Blader door transcripties » Stadsarchief Mechelen

archieftoegang 2, inventarisnummer 950, pagina 154

Peter de Vettere
Muysene, Heelt. Jan Cottens, heeft vercocht Janne Bake diemen heet
Staes mesmakere, die heeft tot behoef van Peteren de Vettere
de helft van Eenen huyse metten hove gronde etcetera gelegen opte
Voldershergracht, tusschen Bouwens de Clerc erve aen deen zyde
ende wylen Henricx de Smet erve aen dander zyde streckende vorweert
totten water toe, Ende de tocht die hy hadde in dander helft
vanden selven huyse metten voerscreven synen toebehoerten. A Domino Mechliniensi,
Waranderende. Op vyf chysgulden ende eenen scelling Loevens vuten voirscreven
geheelen huyse jaerlix gaende
Assignavit XX Rynsgulden
VIIsuper:t;augusty
Barble van Wilder
cum tutore
Lange, Rode, Agneete van Lynth wedue wylen Jan Kemp heeft
opgedragen haer tocht, die zy hadde, in alsulken gedeelte van
Twee huysen metten hoven gronde etcetera als zy tanderen tyden tegen wylen Jan
Kemp des voerscreven Jan Kemp haers mans soon gecocht heeft, gelegen deen
neven dander tot Neckerspoele opte Hergracht tusschen Mathys Gheerds
als inde Seysene erve aen deen zyde ende Jan Vlemings erve aen
dander zyde. A Domino Mechliniensi, Juravit etcetera tot behoef van Anthoenis Kathelinen Lysbeth
ende Dignen Kemp haeren kinderen, dairaff de momboeren hier naer bescreven tot
selver kynderen behoef, heeft dair inne gegoedt ende geerft waren
Henrick ende Peter van Lynth gebruederen vander moeder wegen, als momboer
dair naer hebben de selve Cristoffel Brant van svaders wegen ende
ende inden name vanden voerscreven kynderen Kemp infra annos etcetera die zy
hen vervingen voir tvoerscreven gedeelte, Ende Henrick Kemp des voerscreven wylen
ierste Jan Kemp sone van synen jersten bedde, Thorye Kempe syn zuster
met Willem Vuter Hoeven haeren man, Margriete Kemp oic syn zuster
met Claes van Perre haeren man ende Lysbeth, Barble ende Jehanne Ken
oic zyn zusteren cum tutore vercocht Hubrechten Back tot behoef van
Barblen van Wildere, de voergenoemde Twee huysen met allen haer
voerscreven toebehoerten boven gescreven, waranderende. Opte weerde van vyf
scellingen groten Brabants gelts ende eenen halven capuyn, dair
jaerlix vutgaende
Assignavit
ut supra
Gielis Cogge
Terve gegeven
Langhe, Rode. Bartelmeus Heryoens heeft vercocht Gielisen de Rogge
de helft van Twee huysen de Cogghe geheeten metten hove gronde etcetera
gelegen deen neven dandere in Sinte Kathelinen strate tusschen der kynderen
erve van wylen Jan van Beringnen, aen deen zyde ende der weduen ende
kynderen erve van wylen Francen de Greve aen dander zyde streckende
achterweerts metten voerscreven hove tot opten vlyet ald. A Domino Mechliniensi, Waranderendest:t;
Te besittene, op eenen erffeliken chys van Sesse gouden Rynsgulden
ende eenen halven elken van dien tot veertich groten Vlaems gelts gerekent
Ende die te betalene altyt tot twee terminen, Te wetene deen helft
dairaf tot Kersmisse ende dander helft tot Sint Jansmisse, dairaff den
jersten van betalingen syn sal tot Kersmisse naestcomende, Ende opten
voirchys van sesthien st:t; chysgulden, dair jaerlix vutgaende, met alsulker
moeten
condicien, dat de voerscreven Gielis te moegen lossen ende mettenst:t; de voerscreven
Sesse Rynsgulden ende eenen halven des voerscreven chys sculdich sal
syn te lossene ende te quitene toten inder manieren hier naer volgende
te wetene, den eenen gulden dair af bynnen eenen jaer tyts
alsdan deen ende terstont
naestcomende ende soe voirtaen van jaer te jaer eenen der geliker
volgende
gulden totter tyt toe dat de selve Sesse Rynsgulden ende eenen
halven des voerscreven chys geheelic ende al gequeten zelen syn ende
elken van dien met sesthien geliker gulden ende met vollen
chyse
te
Assignavit XVI Rinsgulden eens
XIII augusty
Machiel de Lange
Item. De voergenoemde Bartelmeus Heryoens, heeft Terve gegeven
Machielen de Lange, Twee huysen oft cameren metten hoven gronde etcetera
gelegen deen neven dandere inde Nokerstrate tusschen Cornelis de
vanden schiekerken van
Reyere erve aen deen zyde ende daer taflen des Heylichs Geest aen dander zyde
selve Peters bynnen Mechelen erve
A conventu de Lelyendale, Te besittene op eenen erffeliken chys van
vier gouden Peters elken van dien tot sessendertich groten Vlaems
gelts gerekent, Ende die te betalene altyt tot twee termynen, Te
wetene, deen helft dairaf tot Kersmisse ende dander helft tot
Sinte Jansmisse, daer af den jersten termyn van betalingen syn sal
tot Kersmisse naestcomende, Ende opten voirchys vander weerden
van Twee scellinge ende neghen penninge groten Brabants gelts, daer vutgaende
met alsulker condicien, dat de voerscreven Machiel, de sculdich sal syn
te lossene ende te quitene, de voerscreven vier peters des voerscreven chys inde
manieren hier naer volgende Te wetene bynnen eenen jaer tyts
naestcomende, eenen halven Peter van dien, Ende soe voirtaen
van jaere te jaer alsdan deen na dander ter stont volgende eenen
gelyken halven Peters tot dier tyt toe dat de voerscreven vier Peters
des voerscreven chys geheelic ende al gequeten zelen syn ende elken van dien
wet sesthien geliker Peters ende met vollen chyse
Assignavit XVI Peters eens
supra tempore simile
Henrick van Schore
Cornelis de Grove alias de Moor heeft vercocht Katheline
sBorgers Henrix van Schore wyf tot haeren ende desselfs Henricx haers mans
behoef vier gouden Rynsgulden elken van dien tot veertich groten
Vlaems gelts gerekent van synen acht gelike gouden Rynsgulden
erffelix chys, die hy heeft, Op des voerscreven Henricx ende Kathelinen
syns wyfs huys metter schueren hove gronde etcetera gelegen tot
Heffene aende Brugge tusschen Jans de Cale erve aen deen zyde
ende Jans de Man erve aen dander zyde, Ende voirts oic op alle
dander sine haer erffelike goeden metten gronde etcetera bynnen etcetera
gelegen, die zy nu tertyt hebben ende hier namaels oic hebben ende
vercrigen zelen. A Domino Mechliniensis, Waranderende etcetera.
Assignavit den XVI
^