Blader door transcripties » Stadsarchief Mechelen

archieftoegang 2, inventarisnummer 950, pagina 171

Laureys ende de voerscreven andere haer kynderen van ende vut alle
den voerscreven goeden alsdan geven ende betalen zelen, des voergenoemde wylen
voirkinderen thien scellinge grote Brabants gelts eens, dat met
de selve voirkinderen sculdich zelen syn vut te bliven, onder
eenich recht te deel meer te hebben oft te hee noch
heysschene inde voerscreven goeden
XX
Jacop van Rotselaer
Schoof, Lange. Jan Gielis van Gheytgheem ende Adam vanden Hove
van vaders wegen, Henrick vander Moelen ende Olivier van Bueren
vander moeder wegen als momboeren ende inden name van August
ende Marien van Rooselaer, wettigen kynderen van Jacoppen van
Roelaer ende van wylen Jehannen vanden Zype synen wive over
haer jaeren etcetera wesen, die hy in hen vervingen, hebben
Quytgesconden los vry ende ledich den selven Jacopen van
Roelair van allen den haeffeliken goeden, die den voirscreven
Augustinen ende Marien byder doot vander voirgenoemde Jehannen
moeder ende des voerst:t; in eeniger manieren toecomen gebleven
ende verstorven mogen zyn ende alle andere dies quitancie behoeven
aen dander zyde, heeft de voirgenoemde Jacop gelooft, de voerscreven
syne kynderen met hem bynnen synen huyse te houden ende den selve
eten drincken cleederen ende schoenen ende al tgene des haeren lyve
nootelic zyn sal tamelic te geven ende te administen, Ende
deselve te mogen soe lange ende totter tyt toe, dat zy ende
elc van zyn tot haeren jaeren van discrecien gecomen als zy
Ende oic de selve daeren bynnen te vuegen ende te stellen tot eenen
ambachte hem nuts ende orboirlycx wesene, sonder eenich wederseggen
XXI novembry
Libery Mechelen de
bosch
Cale, Rode. Claes van Bost ende Margriete vander Gouwen
zyn wyf hebben gewilt ende geordineert, dat alle haer kynderen
Te wetene de meyskens metten knechtkens ende de knechten
metten meyskens, Eenengelic ende in geliken deele part ende
porcien deylen hebben houden ende besitten zelen, alle ende yegelike
alsulke st:t; haeffelike erffelike onberuerlike ende leengoeden wylen
ende tot wat plaetsen die gelegen zyn, die naer eensyegelycx daer
vanden voerscreven Claese ende synen wive haeren ouderen bliven zelen
met condicien oft gebeurde, dat st:t; onder deylingen ende
die alsdan gestaden sal
scheydingen vanden selven goeden, den voerscreven meysens byden knecht
inde voerscreven leengoeden, eenigen stoot oft letsel gedaen worde ende
dat zy den voerscreven meysens met hem inde selve leengoede endest:t;
hen met en wilden laten deylen, dat hy dien gevalle, de selve
meysens, alsoe vele meer vanden selven erffeliken ende ombetaelt
goeden, hebben ende aenveerden zelen, tot dat metten selven erffelike
goeden verleken worde gelyc worde tgebreck dat hem inde
selve leengoeden gebeuren sal, den wederseggen van iemande
hove vetterstaende oft oic den rechte dairaf tot contrate
onderhouden, niet tegenstaende
X Juny
Item Daems
Lange, Keynooge, Katheline Schoemans met Janne Daems haeren man
heeft st:t;Opgedragen ende overgegeven tot behoef van Willeme
ende Applonien van Rykenrode synen wive
Daems haer vyf zestedeelen van eenen huyse metten hove
gronde etcetera gelegen tot Neckerspoele inde Rechtstrate tusschen
Margrieten Verelst erve, aen deen zyde ende Barblen Robbyns erve
aen dander zyde. A Domino Mechliniensi, Waranderende. Op eenen chysgulden ende eenen
scellinge Loevens vuten voirscreven geheelen huyse jaerlix gaende
XIII novembry tempore simile
Pis Martens
Keyenoege, Rode. Wouter Cools ende schoenmakere, heeft vercocht Gielis
Martens oic oude schoemaker tot zinen live ende oic tot behoef ende te
live van Lysbetten Voets synen wive ende tot des langhstlevende live
van hen beyden, Sesse gouden Rynsgulden elken van dien tot
veertich groten Vlaems gelts gerekent, jaerliker lyfpensien, Te
heffene, altyt tot Sinte Jansmisse dairaff den jersten termyn
van betalingen syn sal tot Sinte Jansmisse naestcomende, Op ende
aen des voerscreven Wouters huys metter plaetsen gronde etcetera gelegen
inden Ouden Bruel, tusschen Mathys Alen erve aen deen zyde
ende Jans vanden Eynde cleermakers erve aen dander zyde
A Domino Mechliniensi. Op drie groten Brabants gelts daervoir vutgaende
XXVII septembris
Jan van Boxhem
Keyenooge, Rode. Jan Streke heeft vercocht Janne van Boxhem, sesse
gouden Rynsgulden, elken van dien tot veertich groten Vlaems gelts
gerekent erffelix chys, die hy hadde, Op desselfs Jans van
Boxhem huys metter plaetsen gronde etcetera gelegen in Sinte
Kathelinenstrate opten hoeck vander Bogaertstraten, tusschen de
selve strate aen deen zyde ende des voerscreven Jans Snelle erve aen
dander zyde, Ende voirtaen op alle des voerscreven Jans van Boxhem
haeffelike ende andere erffelike goeden metten gronde etcetera bynnen etcetera wesende
ende gelegen, die zy hadde ende namaels soude mogen vercregen
A Domino Mechliniensi, Waranderende etcetera.
Assignavit nulla
ut supra tempore simile
Jan vanden Broeke
cum tutore
Schooff, Keyenoege, Katheline van Rymenam wylen Willems dochter, heeft
vercocht Willeme vanden Broeke, Een huys metten hove ende
met eenen stucxken lants ende oic metten gronde etcetera gelegen tot
Muysene houdende omtrent een half buender gelegen tot Muysene
inde Vekenstrate tusschen des goidshuys van Muysene erve
aen deen zyde ende Gielis vanden Brande erve aen dander zyde
A Domino Mechliniensi, Waranderende. Op twee veertelen Rogs ende drie scellinge
grote Brabants gelts, dair vutgaende
Assignavit XVI Rynsgulden opten
ut supra
Lange, Keynoegestam Godeman, heeft Terve gegeven, Gheerden Peters
ende Lysbetten Balen synen wive, Twee huysen metten hoven gronde etcetera
gelegen deen neven dander op Neckerspoele opten hoeck vander
Rechtstraten tusschen de selve strate aen deen zyde ende wylen