Blader door transcripties » Stadsarchief Mechelen

archieftoegang 2, inventarisnummer 950, pagina 163

Rommont Lauwaerts
et uxore
Beaters
Borchoeyenbrugge. Rommond Lauwaerts ende Beatrisst:t; Mast syn wyf
de
seggende, dat zy gheen wettige kynderen een hebb, Ende hebben
dair om gewilt ende openbairlic voir ons geordineert, dat de
langhstlevende van hen beyden, soe lange die alsdan leven sal
payselic ende vredelic sal gebruyken alle der haeffeliker ende
erffeliker goeden bynnen te etcetera wesende ende gelegen, die hy
hiernamaels oic hebben ende
nu ter tyt hebben ende vercrigen zelen, Ende metten selven
haeffeliken goeden in synder noot mogen disponeren ende ordineren
den wederseggen van iemande ende oic den rechten ende
coustumen dair af ter contrarien onderhouden niet tegenstaende
Behoudelic dien, dat alle de voirgenoemde goeden na des langhsten
doot vanden voerscreven Rommonden ende synen wive blivende toecomen
ende versterven zelen, haeren gerechten erfgenamen, dien die
goeden naden rechte vander voerscreven stad sculdich zelen syn
toe te comen ende te versterven, oft den ghenen dien zyde
selve goeden samentlic met testamente oft anderssins
geven ende maken zelen, welke ordinancie wy ende oic
Yngelram, Cale, Keyenoege Rode ende Gheylinck
medescepene, by crachte vanden statute tanderen tyden daerop
gemaect geconfirmeert ende geapprobeert hebben ende by onsen
ordinaerder macht confirmen ende approberen, Alle argelist
vutgescheyden
XXIIII septembry
Jan Luybrechts et uxore
Muysen, Langhe. Jan Luybrechts ende Lysbeth vanden Plassche syn
wyf, Seggende dat sy gheen wettige kynderen ende hebben
Ende hebben dair om gewilt ende openbaerlic voir ons geordineer
dat de langhstlevende van hen beyden soe lange die alsdan leven
sal paysselic ende vredelic sal gebruyken alle der haeffeliker goeden
waer die bevonden zelen worden, die hy nu ter tyt hebben
hier namaels oic hebben ende vercregen zelen, Ende metten selven
haeffeliken goeden in synder noot mogen disponeren, ende ordineren
den wederseggen van iemande, ende oic den rechten ende coustumen
dairaf ter contrarien onderhouden niet tegenstaende. Behoudelic
dien, dat alle deselve goeden na des langhstlevende doot vanden
voirscreven Janne ende synen wive blivende toecomen ende versterven
zelen, haer gerechten erfgenamen, dien die goeden na den recht
vander voerscreven stad sculdich zelen syn toe te comen ende te versterven
oft den ghenen dien sy deselve goeden samentlic met testamente
oft anderssins geven ende maken zelen welke ordinancie we
gemaect, geconfirmeert ende geapprobeert hebben ende by onsen
ende oic Borch, Cale, Keyenoeghe Rode ende Gheylinck onser
medescepenen by crachte vanden statute tanderen tyden dair op
ordinairder macht confirmeren ende approberen alle argelist
vutgescheyden
XXVII septembris
Gielis vander Schueren
doude
Muysen, Langhe. Jan van Gouberghe, heeft vercocht Gielis vander
schueren, Een schuere metten hove ende lande gronde etcetera houdende
tsamen omtrent vyf vierendeel, gelegen tot Heffene, aende gemeyn
Heerstrate gaende de Vlaenderen weert, tusschen Anthoenis de Borgere
erve aen deen zyde ende Jans de Cale erve aen dander zyde
comende achterweerts tot aen tRot. A Domino Mechliniensi, Waranderende. Op twee ponden
achtien scellinge payments ende derthien scellinge groten Brabants gelts
dair jaerlix vutgaende
Assignavit VI Peters
II octobris
een misse in ecclesia
Muysene, Lange doude, Henrick Wychman ende Martine vanden Bloke syn
wyf hebben bewesen, Gielis Daems, Hubrecht de Moinck
ende Fransen de Byns, als geswoirne ende tot behoef vandenst:t;
ambachte vanden spellemakers inde voerscreven stad tot behoef
van eender erffeliker missen die de ge deken ende geswoirne
vanden selven ambachte altyt by tyden wesene, zelen doen doen
dien dagen
ende celebreren, by alsulken priester als hen gelieven sal, op des
voerscreven ambachts outaer van Sinte Machiels staende inde
prochiekerken van Sinte Kathelinen alle weken, tot alsulken
dage alsmen die gewoenlic te doene, drie gouden
Rynsgulden elken van dien tot veertich groten Vlaems gelts
gerekent erffelix chys, Te heffene altyt tot Sint Jansmisse
dairaff den jersten termyn van betalingen syn sal tot
Sinte Jansmisse naestcomende, Op ende aen haerlieder twee
huysen metten bogaerde gronde ende allen anderen haeren toebehoerten
gelegen deen neven dander inden Heembempt tusschen Jans
thuys
de Reyere diemen heet Delssenere erve aen deen zyde ende
Henrick Lauwaerts erve aen dander zyde, streckende
achterweerts metten voergenoemde bogaerde inden welken
men gaet van vuten voerscreven huysen over den vlyet niet
eender bruggen tot inde Kerchofstrate tusschen thuys
den Wolff geheeten toebehoerende Gielis de Meyere aen
deen zyde ende der weduen ende kynderen erve van wylen
Jan de Ryddere aen dander zyde. A Domino Mechliniensi, Waranderende. Opte
weerde van Sesse scellingen groten Brabants gelts
voir vutgaende
supra tempore simile
ende Zeysene
Mathys Gheerds alias
ende consente
Rode, inck. Barble van Wyden cum tutore heeft by bywesene van
Hubrechten Back haeren Regeerder vercocht Mathys Gheerds diemen
heet Inde Seyssene, Sesse gouden Rynsgulden, elken van dien tot
veertich groten Vlaems gelts gerekent erffelix chys, Te heffene
altyt tot Sinte Jansmisse, dairaff den jersten termyn van
betalingen syn sal tot Sinte Jansmisse naestcomende Op ende aen
haer twee huysen metten hoven gronde etcetera gelegen deen neven
dander tot Neckerspoele opte Heergracht, tusschen des voerscreven
Mathys erve aen deen zyde ende Jan Vlemings erve aen dander
zijde. A Domino Mechliniensi, Waranderende etcetera.
Assignavit den XXVI denier
V octobris