Blader door transcripties » Stadsarchief Mechelen

archieftoegang 2, inventarisnummer 950, pagina 165

dat Merts
Lange senior, Lange, Vos, Henrick Boys, heeft vercocht Lysbetten Smeets
weduen wylen Augustyn Ymbrechts, drie gouden Rynsgulden
elken van dien tot veertich groten Vlaems gelts gerekent, erffelicx
chys, die zy hadde, Op des voerscreven Lysbetten stuck van
eenen hove metten gronde etcetera achter derven oft huysen, de
Wolf geheeten toebehoerende Andries Herregoden neven
van Mechelen
dandere over de Grootbrugge opte Corenmarct gelegen, tusschen
Jan Schoofs erve aen deen zyde ende der voerscreven Lysbetten de
weduen ende haere kynderen erve aen dander zyde. A Domino Mechliniensi,
Waranderende etcetera.
Assignavit nulla
XIIII octbris
de wedue Antonis Boom
Lange senior, Lange, Junior, Jacop de Bock, heeft vercocht jouffrou Lysbeth
Godessouwe diemen heet Inden Creeft weduen van wylen Anthoen
Boom, Een huys metten hove schueren bogaerde gronde ende
anderen synen toebehoerten, dat Henricken Vuystaert toe plach
te hoeren, ende dat de voirgenoemde Jacop voir achterstelligen he
van drie goeden jaerliken ende erffeliken chys van dien
gouden Peters elken van dien tot sessendertich groten Vlaems
gelts gerekent, die hy dair op heeft wettelic vutgewon
ende verreyct heeft gelegen inde prochie van Muysene
ter Wyelen, tusschen des huys van Pytsenborch erve aen
deen zyde ende de gemeyn strate aldair aen dander zyde
A Domino Mechliniensi, Waranderende. Op driendertich scellinge ende eenen
halven payments ende opte voirgenoemde drie gouden Peters vanden
voerscreven pryse, die de voergenoemde Jacop daer op heeft ende jaerlicx
ende erffelic dair op hebben heffen ende behouden sal. Behouden
dien, dat de voirgenoemde weduwe, die sal moegen lossen ende
ende niet een
quiten, naer de drie toecomende jaer ende elken Peter van
dien voir twintich der geliker Peters met vollen chyse
Assignavit X Peters
ut supra
Jan Halfhuys
Borch, Keyenooghe. Henrick Balleman als deken, ende Gielis Daems
Hubrecht de Moinck als geswoirne ende inden name vanden
ambachte vanden spellemakers inder stad van Mechelen hebben
vercocht Janne Halfhuys, vier gouden Rynsgulden, elken
van dien tot veertich groten Vlaems gelts gerekent erffelix chys
die tvoerscreven huys ambacht hadde, Op des voerscreven Jan half
Twee huysen metten hoven plaetsen gronde etcetera gelegen over de
Tyechelrie inde Moelenberch tusschen de Dele aende
zyde ende Reyner Vrancx erve, aen dander zyde. A Beato
Waranderende etcetera
Assignavit den XI denier
ut supra
Henrick Smet et uxore
Muysen, Lange Senior, Henrick Smet ende Lysbeth van Walle syn wyf beke
dat zy gheen wettige kynderen en hadden, Ende hebben dair om gewilt
ende openbairlic voir ons geordineert dat de langhstlevende vanden
beyden soe lange die alsdan eenen sal paysselic ende vredelic sal geben
alle der haeffeliker ende erffeliker goeden bynnen etcetera wesende ende
gelegen, die zy nu ter tyt hebben ende hier namaels oic hebben ende
vercrigen zelen, Ende metten selven haeffeliken goeden, in zynden
deselve
noot mogen disponeren ende ordineren, den wederseggen van iemande ende
oic den rechten ende coustumen dairaf ter contrarien onderhouden
niet tegenstaende. Behoudelic dien, dat alle de voergenoemde
goeden, na des langhstlevende doot vanden voerscreven Henricken ende
synen wive blivende toecomen ende versterven zelen haeren gerechten
erfgenamen, dien die goeden na den rechte vander voerscreven stad
sculdich zelen syn toe te comen ende te versterven, oft den ghenen
dien zy de selve goeden tsamentlic met testamente oft anderssins
geven ende maken zelen, welke ordinancie wy ende oic Borch
Oeyenbrugge, Lange, Soe Cale, Keyenoeghe ende Rode, onse
medescepene, by crachte vanden statute tanderen tyden dair op
gemaect geconfirmeert ende geapprobeert hebben ende by onser
ordinairder macht confirmeren ende approberen, Alle argelist
vutgescheyden
XVII octobris
Ymbrecht Weelman
Coram, Egidio de Gottingnies Magriete contrate gecomen zyn
Willem van Beneden ende Henrick Goessens van Rumpst Ende hebben
gelooft ende elc van hen besunder ende voir al ongevrydt na der
divisen recht, Meester Hubrechten Weelmans docteur int Loye
te ghevene ende te betalene, de somme van eenendertich pont
groten Brabants gelts vut zaken van eender coopmanscap
vanden houwe van eenen bossche, den selven Meester Hubrechte
toebehoerende gelegen tot Waerloet, tot Bamisse oft tSinte
Martensmisse ombegrepen naestcomende, des es de selve Meester
Hubrecht derde sonder eenich wederseggen, des es
de selve Meester Hubrecht een derde man vanden cooper vanden
selven bosschen gewynne ende in verliese, Actum XVI
Betobris, den XXIIII
Item
Henrick Langneese
Cale, Gheylinc. Digne vanden Dale, wedue van wylen Claes Boeyenhals
cum tutore heeft Opgedragen haer tocht die zy hadde inde helft
van eenen hove metten gronde etcetera dien wylen Janne Martens
toeplach te hoiren, gelegen buyten der Bruesselpoirten inde
Rechtstrate tusschen Jan Papeleurs erve aen deen zyde ende
ende Jacop de Vos erve aen dander zydest:t; ende Jans van Laken erven
aen dander zyde. A Domino Johanna vander Aa. Juravit etcetera tot behoef
van Philips, Janne, Rommonden, Barblen ende Margrieten Boeyenhals
haeren kynderen, welke, Barble ende Margrieten tot haeren ende haeren
bruederen behoef waeren dair inne geerft, Ende dair naer
hebben de selve Barble met Janne vanden Rode ende Margriete
haer zuster met Wouteren Claes haeren mannen voir hem selve
Ende oic de selve Jan vanden Rode, Jan Boeyen als
ende Jan Stibloos, diemen heet Mante als momboeren ende
inden name vanden voerscreven Philips Janne ende Rommonden vyf
annos etcetera wesene, die zy in hem vervingen, Opgedragen tot
behoef van Henricken Langneze, den voirgenoemde hof met synen
voerscreven toebehoirten boven gescreven, Waranderende etcetera
X octobris