Blader door transcripties » Stadsarchief Mechelen

archieftoegang 2, inventarisnummer 950, pagina 166

De selve
Rode, Gheylinc. Margriete vander Specht met Peteren van Schooten
haeren man vercocht Henricken Langneze, Twee chysgulden
erffelix chys, die zy hadde, opten voirgenoemde hof met synen
voerscreven toebehoirten, den selven Henricken toebehoerende. A Domino
Johanna vander Aa, Waranderende
Assignavit den XXVI denier
XX octobris
Augustyn Yngels
Yngelram, Keyenoege, Henrick Wychman ende Martine vanden Bloke
zyn wyf, hebben vercocht Augustyn Yngelram, Een huys
met eender cleynder plaetsen ende oic met eenen bogaerdeghe
etcetera gelegen inden Heembempt tusschen desselfs Henrix ende zy
wyfs ander huys, aen deen zyde ende Jans de Reyere diemen
heet Delssenere te huys aen dander zyde, streckende achterweert
metten voerscreven bogaerde inden welken men gaet van vuten
voerscreven vercochten huyse met een cleyn steynen brugge, te
doet een doene tot inde Kerchofstrate tusschen thuys den
Wolff geheeten toebehoerende Gielis de Meyere aen deen zyde
ende der weduen ende kynderen erve van wylen Jan de Rydder
aen dander zyde, Ende ter zyden weert vanden selven vercocht
huyse metten gebruyke van eenen gange gaende over de voirscreven
cleyn plaetse doer een doere over des voerscreven Henricx ende zyn
wyfs hoff van haeren voerscreven anderen huyse met eenen waterscap
totten vlyete toe. A Domino Mechliniensi, Waranderende. Opte helft van drie gouden
Rynsgulden, elken van dien tot veertich groten Vlaems gelts gerekent
ende van Sesse scellinge groten Brabants gelts, dair jaerlix vutgaende
Assignavit XVIII Rynsgulden erffelicx
Nova assisia Johanne
den XVI denier
vanden Bloke incepten XXIXa octbris XVI
ut supra
Adriaen Pauwels
wylen
Oeyenbrugge, Rode, Anthoenis Zweert baghers Jans soon, heeft
vercocht Adriaen Pauwels, Tderdedeel, dat hy hadde ende
drie chysgulden erffelix chys, Op des voerscreven Adriaens huys
metten hove gronde etcetera gelegen byde Heymeysbrugge
tusschen Gielis Meermans erve aen deen zyde ende Willem
vander Heyden erve aen dander zyde. A Beato Rumoldo, Waranderende etcetera
Assignavit den XXVI deniere villa
XIII octobry
Jan Mathys
Oeyenbrugge, Rode, Augustyn de Wechtere, heeft vercocht Janne
Mathys, Een pond grote Brabants gelts erffelix chys, dat hy
hadde, Op des voerscreven Jans huys metten hove gronde etcetera etera ende met
eenen anderen huyse dair neven staende ende oic metten gronde etcetera
gelegen inden Vettersham byde plaetse geheeten den Blaesbalch
tusschen Philips de Wilde erve aen deen zyde ende Gheerd
de Wechtere erve aen dander zyde. A Domino Mechliniensi, Waranderende etcetera.
Assignavit den XVI denier proville
Testam
Yngelram, Keyenoege, jouffrou Margriete Haenwych beghyne cum tutore
heeft Opgedragen ende overgegeven, in puerder aelmoessen
jouffrouwen Kathelinen sBeren ende Lysbetten sBeckers oic beghyne
als meesterssen ende tot behoef vander kysten, bynnen de
beghynhove van Mechelen, Een huys metten hove gronde etcetera
gelegen inde Zeelstrate tusschen wylen heer Jans vander Moelen
priesters erve aen deen zyde ende Claes Haenwych erve aen dander
zyde streckende achterweerts metten voirscreven hove totten water toe
A Domino Mechliniensi, Waranderende etcetera.
XXIIII octobris
Joes van Steynen
Hoeven, Keyenoege, Wouter vander Eyken, heeft vercocht Peter van Thorssem
af ende Annen van Casterbroeck synen wive, Sesse veertelen Rogs
goede ende custbare Mechelscher maten, erffelix pacht, die
zy hadde, Op de voerscreven Annen stuck lants metten gronde etcetera
gelegen tot Hevere op Hevender Helt, tusschen der heere van Zellaer
even als bynnen Sinte Rommonts kerken erven aen deen zyde
beyde
Ende op haer stuck beempts oft bosch metten gronde etcetera geheeten
Keyeryck gelegen aldaer byde Heverheyde, tusschen van Heffene
Anthonis
erve aen deen zyde ende Aerts van Diest erve aen dander
zyde. A Domino Mechliniensi, Waranderende etcetera.
Assignavit nulla
XXIII octobris tempore simile
Cornelis Yngelram
Muysene, Keyenooghe. Jan vander Hadocht ende Marie vander Hadocht zyn
zuster met Marten de Bressere ende Barble vander Hadocht, oic
haerlieder zuster met Aert Mathys haeren wettigen mannen ende
momboeren, hebben opgedragen ende overgegeven tot behoef van
Cornelis Yngelram, weduere van wylen Margrieten vander Hadocht
alle de erffelike ende onberuerlike goeden metten gronde etcetera bynnen
der stad ende vryheit van Mechelen wesende en gelegen, die de
voerscreven Janne Marien ende Berken vander Hadocht, byder doot vander
voirgenoemde wylen Margriete vander Hadocht haer zuster, toecomen gebleven
ende verstorven zyn ende die de voerscreven Cornelis metter voirscreven wylen
Margrieten synen wive gecocht ende gecregen es. A Domino Mechliniensi, Waranderende etcetera.
heeft
Voirtaen hebben de selve Jan Mary ende Barble, ende haeren voerscreven mannen
met
we Quytgesconden den los vry ende ledich den voirscreven
Cornelisen van allen den haeffeliken goeden, die henlieden byder doot
vanden voirscreven wylen Margrieten haer zuster doot ende desselfs Cornelis
wive doen zy leefde, in eeniger manieren oic gebleven ende
verstorven zyn ende alle andere dies quitancie behoeven, geheelic
ende al aen dander zyde, heeft oic de voerscreven Cornelis gelooft
te betalene alle de sculden, die zy ende syn voerscreven wyf ten
tyde dat zy sterf sculdich waren, Ende oic te betalene alle
de legaten, die de selve syn wyf met haeren testamente gemaect
ende gelaten heeft, Ende dat hy den voerscreven quytschilders dairaff
altyt scadeloos quythouden ende ontlasten sal, sonder eenich
wederseggen
XXIII octobris
Marie ende Barble
onder Hadocht
Item. De voirgenoemde Cornelis de den voerscreven Jan Maeyen in
Twee hondere
Barblen vander Hadocht, de wet drie hondertst:t; gouden Ryns
gulden elken van dien tot veertich groten Vlaems gelts gerekent
Te wetene eenegeliken van hen zonder der selver gulden
Te betalene, ter stont na syn doot, Ende dair voir heeft by
zy verbonden alle syne haeffelike ende erffelike goeden, bynnen oic
der stadst:t; wesene ende gelegen, die hy nu ter tyt heeft ende hier
namaels oic hebben ende vercrigen sal
ut supra