Blader door transcripties » Stadsarchief Mechelen

archieftoegang 2, inventarisnummer 950, pagina 160

Dexecuteurs wylen
Peters de Lichte
Muysene, Keynooge, Willem Willemssone de Boudt als kercmeester
ende inde name vander kerken van Stabrouck, hebbende de selve
Willem vanden Dorpe van Stabrouck van om te doen dat hier
naer volght volcomen macht gelyc ons dat by eender procuratie
bezegelt metten zegelen des cureyts ende twee vanden scepenen de
is ende
selfs dorps gebleken heeftst:t; heeft gekent ende geleden, dat hy
tot behoef vander selver kerken gehadt ende ontfangen heeft van
Hermanne vanden Houte ende Rommonden vanden Rycke, als executeurs
vanden testamente wylen Peters de Lichte, de somme van neghen
pondt groten Brabants gelts, die de selve wylen Peter byden
selven synen testamente ende vutersten wille de voirgenoemde kerken
van Stabrouck gegeven gelaten ende gemaect heeft, Ende heeft
dair af de selve Willem ende inden name als boven, ende van
al tgene, die hy dair vut zaken vanden selven testamente
oft anderssins, soude moegen heysschen, Quytgesconden los vry ende
ledich, den voergenoemde executeurs ende alle andere dies quitancie
behoeven geheelic ende al, voirtaen, heeft, de selve Willem
oic st:t;
inden name als voir, den selven Executeurs gelooft te volderen
ende te volbringen metten voirgenoemde penningen, al tgene des de voirgenoemde
et
wylen Peter in synen voirscreven vutersten wille begeert heeft sonder
eenich gebreck dair inne te laten gesthienen
V septembry
Andries Meerte
Borch, Rode. Barble Ghoorys, wylen Jans dochter met Janne Symons
haeren man, heeft vercocht Andries Meerte, Twee gouden Peter
elken van dien tot sessendertich groten Vlaems gelts gerekent erffelicx
chys, die zy hadde, Op des voerscreven Andries huys metten hove ende
met twee anderen huysen dair achter staende ende oic metten gronde etcetera
geheeten dueghde gelegen opte Veemarct van Mechelen, tusschen
thuys den V Valcker geheeten toebehoerende Anthoenis van Formelle
erve aen deen zyde ende Cornelis Pauwels erve aen dander zyde
streckende achterweerts metten voerscreven hove totten water toe, Ende
op desselfs Andries hoff metten gronde etcetera gelegen aldair int
Ploechstraetken, tusschen den vlyet aldair aen deen zyde ende
des voerscreven Cornelis Pauwels erve, aen dander zyde. A Domino Jo
de Poirtere prio, Waranderende etcetera.
Assignavit den XXVI denier
VII septembry
Anselmus Bellens
Ingelram, ende Willem vander Horst, heeft vercocht Anselmus Smet
diemen heet Bellens, Een huys metten hove gronde etcetera gelegen inde
Moelenstrate tusschen heeren Jan Welmans priesters erve aen deen
zyde ende Henrix vanden Voirde erve aen dander zyde. A Domino Mechliniensi,
Waranderende. Op twee chysgulden, ende Seven scellinge ende sesse penningen
groten Brabants gelts, dair jaerlix vutgaende
Assignavit XXXII Rynsgulden
VI septembry
Jan vander Hoeven
Jan de Vettere heeft vercocht Janne vander Hoeven
Twee gouden Rynsgulden, elken van dien tot veertich groten Vlaems gelts
gerekent erffelix chys, Te heffene altyt tot Paesschen, dairaff
den jersten termyn van betalingen syn sal tot Paesschen naestcomende
Op ende aen des voerscreven Jans de Vettere huys metten hove gronde etcetera gelegen
inden Heembeempt tusschen Henrix vanden Eynde erve aen deen zyde ende
Henricx Wychmans erve aen dander zyde, streckende achterweerts metten
voerscreven hove tot opte Hergracht, A Domino Mechliniensi, Waranderende. Op eenen chysgulden
ende Achtentwintich scellinge groten Brabants gelts dair voir vutgaende
Assignavit den XVI denier
Jan vander Donct et uxore
Lange, Jan Rode, Katheline Cristine ende Aeghte Stouts gezuster
wylen Jan Stouts kynderen cum tutore, hebbe by consente ende bywesene
van Willeme Storm haeren neve, hebben Terve gegeven, Janne vander
Donct ende Lysbetten Hyllens synen wive, Een huys metten hove gronde
etcetera gelegen buyten Sinte Kathelinen poirte ende Rechtstrate tusschen
Jans vanden Dale erve aen deen zyde ende Jans van Papenbroeck
erve aen dander zyde. A conventu de Lelyendale. Te besittene, op eenen
erffeliken chys van drie gouden Rynsgulden, elken van dien tot
veertich groten Vlaems gelts gerekent, Ende die te betalene altyt
opten sevenden dach van Septembry, Ende opten voirchys van
drie chysgulden ende sesse penninge Loevens dair vutgaende
met alsulker condicien, dat de voirgenoemde Jan vander Donct
ende Lysbeth syn wyf zelen moegen lossen ende quiten altyt als hem
dat gelieven sal, de voerscreven drie Rynsgulden des voerscreven chys
ende man
met eenen Rynsgulden te malest:t; male ende elken van dien
met sesthien geliker gulden ende met vollen chyse
Assignavit eenen Rinsgulden
den XVI denier
VII septembris
Jan de Beckere et uxore
Rode, Gheylen Alyt schyns, wedue van wylen Jan vander Steene
cum tutore heeft opgedragen haer tocht, die sy hadde in tvierendeel
van Twee huysen metten hove gronde etcetera gelegen deen neven
dander inde Catterstrate byde Neudestrate tusschen der weduen
ende kynderen erve van wylen Jan Benninck, aen deen zyde ende
de hy weduen ende kynderen erve van wylen Goessen
diemen heet int Moeleken aen dander zyde. A Domino Mechliniensi, Juravit etcetera
tot behoef van Jan vanden Steene, st:t; haeren soon, dier ierst
inne gegoedt waert, Ende daer naer, heeft de selve Jan
vanden Steene vercocht Jan de Beckere huerweer tot sinen
behoef ende oic tot behoef van Kathelinen vanden Steene
synen wive ende desselfs Janne vanden Steene zuster, tvoergenoemde
vierendeel vanden voerscreven Twee huysen metten hove daeraf
ende vierendeel der selver Kathelinen toebehoert waer
dander
opten chys daer jaerlicx vutgaende. Behoudelic der voerscreven
allen daerinne haerer tocht
Assignavit VII Rinsgulden eens
II septembris