Blader door transcripties » Stadsarchief Mechelen

archieftoegang 2, inventarisnummer 950, pagina 173

Relicta vanden Wyncke
Man Gheylene, Jan van Elshem wylen Henricx soon heeft vercocht
Kaerlen vanden Wynckele, tot behoef van jouffrou Aeghten Kemmens
weduen van wylen Willem vanden Winckele, drie gouden Peters
elken van dien tot sessendertich groten Vlaems gelts gerekent
chys, die zy hadde Op een huysst:t; drie huysen metten gronde etcetera
toebehoerende Kathelinen Stuers Jacoppe vanden Eynde wyfs die
wylen Henricken Stuers toe plagen te horen ende die nu
Kathelinen Stuers synder dochter toebehoeren gelegen deen
neven dandere ende ierste Vleeschouwerstrate opten hoeck
van eenen straetkene, gaende ten water weert tusschen tselve
straetken aen deen zyde ende der weduen ende kynderen erve van
wylen Gielis vander Gracht diemen heet van Aelst aen
dander zyde, Ende voirtaen op alle dandere desselfs wyl
Henricx Stuers oic erffelike ende binberuerlike goeden metten gronde
bynnen etcetera gelegen, die zy hadde ende namaels soude mogen van
A Domino Mechliniensi, Waranderende etcetera.
prima decembry
Joos van Droelaert
uxor
Lange senior, Borch. Joes van Droelaer ende Katheline Cousaert zyn wyf
seggende dat zy gheen wettige kynderen en hadden, Ende hebben
dair om gewilt ende openbairlic voir ons geordineert, dat de
langhstlevende van hen beyden soe lange die alsdan leven sal paen
ende vredelic sal gebruyken alle der haeffeliker ende erffelike goeden
bynnen etcetera wesene ende gelegen, die zy nu ter tyt hebben ende hier
namaels oic hebben ende vercrigen zelen, Ende metten selven
haeffeliken goeden, in zynder noot mogen disponeren ende ordineren
den wederseggen van iemande ende oic den rechten ende constumen
dairaf ter contrarien onderhouden niet tegenstaende. Behoudelic
vander voir stad
dien, dat alle de voirgenoemde goeden na des langhstlevende doot vanden
selven Joosen ende Kathelinen synen wive blivende, toecomen ende versterven
zelen, haeren gerechten erfgenamen dien, die goeden na den recht
vander voerscreven stad sculdich zelen syn toe te comen ende te versterven
oft den ghenen die zy deselve goede samentlic met testamente
oft anderssins geven ende maken zelen welke ordinancie den
Yngelram, Cale, Keyenoeghe, Rode, Ende Gheylinck, onse
medescepenen by crachte vanden statute tanderen tyden, dair op gemaect
geconfirmeert ende geapprobeert hebben ende by onser ordinander
macht confirmeren ende approberen, Alle argelist vutgescheyden
ut supra
Jacop Wabbels
Rode, Gheylinck Jan Standaert heeft vercocht Jacoppen Willem
Eenen wyngaert met eenen huyse dair op staende ende oic metten
gronde etcetera gelegen buyten Sinte Kathelinen poirte tusschen der
infirmarien erve vanden crancken beghinen, staende bynnen deen
beghynhove van deser stad, aen deen zyde ende de strate aldaer
aen dander zyde. A Domino Mechliniensi, Waranderende. Op eenen chysgulden van
scellinge ende sesse penninge Loevens eenen capuyn, Een oude zynen
ende eenen gouden Peter te wetene sessendertich groten Vlaems
voir
gelts gerekent, dair vutgaende
Assignavit IIII Peters eens
de
Gheerde Storm heeft Quytgesconden ende opgedragen
tot behoef van Janne vanden Bossche, Machiels soude
vanden Bossche
de Gheylinck, Gheerd Storm heeft opgedragen ende overgegeven tot
behoef van Janne vanden Bossche Machiels sone, alle alsulken
recht als hem toecomen ende verstorven es byder doot van wylen
Lysbetten Storms zynder zuster, die wyf was doen zy leefde
des voerscreven Jans vanden Bossche, ende alle ende yegewelke alsulke
erffelike goeden metten gronde etcetera bynnen etcetera gelegenst:t; der stadt
ende vryheit van Mechelen gelegen. A Domino Mechliniensi, Waranderende etcetera. Ende
voertaen heeft de voerscreven Gheerdt, Quytgesconden los vry ende
ledich, den voerscreven Janne vanden Bossche van allen den
haeffeliken goeden, die hem byder doot vander voerscreven wylen
Lysbetten zynder zuster in eeniger manieren toecomen gebleven
ende verstorven zyn ende alle andere dies quitancie behoeven, geheelic
ende al
III decembry tempore simile
Janne Dale
Musene, Borch. Jannes de Scrynmakere als rentmeesterst:t; procureur
ende inden name vanden huyse van Pitsenborch de Duytsscher heeren
staende inder stad van Mechelen hebbende om tgene te doen, dat hier
naer volght vanden Commandeur desselfs huys volcomen macht
gelyc ons dat by eender procuracien dair op gemaect ende bezegelt
metten zegel ten zaken der voerscreven stad, claerlic bleeck, heeft
Opgedragen ende overgegeven tot behoef van Janne vanden
Dale, Eenen Moelenberch met eender smoutmoelen dair op staende
metten gronde etcetera, die den selven Janne toe plach te hoeren, ende die de
voirgenoemde Jannes tanderen tyden, tot des voerscreven huys behoef voir
achterstelligen chys die tzelve huys dair op te wettelic
heeft
vutvutgewonnen ende verreyct heeft gelegen buyten Sinte Kathelinen
Poirte byden wech te Duffle weert gaende tusschen Jans vanden
weerde erve aen deen zyde ende Peters de Meyere erve aen dander zyde
A Domino Mechliniensi, Waranderende. Behoudelic den voerscreven huyse dair op synen voirscreven
huyse ende allen anderen dier voir ende naer chys op hebben
IIII novembris
de Goessen
Ingelram
Borch, ve Henrick vanden Dycke droeghscheerder inden name van
Margrieten Bruynincx, dat synen wive die hy in hem verving ende
Barble ende Thorye Bruynincx der voerscreven Margrieten zusteren, inde
name van hem selven, Ende oic inden name van Lysbetten Bruynen
haerlieder zuster absent wesene, die zy in hen vervingen, hebben
Quytgescondenst:t; als naeste erfgenamen vander moeder wegen
van wylen Wouteren vanden Brande, hebben, Quytgesconden los
vry ende ledich, Janne vander Eyken, tot behoef van Margrieten
Goessen weduen vanden voerscreven wylen Wouteren vanden Brande ende
nu tertyt desselfs Jans wyf van allen den haeffeliken
goeden, die henlieden byder doot vanden voerscreven wylen Wouteren
haeren neve ende der voerscreven wedue ierste man doen hy leefde in
eeniger manieren toecomen gebleven ende verstorven zyn ende alle ander
dies quitancie behoeven geheelic ende al
VII decembris