Blader door transcripties » Stadsarchief Mechelen

archieftoegang 2, inventarisnummer 950, pagina 172

Gheert Peters
Gheerd Belyen erve aen dander zyde. A Domino Mechliniensi. Te besittene op
eenen erffeliken chys van acht gouden Rynsgulden ende eenen halven
elken van dien tot veertich groten Vlaems gelts gerekent, Ende
die te betalene altyt tot Kersmisse dairaff den jersten
van
termyn van betalingen syn sal tot Kersmisse naestcomende over
een jaer dair naer volgende, Ende opten voirchys van Een
capuyn, ende drie pond payments, dair vutgaende, met alsulke
condicien, dat de voirgenoemde Gheerd Peters ende Lysbeth zyn wyf
zelen mogen lossen ende quiten, altyt hem dat gelieven sal, de
voerscreven acht Rynsgulden ende eenen halven des voerscreven chys
met eenen Rynsgulden te male ende nietten min ende elken van dien
gulden
met sesthien geliker eenen ende met vollen chyse
Assignavit IIII Rinsgulden
erffelic den XXVI denier
XXIIII novembry
Willem Berthouts
Keyenoege, Rode. Lysbeth van Grympen cum tutore, heeft vercocht
Willem Berthouts beckere ende Kathelinen vander Elst synen wive
Twee gouden Rynsgulden ende eenen halven, elken van dien tot
veertich groten Vlaems gelts gerekent erffelix chys, die zy hadde
Op desselfs Willems ende Kathelinen syns wyfs huys metten
hove gronde etcetera gelegen in Sinte Kathelinen strate opten hoeck
vanden bruederstraetkene, tusschen tselve straetken aen deen zyde
ende Wouter Faes erve aen dander zyde. A Beato Rumoldo, Waranderende.
Assignavit den XXVI denier
XXVI novembry
Adriaen Hazaerts
Keyenoege, Rende. Lysbeth sVos met Henricken van Breen haeren man
voir deen vierendeel, Marie vander Eect met Joes vander Beke
haeren man voir deen derdendeel, Ende Margriete vander Eect, den
selver Marien zuster cum tutore voir dander derdendeel vandest:t;
hadde voir hem selven, Ende de selve Jan ende oic ge voerscreven
Joes vander Beke, als momboeren ende inden name van Symoen ende
Amelbergen de Herde desselfs Jans brueder ende zuster infra
annos etcetera die zy by bywesen ende volcomen consente van ende
van Gottingnies een der commoingmeesters vander voerscreven stad
in hen vervingen, voir tderde derdendeel vanden anderen vierende
vanden huyse hier naer bescreven, hebben vercocht Adriaen Hazart
haerlieder helft van Eenen huyse metten gronde etcetera, die henlieden
byder doot van wylen Wouteren Paridaens haeren neve gebleven ende
verstorven is, gelegen in Onser Vrouwen strate tusschen desselfs
Adriaens ander erve aen deen zyde ende Margrieten de Predite
erve aen dander zyde. A Domino Mechliniensi, Waranderende. Op thien pont payment
acht chysgulden ende drie gouden Rynsgulden, elken van dien tot
veertich groten Vlaems gelts gerekent, vuten voerscreven geheelen huys
sjaerlix gaende
Assignavi
Ut supra
Jan de Brant tot behoef
van
Item. De selve inden name ende manieren als boven, hebben vercocht
Roelande Peterssoon, haerlieder helft van Eenen huyse metten hove
die hen oic bydes voirgenoemde wylen Wouter Paridaens haer neven
vanden Peterssoen
gebleven ende verstorven is, gelegen inde Penningstrate tusschen
Matheeus Wouters erve aen deen zyde ende Jans vander Beke erve
aen dander zyde, Ende oic alle de haeffelike de goeden, henlieden
oic by des voergenoemde wylen Wouters haers neven doot gebleven ende
verstorven. A Domino Mechliniensi, Waranderende. Opten chys vuten voerscreven geheelen
huyse jaerlix gaende
Ut supra tempore simile
deselve
de
Item. Adriaen Mathys inden name van hem selven, ende oic inden
name van Peteren Mathys synen brueder absent wesende, die hy
in hem verving, voir deen vierendeel, Ende Katheline
Corterbeke cum tutore voir dander vierendeel, hebben vercocht
den voerscreven Janne de Brunt tot des voirgenoemde Roelants
Peterssone behoef haerlieder helft vanden voergenoemde Twee
huysen met haeren voirscreven toebehoerten boven gescreven die
henlieden byder doot vanden voerscreven wylen Wouteren gebleven
ende verstorven is, Ende oic alle de haeffelike goeden, die
hen insgelycx by desselfs wylen Wouters doot gebleven ende
verstorven zyn. A Domino Mechliniensi, Waranderende etcetera.
Ut supra tempore simile
soon
Ingelram, Cale. Jehanne Booms Jan Booms dochter, heeft
los vry ende ledich
Quytgesconden den selven st:t; Janne Boom haeren vader
van allen den haeffeliken goeden, die haer byder doot van
wylen Marien Bernaerts haere moeder ende des voerscreven Jans
een man
wyf doen zy leefde toecomen gebleven ende verstorven
zyn ende alle andere dies quitancie behoeven
XXVII novembris
Jans est es
van omtrent
Walterus de
zyden strate
Joes van Voesdonck
sy metten
Vos
voir Aert van Diest als stadhouder van een der commoingmeesteren
van deser stad, zyn gecomen, Jan de laet, Matheeus tSerneels
ende Gielis de Maerschalck, Ingesetene van Contyke, Ende hebben
gelooft ende elc van hen besunder ende voir al, naer trecht
vander divisen te dat geven ende te betalen, Wouteren van
Voesdonck, de somme van Twaelf pond groten Brabants gelts
tot desen terminen, Te wetene deen helft dairaf tot Sinte
Lamer Dige ende dander helft tot Sinte Martensmisse beyden
naestcomende in alsulken gelde ende penningen als tot elken vanden
voerscreven termynen cours ende ganck hebben zelen, sonder eenich wederseggen
oft argelist
Anthonis XVIII novembris
Adrian
Peer Aerden van Diest als stadhouder vander commoingmeester, heeft Loy Ghoeten
van Neckerspoele gelooft te betalen, Wouteren van Voesdonck, de
somme van hondert ende twee gulden, in zwalen gelde ende
dage ende vorweerde dairaff gemaect begrepen, oic ende dat
vut zaken vanden coope van zekeren vollen tot wane gelegen, die
hy tegen den selven Wouteren gecocht heeft sonder wederseggen
Actum Xa anno LXXI