Blader door transcripties » Stadsarchief Mechelen

archieftoegang 2, inventarisnummer 950, pagina 161

Jan vanden Hove et
Claes. Sebastiaen vanden Venne, heeft vercocht Janne
vanden Hove ende Lysbetten Claes synen wive, Een huys metten hove
gronde etcetera gelegen inde Begaertstrate opten hoeck van eenen
straetken, geheeten de Sticke, tusschen de selve stuckadde aen
deen zyde ende Aerts van Nieuwenhuyse erve aen dander zyde
A Domino Mechliniensi, Waranderende, die Paestine van Boxhem met Rommonden van
Afscheyde haeren man gelooft heeft, Op twee capuynen, vier
pond veerthien scellinge payments ende vyf scellinge groten Brabants
gelts dair jaerlix vutgaende
^
Assignavit X Peter erffelicx
den XVI denier
XXIII novembry
Rommont van Asschen
et uxore
de
de voerscreven Jan vanden Hove ende Lysbeth syn wyf
hebben bewesen, den voerscreven Rommonden van Afscheyde ende Paessene
synen wive, Eenen gouden Peter te wetene, sessendertich groten
Vlaems gelts voir dien gerekent erffelix chys Te heffene altyt
opten vyfthienden dach van julio, dairaf den jersten termyn
van betalingen syn sal, opten vyfthienden dach van julio st:t; naestcomende
Op ende aen des voerscreven Jans ende syns wyfs huys metten hove boven
gescreven. A Domino Mechliniensi, Waranderende. ut supra
ut supra
Libery Joes vanden
Breyne et uxore
Borch, Rode. Jan vanden Breyne ende jouffrou Lysbeth sMoors syn
wyf, hebben gewilt ende openbairlic voir ons geordineert, dat
alle haer kynderen, alsoe wel meyskens ende knechtkens ende knechten
namaels
als meyskens, die sy nu ter tyt hebben ende hier oic hebben ende
vercrigen zelen, Evengelic ende in geliken deele ende porcien
hebben houden besitten ende deylen zelen, alle haer haer ende yegewelk
haer haeffelike ende erffelike ende andere onberuerlike goeden, hoeden
die zyn, bynnen ende buyten der voerscreven stad ende vryheit van Mechelen
wesende ende gelegen, die na eensyegelycx doot vanden voerscreven
wile
minne ende wyfs haeren onderen bliven zelen
XVa septembris
Lodewyck Quarre
Rode, Gheylen. Willem vanden Hove sceymakere, heeft vercocht
Lodewyck vander Straten tot behoef van Lodewyck Quarre, heer
de La Haye in Henegouwe, Twee huysen metten plaetsen
gronde ende haeren toebehoerten, deen neven dandere in Sinte
Kathelinen strate gelegen, tusschen Jans van Rillaer, wylen
Claes van Rillaer soons huys, aen deen zyde ende Reyners vanden
weerde erve aen dander zyde comende achterweerts deen huys
van dien twee huysen, tot eenen nieuwen muer staende vast aende
plaetse van des voerscreven Lodewycx Quarre woeningen ende dander
huys van dien met eender plaetsen ende watergange achter
tselve huys liggende tot opte Dele, in alle der vuegen
ende manieren, soe de voergenoemde Willem vanden Hove, die twee
huysen met haeren voirgenoemde toebehoerten tanderen tyden tegen
den selven Lodewyck Quarre erve genomen heeft. A Domino Mechliniensi, Waranderende.
Op sessentwintich scellingen ende seven penningen groten Brabants
syn vanst:t; negen gouden Rynsgulden ende eenen halven, elken
dien tot vyf scellingen, de selve groten Brabants gerekent, dair
jairlix gaen
hic habet locum Schelle van Dis Ymbrechts alias
Preman ende priester IX septembris positum
Assignavit XI Rinsgulden
III stuvers II groten Brabants
den XXVI denier
XXI septembris
Heer vanden Rode
Borch, Geylinck, Jan Scholier, heeft vercocht Claes vanden Rode
Twee gouden Rynsgulden, elken van dien tot veertich groten Vlaems
gelts gerekent erffelix chys, die hy hadde Op ende aen des voerscreven
Claes huys metten hove gronde etcetera gelegen buyten der
Bruesselpoirten inde Rechtstrate tusschen wylen Willems vander
straten erve aen deen zyde ende wylen Aerts vander Stege diemen
heet van Os erve aen dander zyde. A Domino Johanna vander
Aa, Waranderende etcetera.
Assignavit den XXVI denier
XXI septembris
Jo van Axele
Item. Heer Bartelmeus Couthals priester, heeft vercocht
Jacoppen van Axele den jongen, Sesse gouden Rynsgulden, elken
van dien tot veertich groten Vlaems gelts gerekent erffelix chys
die hy hadde Op ende des voerscreven Jacops huys den Witten Hert
geheeten metten hove ende met eenen anderen huyse in deynde vanden
selven hove liggende ende oic met gronde etcetera gelegen in Onser
Vrouwenstrate tusschen Peter Ghysbrechts erve aen deen zyde
ende der kynderen erve van wylen Jan Loys, aen dander zyde
streckende achterweerts tot Jan Godessant erve. A Anthonio de
Oeyenbrugge, Waranderende etcetera.
Assignavit den XVI denier
supra tempore simile
Meynaert Mollepas
Berch, gelram. Machiel Torrekens, heeft vercocht Bernaert
Moelepas, alle trecht ende deel dat hy hadde ende dat hem
byder doot vanden wylen Machiel Torrekens synen vader
gebleven ende verstorven is ende dat hem oic byder doot
van Lysbetten van Hanswycke synder moeder bliven ende
verstorven sal, in Een huys metten hove gronde grondest:t;
gelegen inde Cortepenningstrate tusschen Jans Moens erve
aen deen zyde ende Jan Vensels erve aen dander zyde
A Domino Mechliniensi, Waranderende. Op twintich scellinge payments ende
eenen capuyn, vuten voerscreven geheelen huyse jaerlicx
gaende
Assignavit XX Rinsgulden
XX septembry tempore simile
Rommont huys
Machiel vander Stappen, heeft opgedragen ende
overgegeven, tot behoef van Rommonden Lyps, de helft van
Eenen huyse metten hove gronde etcetera dairaff dander helft
den selven Rommonden toebehoert gelegen inde Nauwstrate
tusschen Peter Gheylens erve aen deen zyde ende der weduen
ende kynderen erve van wylen Gielis van Quayribbe erve aen
dander zyde streckende achterweerts totter Delen toe
A Domino Mechliniensi, Waranderende etcetera.
Ut supra
Heer Jan vanden Zype al
Spelleman priester
Lange gemaect orys Claes diemen heet de Costere, met
Aerde de Kempenere haeren man, heeft vercocht heer Janne
vanden Zype diemen heet Capelleman priester, de helft
van Eenen huyse metten hove gronde etcetera gelegen inde