Blader door transcripties » Stadsarchief Mechelen

archieftoegang 2, inventarisnummer 950, pagina 164

De misse vanden name
Philips ende dwasse licht
van Onser Vrouwen los
in Sinte Rommonts kercken
Rode, Gheylinck. Peter van Steynemoelen, heeft bewesen in puerder
aelmoessenen bewesen, heeren Janne vander Eyken priester tot
behoef ende in augementacien van eender myssen, die ghsten
begonst es metten langhen te singhene, Opten outaer van
Onser Liever Vrouwen in Sinte Rommonts kerken, ter eenen ende
weerdicheyden vanden Heyligen name eens ende diemen van
es voirtaen alle sondage ten eeuwigen dagen aldair singhen
sal vyf scellinge grote Brabants gelts erffelix chys, Ende oic
oic
drie scellinge groten Brabants gelts erffelix chys, tot behoef
vanden wassen lichte, datmen alle dage ter eenen van
Onser Liever Vrouwen in haeren hove aldair beent, Te
heffene altyt opten vierden dach van Octobry Op ende
aen syn huys oft woeninge metter plaetsen ende poirten van
metten hove achter ende oic metten gronde etcetera gelegen inden
Nyeuwen Bruel, tusschen Gielis van Gottingnies erve aen deen
zijde ende Jans van Culixrode erve aen dander zyde. A Domino Mechliniensi,
Waranderende etcetera
V octobris
Katlyne sCuypers wedue
Jan van Laken
Keynoege, Gheylinck, Margriete van Laken, met Janne Helsman
haeren man, heeft Quytgesconden los vry ende ledich Katheline
sCuypers weduen van wylen Janne van Laken van allen
den haeffeliken goeden, die haer byder doot van vanden
voerscreven wylen Janne van Laken haeren broeder ende der voerscreven wedue
man doen hy leefde in eeniger manieren toecomen gebleven
ende verstorven zyn ende alle andere dies quitancie behoeven
geheelic ende al
VI octobris
Wouter Cools
Cale, Keyenoege, Mathys Alen heeft vercocht Wouteren Cools
twee gouden Rynsgulden elken van dien tot veertich groten Vlaems
gelts gerekent erffelix chys, die hy hadde, op des voerscreven Wouters
huys met eender cleynder plaetsen ende oic metten gronde etcetera gelegen
inden Ouden Bruel, tusschen des voerscreven Mathys erve aen deen zyde
ende Jans vanden Eynde cleermakers erve aen dander zyde, streckende
achterweerts metten selven plaetskene, tot eenen muer den zelven
Mathys Alen toebehoerende. A Domino Mechliniensi, Waranderende.
Assignavit den XXVI denier
III octobris
Jacop Robyns
Lange, Junior, Keyenoege, Agneest Jacops dochter, die van Janne de Cock
haeren man dorcieert es met eenen vremden momboir, haer verletten
heeft vercocht Jacoppen Robbyns, Een huys metten hove gronde etcetera
gelegen inde Zweenstrate tusschen Sophien van Ympele erve
aen deen zyde ende Marien Rommonts erve aen dander zyde
Waranderende. Op tderdendeel van derthien scellingen ende vier penningen
groten Brabants gelts ende op twintich scellingen ende sesse penningen
der selver groten dair jaerlix vutgaende
Assignavit XL Rinsgulden
X octobry
Jan vanden Hove
Lange, Mol, Keyenoege, Jan vanden Hove, wettich soon van Anthoenis vander
syn zuster
hove ende Marie vanden Hove met Anthonis Herregode haeren man
hebben quytgesconden los vry ende ledich, den selven Anthoenis haeren
vutgenomen vander Brecht
vader van allen den haeffeliken goeden die hen byder doot
van wylen Lysbetten Gielevoert haer moeder ende des voerscreven
Anthoenis van haers vaders wive, doen zy leefde in eeniger
manieren gebleven ende verstorven mogen zyn ende alle andere dies
quitancie behoeven. Behoude Behoudelic dien dat
dagereck van bynnen den sterfhuys wesende de selvenst:t;
vande
huyse als de erve toebehoeren sal vutgenomen der
Ultima octobris
de Hooge
Item. Lysbeth Visschen wylen Jans dochter met
Florys van Dunghenen haeren man, heeft vercocht Janne de Hooghe
Twee gouden Rynsgulden elken van dien tot veertich groten Vlaems
gelts gerekent erffelix chys, Te heffene altyt tot Bamisse
Op ende aen de haer een huys met twee cleynen huysst:t; hoven
gronde etcetera gelegen inde Drapstrate tusschen Rommont tSerghysels
erve aen deen zyde ende Laureys vanden Houwe erve aen dander
zyde. A Beato Rumoldo, Waranderende. Op vier capuynen, dair jaerlicx
voir vutgaende
Assignavit den X denier
ut supra tempore simile
Jan van Reven inden name van Barblen Bernaerts
diemen heet vander Hoeven synen wive ende Katheline Bernaerts
diemen heet vander Hoeven der voerscreven Barblen zuster, Ende
de selve Jan van Rueven, inden name van Yueten Bernaerts dest:t;
ende Lysbetten Bernaerts, diemen heet vander Hoeven, der voergenoemde
Barblen ende Kathelinen zusteren, die zy by crachte vander procuracien
hem gegeven alsoe ons dat byden oepenen brieve vander stad van
Antwerpen dair op gemaect claerlic bleeck in hem verving
hebben Quytgesconden los vry ende ledich Kathelinen Godevaerts
weduen
ende Joes de Monick
Lange Senior, Rode. Margriete de Monick wylen Joes de Monnick dochter
met Claes Rogiers haeren man, heeft Quytgesconden los vry ende
ledich, Margrieten vanden Vlyere weduen vanden voerscreven wylen Joes
de Moninck haere moeder van allen den haeffeliken goeden, die haer
byder doot vanden voerscreven Joos wylen Joes haeren ende der voerscreven
vader
weduen man doen hy leefde in eeniger manieren gebleven ende verstorven
ende syn ende alle andere dies quitancie behoeven
XII octobris
Jan vander recht
Item. Margriete vander Specht met Peteren van Schooten haeren
man, heeft Quytgesconden los vry ende ledich Janne vander Specht haeren
vader ende Margrieten Cristus synen wive haer stiefmoeder van allen
den haeffeliken goeden, die de voergenoemde Margrieten vander Specht byder
haer moeder een
doot van wylen Marien Bogaerts desselfs Jans vander Specht
Twee wive in eeniger manieren gebleven ende verstorven zyn
ende die haer byder doot vanden selven Janne vander Specht
haeren vader zelen moegen toecomen, bliven ende versterven, ende alle
andere dies quitancie behoeven geheelic ende al
ut supra tempore simile