Blader door transcripties » Stadsarchief Mechelen

archieftoegang 2, inventarisnummer 950, pagina 203

Jan Rabboot
van Boech, Yngelram. Lysbeth sRonden wylen Jans dochter met Daneel
vanden Poele haeren man, heeft vercocht Janne Rabboot, Een
stuck lants metten gronde etcetera houdende omtrent een vierendeel, gelegen
op Barblegemervelt, tusschen der weduen ende kynderen erve van
wylen heeren Anthoenis vander Aa Ridders aen deen zyde ende des
voerscreven Jan Rabboots erve aen dander zyde. A Domino Mechliniensis, Waranderende. Sonder
eenigen last van chyse oft commer dair vutgaende
Assignavit XXIII Peters
XXI Juny tempore simile
Jan vanden Bossche
Cale, Keyenooghe. Margriete vanden Bossche wylen Jans dochter cum tutore
heeft vercocht Janne vanden Bossche haeren brueder, alle trecht
ende deel dat sy hadde ende dat haer byder doot vanden voerscreven wylen
Janne haeren vader verstorven is, in Een huys metten hove gronde
gelegen in Onser Vrouwenstrate opten hoeck vanden Bruesselstrate
tusschen deselve strate, aen deen zyde ende Meester Jans van Berlaer
erve aen dander zyde, Ende in drie huysen metten gronde etcetera
gelegen deen neven dandere inde selve Bruesselstrate achter
tvoerscreven ierste huys tusschen tselve huys aen deen zyde ende des
voerscreven Meester Jans van Berlaer erve aen dander zyde. A
Anthonio de Oeyenbrugge, Waranderende etcetera. Opten chys daer jaerlix vutgaende
Assignavit XLVIII Peters eens
XXIII Juny tempore simile
Jan Keyenoege
Borch, Yngelram. Katheline Keyenoege met meester Janne Clemens
diemen heet Bourbonoys haeren man, heeft bekent dat sy gehadt ende
haer broeder
ontfangen heeft van Janne Keyenoege, de somme van tweendertich
gouden Peters elken van dien tot sessendertich groten Vlaems gelts
gerekent als voir de lossinge ende afquitinge van twee gelike
Peters erffelix chys, die sy hadde, Opte helft van Eenen huyse
den voerscreven Janne haeren brueder toebehoerende, gelegen inden Nieuwen
Bruel opten vlyet tusschen den selven aen deen zyde ende Andries
Hoots erve aen dander zyde van welker sommen van tweendertich
gouden Peters vanden voerscreven pryse ende oic vanden voerscreven erffeliken
chyse, heeft de voerscreven Katheline met haeren voirscreven man Quytgesconden
los vry ende ledich, den voerscreven Janne Leyenoege haeren brueder de
voerscreven helft van synen voirgenoemde huyse ende alle andere dies quitancie behoeven
geheelic ende al
Assignavit XXXII Peters
XXII tempre simile
Henrick Wysschaven
Item. Jans st:t; Godevaert inden name vanden goidshuyse
van sHertogen Dale by Ouwegeem gelegen, heeft als des
volcomen macht vanden selven goidshuyse hebbende, om te doene
tgene dat hier naer volght gelyc ons dat by eender procuracien
dair op gemaect ende bezegelt metten zegel desselfs goidshuys
wythaven st:t;
claerlic bleeck vercocht, Henricken Wisschen vier chysgulden
ende vier penninge grote Brabants erffelix chys, die tvoerscreven goidshuys
hadde, Op een stuck hoflants metten gronde etcetera, den voerscreven
Henricken toebehoerende, gelegen buyten der Oeversterpoirten
op Schoen Jans velt tusschen
Domino Mechliniensi, Waranderende.
ut supra
Machiel van Loeven
Cale, Keyenooghe. Wouter Holmans woenende tot Keerbergen, heeft
gelooft voir hem syn hoir ende nacomelingen ongevrydt naer der divisen
recht Te betalen ende te leveren, Machielen van Loevene ende oic synen
hoir ende nacomelingen alle Janne ten eeuwigen dagen tot synen huyse
bynnen Mechelen, Elcx Jairs van dien, altyt tot Sinte Jansmisse
dairaf den jersten termyn van betalingen syn sal van Sinte Jansmisse
naestcomende, over een jaer dair naer volgende, alsulke drie veertelen
men
Rogs goede ende custbare Mechelscher ende op eenen groten Brabants naest
den besten, erffelix pachte, als de voirgenoemde Wouter, den voerscreven
Machielen opten eenentwintichsten dach van deser tegewoirdigen
maend van Junio vercocht ende op syn huyse huys metten hove
lande gronde ende anderen synen toebehoerten, houden tsamen omtrent
Sesse dachwant, inde vost:t;tot veerst:t; inde voerscreven prochie van
Keerbergen ter Heyden aldair gestaen ende gelegen, Ende voirtaen
op alle syne haeffelike ende andere erffelike goeden, die hy doen ter
tyt hadde ende namaels oic soude moegen hebben ende vercrigen
bewesen heeft, gelyc dat byden scepenen brieve van Antwerpen
dair op gemaect claerlic blyct, sonder eenich wederseggen
XII may tempore simile
De selve
Muysene, Lange Semont. Jan vander Hadocht wylen Jans soone heeft vercocht
den voerscreven Machielen van Loevene, twee ende Kathelinen sVos synen
wive Twee gouden Peters goede etcetera, te wetene sessendertich groten
Vlaems gelts voir elken van dien gerekent erffelix chys, die zy
hadde, Op vier huysen metten hove gronde etcetera die wylen Haghen
Willemssone toe plagen te hoiren, ende die nu Peteren de Hollandere
toebehoirten gelegen deen neven dandere inde Bruesselstrate tusschen
Peters vanden Vlyete erve aen deen zyde ende Peters Leemans erve
aen dander zyde. A Anthonio de Oeyenbrugge, Waranderende etcetera.
XXIIII Juny
alias Scheers et uxore
Cornelis vanden Bossche
Musene, Keyenoogge. Jan vanden Bossche heeft vercocht Margrieten Cokeroels
yemen heet heer
Cornelis vanden Bossche wyf tot haeren ende desselfs Cornelis haers
mans behoef, drie gouden Peters elken van dien tot sessendertich
groten Vlaems gelts gerekent erffelix chys Te heffene altyt
tot Sinte Jansmisse, Op ende aen des voerscreven Jans vanden Bossche
huys metten hove gronde etcetera gelegen in Onser Vrouwen strate
opten hoeck vander Bruesselstraten, tusschen de selve strate aen deen
zyde ende Meester Jans van Berlaer erve aen dander zyde, Ende op
desselfs Jans drie huysen metten gronde etcetera gelegen deen neven
dandere inde selve Bruesselstrate achter tvoerscreven ierste huys
tusschen tselve huys, aen deen zyde ende des voirscreven Meester Jans
van Berlaer erve aen dander zyde. A Anthonio de Oeyenbrugge
Waranderende. Opte weerde van negen gelike Peters ende eenen halven
dair jaerlix voir vutgaende
XXIII Juny