Blader door transcripties » Stadsarchief Mechelen

archieftoegang 2, inventarisnummer 950, pagina 162

Vooghstrate tusschen der weduen ende kynderen erve
van wylen Rommonde Hemelrycx aen deen zyde ende
Cristoffels Brant erve aen dander zyde. A Domino Mechliniensi, Waranderende.
Op vyf scellinge Loevens, een pond vier scellinge payments
vuten voirscreven geheelen huyse metten hove jaerlix gaende
Assignavit L Peters
XXII may
Rommond Gheens
es. Item. Symoen van Aertselaer heeft opgedragen ende
overgegeven tot behoef van Rommond Gheens, Een hofstad daer
tanderen tyden, twee huysen op plagen te stane, die bynnen Corten
tyden Verbrant syn, gelegen inde Scipstrate, tusschen der weduwe
ende kynderen erve van wylen Jan Eskens aen deen zyde ende Cristoffels
van Barlaer erve aen dander zyde. A Domino Mechliniensis, Waranderende etcetera. Met
alsulker condrien in desen bovest:t; bevorwert ende ondersproken, dat
de voirgenoemde Rommond Gheens sculdich sal syn de voirgenoemde hoffstadt
vierscharen alhier te brengen ende die aldaer te vercoepen, ten
meesten ende haersten pryse ende tgene dat overen sal boven dat de
selve Symoen Rommonde voirscreven sculdich es, dat sal Rommond haer laten hebben
ende gebruyken sonder wederseggen
ut supra
Dexecuteurs wylen
Magriete Reynkens
Marie
Muysene, Rode. Sanderen ende Mast vanden Venne, als
gerechte ende eenige erfgenamen van wylen Gielis vanden Venne
haeren brueder ende Jan ende Henrick Reynkens gebruederen
Cleynhovens
ende Margrietest:t;Rynsst:t; met Janne van Luypegheem
haeren man ende oic Margriete Katheline, Jehanne ende
Barble Cleynhovens haer zusteren Aerts Cleynhevens syn
wylen Lysbetten Reynkens kynderen syns wyfs ende der voirscreven
Jans ende Henricx Reynkens zusters doen zy leefde kynderen
als gerechte ende eenige erfgenamen van wylen Margriete
Reynkens, des voergenoemde wylen Gielis vanden Venne
wive hebben bekent, dat heer ende Meester Gielis vanden
Bossche priester Cureyt der prochiekerken van Onser
Liever Vrouwen ende Otten Eveloeghe als executeur
vanden testamente ende vutersten wille vanden voerscreven wylen
Margrieten Reynkens, des voerscreven wylen Gielis vanden
Venne wive, henlieden goede ende rechtveerdige rekeninge ende
bewys gedaen hebben, van allen den haeffeliken goeden
die den voergenoemde bekender byder doot vanden voergenoemde
wylen Gielis vanden Venne ende vander voor der voerscreven
Sanderen ende Marien vanden Venne brueder ende vander voirscreven
wylen Margrieten Reynkens, der voergenoemde Lysbetten Magriete
Kathelinen, Jehannen ende Barblen Cleynhennens moeyen doen
zy leefde in eeniger manieren, gebleven ende verstorven mogen
zyn ende die zy henlieden met haeren testamente gemaect
ende gelaten hebben, Ende dairaf ende oic van altgene, dat
zy den voirgenoemde executeurs vut zaken van dien soude
moegen heysschen, hebben de voerscreven bekender quytgesconden
den selven executeurs ende allen anderen dies quitancie
behoeven geheelic ende al
XXV septembris
Henrick Wychman
et uxor
Muysene, Langhe, Colaert Noel ende Amelberghe Otters syn
wyf, Ende oic Peter de Ruysschere hebben bekent dat
zy gehadt ende ontfangen hebben van Henricken Wychman
ende van Martinen vanden Bloke synen wive de somme van
voir
elf ponden vier scellingen groten Brabants gelts de
lossinge ende quitinge van veerthien scellingen groote oic
Brabants gelts jaerlix ende erffelix chys, die de voerscreven
Henrick Wychman ende Martene vanden Bloke syn wyf
tanderen voir scepene van Mechelen bewesen hebben, de
voirgenoemde Colaert ende synen wive tot behoef van Janne
Otters desselfs syns wyfs broeder, te hebbene ende
heffene, Op haerlieder drie huysen metten hove ende haeren
toebehoerten, deen neven dander inden Heembempt
gelegen, voirst:t; inde stad van alsulke vyftich Peters
ende als wylen Katheline van Pullaer, des voirgenoemde
Henricx ierste wyf, den voergenoemde Janne Otters met
haeren testamente gelaten ende gegeven hadde van
welker sommen ende oic vanden voerscreven erffeliken chyse, hebben
de voergenoemde bekender Quytgesconden der voirgenoemde
Martinen vanden Bloke tot haeren ende haers voerscreven mans
behoef ende haer voerscreven huysen ende oic alle andere
dies quitancie behoeven geheelic ende al, Gelovende
mede, de selve bekenders ende elc van hen besunder ende voir
al, den selven Henricken ende Martinen synen wive daer
af altyt st:t; ende haer voerscreven huysen, dairaff altyt
schadeloos quyt te houden ende tontlasten, Om welke
gelooften alsoe tonderhoudene, Ende om der meerder
zekerheit, den voerscreven Henricken ende synen wive
van dier te doene, Soe hebben de voirgenoemde bekender
der voerscreven Martinen tot haeren ende des voerscreven man haers
mans behoef, dair voir verbonden ende te pande geset alle
haere haeffelike goeden waer die bevonden zelen worden
die zy nu hebben ende hier namaels oic hebben ende vercrigen zelen
sunderlinge de voirgenoemde Peter Syn huys metten hove ende plaetsen
gronde etcetera den Yngel geheeten gelegen opten Haverwerf tusschen
Peters de Muntere erve aen deen zyde ende Jans van Ghestelle
erve aen dander zyde devanden welken de voerscreven Colaert
ende syn wyf gelooft hebben, den voerscreven Peteren altyt schadeloos
quyt te houden ende tontheffene
XVII septembris