chys Te heffene altyt
tot Sinte Jansmisse Op ende aen des voerscreven Jans huys metten hove
gronde etcetera gelegen inde Blocstrate tusschen desselfs Jans ander
erve aen deen zyde ende met wylen Margrieten sCosters erve aen
dander zyde. A Domino Mechliniensi, Waranderende. Op viventwintich scellinge Loevens
ende eenen halven, dair voir vutgaende
Assignavit den XXVI denier
ut supra
van Boeven
Bertelmeus Smet alias
Rommonde van Yetegeem
huyvetterie
Schoof, Oeyenbrugge. Jan tSermartens wylen Rommonts soon heeft
vercocht Bartelmeus Smet diemen heet van Boeven, drie
gouden Rynsgulden van synen seven gelike gouden Rynsgulden
elken van dien tot veertich groten Vlaems gelts gerekent erffelicx
chys, die zy heeft, Op een huys metter vetterien hove gronde etcetera toehoeren
gelegen inden Ouden Bruel, tusschen Gielis Gielis diemen heet Zoeten
erve aen deen zyde ende der weduen ende kynts erve van wylen Meester
Jacoppen vander Marck, aen dander zyde. A Domino Mechliniensi, Waranderende etcetera.
Assignavit XII denier
XVII July
Barble vander Rode
tot behoef van Barblen vanden Rode wedue van wylen Willem Lauwaert
Borch, Yngelram. Gielis van Goeyenhuys heeft Opgedragen ende overgegeven
Een huys metten hove gronde etcetera gelegen op Neckerspoele opte Hergracht
tusschen der selver weduen ander erve aen deen zyde ende Jans de Vos
erve aen dander zyde. A Domino Mechliniensi, Waranderende. Op eenen gouden Ryns
voirscreven
gulden te wetene veertich groten Vlaems gelts gerekent, dair vutgaende
XVIIa July
Barble vanden Bossche met Peteren de Moldere haeren
man, heeft Quytgesconden Jehannen Sesteleren haer moeder
Johanne sNestelere
Bock, Yngelram. Barble vanden Bossche wylen Jans vanden Bossche
dochter met Peteren de Moldere haeren man, heeft Quytgesconden
los vry ende ledich Jannest:t; Jehannen susteleren weduen vanden voerscreven
wylen Janne vanden Bossche haerer moeder van allen den haeffeliken
goeden, die haer byder doot vanden selven wylen Janne haeren
vader ende der voerscreven weduen ierste man doen zy leefde in eeniger
manieren toecomen ende gebleven ende verstorven moegen syn, ende alle
andere dies quitancie behoeven
XIX July tempore simile
Henrie Laureys ende haer
soon
Lange in Rode Jan vanden Perre woenende tot Keerbergen, heeft
gelooft voir hem syn hoir ende nacomelingen ongevrydt naer der divisen
recht Te geven ende te betalen bemynen Laureys Mathys Gheerts
diemen heet inde Zeysene huysvrouwen ende Janne Gheerts huerer
beyder soone, alle jaere alsoe lange als sy ende de langhstlevende van
hen beyden leven zelen, Elen Jans van dien altyt opten neghenden
dach van Octobry dairaff den jersten termyn van betalingen syn sal
opten negenden dach van Octobry naestcomende, alsulke vyf scellinge
grote Brabants gelts jaerliker lyfrenten, als de voerscreven Jan vanden Perre
der voirgenoemde Lievinen ende Janne haeren soon tanderen tyden, te wetene opten
negenden dach van Octobry int jaer dusent vierhondert drientachtentich
lestleden vercocht ende op alle syn recht ende deel dat hy hadde in een
stede met huysen hove lande ende anderen haeren toebehoirten, geheeten tHof
te Licham inde voerscreven prochie van Keerbergen gelegen, Ende voirtaen
op alle syne haeffelike ende andere erffelike goeden die hy doen ter tyt
hadde ende namaels oic soude moegen hebben ende vercrigen, bewesen heeft
gelyc dat byden scepenen brieve van Antwerpen dair op gemaect
clairliker blyct, voirtaen heeft oic de selve Jan vanden Perre gelooft
gelyc voir Te geven ende te betalen den voerscreven Mathys Gheerts opten
negenden van Octobry naestcomende, vyf gouden Andries gulden, elken
van dien tot veertich groten Vlaems gelts gerekent, sonder eenich wederseggen
XX July tempore simile
Ghysbrechts
Heer ende Meester Henrick
Junior
Lange senior, Lange. Jouffrou Jehanne Hoots wylen Aert Hoots dochter
cum tutore, heeft by bywesene wetene wille ende volcomen consente
van heeren Janne vander Eyken priester, Janne Muyl ende Claes de Greve
haeren magen ende vrienden Terve gegeven, heeren ende Meesteren Henricken
Ghysbrechts deken ende Canonick der prochiekerken van Sinte
Rommonts staende inder voerscreven stad, haer helft van Eenen huyse
metten gronde etcetera daer af dander helft, den selven heeren ende
Meesteren Henricken toebehoert gelegen inde Beghinenstrate
tusschen meester Anthoenis Haveren erve proost van Sinte Donaes
huyse aen deen zyde ende desselfs heeren ende Meesteren Henricx ander
huys aen dander zyde, streckende achterweerts totten vlyete
A Domino Mechliniensi. Te besittene op eenen jaerlike lyfrente van elf gouden
Andries gulden elken van dien tot veertich groten Vlaems gelts gerekent