Blader door transcripties » Stadsarchief Mechelen

archieftoegang 2, inventarisnummer 950, pagina 153

thuys tHoefyser geheeten toebehoerende Janne de Wolf aen deen
zyde ende Rommond Ymbrechts huys aen dander zyde streckende
achterweerts metten voirscreven hove, totten water aldair, A convente
de Lelyendale, waranderende. Op twee chysgulden, vier capuynen
ende vier scellinge ende anderhalven penninge Loevens ende acht
Rynsgulden vanden voerscreven pryse, dair jaerlix voir vutgaende
III augusti
Digne van Schelle
Brueder Jan de Bere priester proost des goidshuys
van Lelyendale inden name vander pytancien desselfs goidshuys
heeft vercocht Dignen van Schelle vier gouden Rynsgulden
elken van dien tot veertich groten Vlaems gelts gerekent erffelicx
die de de voerscreven pytancie hadde, Op der voerscreven Dignen huys
metten gronde etcetera geheeten de Symme, opt gelegen opte Corenmarct
van Mechelen tusschen thuys den Ketelhoet geheeten toebehoerende
Anthoenis van Schelle der voerscreven Dignen brueder, aen deen zyde
ende thuys geheeten den Gulden Cop toehoerende Anthoenis Breugelman
aen dander zyde. A Domino Mechliniensi, Waranderende etcetera.
Jan van Wechten
Lange, Rode. Cornelis Leeman, Jan Pagie diemen heet de Kemmen
als dekene, Joerdaen vanden Dycke ende Machiel me Neels als
geswoerne vanden ambachte vanden smeden inder stad van Mechelen
inden name vanden selven ambachte, hebben vercocht Janne van
Werchtere, vier gouden Rynsgulden, elken van dien tot veertich
ende eenen halven
groten Vlaems gelts gerekent erffelix chys Te heffene altyt opten
tersten dach van Augusto, Op ende aen alle des voirgenoemde ambacht
haeffelike ende erffelike goeden metten gronde etcetera bynnen etcetera wesende
ende gelegen, die tselve ambacht nu heeft ende hier namaels
oic hebben ende vercrigen sal. A Domino Mechliniensi, Waranderende etcetera. Met alsulke
condicien, dat de voirgenoemde dekens ende geswoernen zelen mogen
lossen ende quiten altyt als hem dat gelieven sal, de voerscreven
vier Rynsgulden ende eenen halven des voerscreven chys, met eenen
halven Rynsgulden tot elken male ende elken gulden dairaff
met sesthien gehier gulden ende met vollen chyse
Anthonis
Assignavit
Augusty
III may tempore simile
Willem
Lange, Rode, Jan Ghoeten de jonghe heeft opgedragen syn tocht die hy
hadde in Eenen Molenberch met eender wyntmoelen dair op staende ende oic
metten gronde etcetera gelegen buyten Sinte Kathelinen poirte tusschen der infirman
vanden crancken beghinen erven, aen beyde zyden. A Domino Mechliniensi, Juravit tot behoef
van Janne Ghoeten synen soon, die dair inne heeft gegoede wardt ende
dair naer heeft de selve Jan Ghoeten, de soon vercocht Jacoppen Robyns
als rentmeester ende tot behoef vander stad van Mechelen, den voerscreven
Moelenberch metten voerscreven wyndermoelen, warende, die hy ende de voerscreven
syn vader met met hem gelooft hebben, Op thien veertelen Rogs
erfpachts dair jaerlix daer vutgaende
Assigna
ut supra
Henrick van Hagen
Coesaert Roebosch, Willem Cockeroel, heeft vercocht Henricken van Haeght
mandemakere, Eenen gouden Peter van sinen tweest:t; te wetene sessendertich
groten Vlaems gelts voir dien gerekent van sinen twee gelike peters
erffelix chys, die hy heeft, Op des voerscreven Henricx huys met eender
tot
cleynder plaetsen metten gronde etcetera gelegen byde Veemarct achter
convent vanden carmeliten, opten hoeck vander Berchstraten, tusschen
de selve strate aen deen zyde ende Willem Lysbetten Willems
van Gansvelt erve aen dander zyde. A Domino Beneficatis de Zellaer
Waranderende etcetera
Assignavit nulla
III augusty
Mathys Rabbouts
Goevaert, Roebosch, Jacop Matheus ende Gielis Bake ende Katheline Bake haerlieder
zuster met Jorysen vander Strepe haeren man, voir hen selven ende Jan
Bake ende Peter de Ruysschere als momboeren ende inden name van Barblen
ende Lysbetten Bake der voerscreven gebruederen ende zuster Bake zusteren, infra
annos die zy by bywesene ende volcomen consente van Aerde van Diest
eender commoingmeesters vander voerscreven stad, in hen vervingen
hebben openbairlic voir ons bekent, dat zy gehadt ende ontfangen
hebben van Mathyse Rabbouts, de somme van veertich ponden
groten Brabants gelts als voir de lossinge ende afquitinge
van Thien gouden Rynsgulden elken van dien tot veertich groten
Vlaems gelts gerekent erffelix chys, die zy hadden, Op des voerscreven
Mathys huys metten gronde etcetera Ruplemonde geheeten, gelegen byde
Vischmarct opten hoeck vander Scepstraten, van welken veertich
ponden der voerscreven groten ende oic vanden voerscreven thien Rynsgulden
des voerscreven chys, hebben de voirgenoemde Jacop Matheeus ende Gielis Bake
ende de voerscreven Katheline Bake haer zuster met haeren voerscreven man
ende oic de voirgenoemde momboeren inden name ende manieren als boven
Quytgesconden los vry ende ledich, den voergenoemde Mathys Rabbouts
syn voirscreven huys met synen voirscreven toebehoerten ende alle andere
dies quitancie behoeven geheelic ende al
Assignavit den XVI denier
Jorys Boeyenants
getracteert
Yngelram, Rode. Marten de Bressere, heeft opgedragen ende overgegevenst:t;
tot behoef van Jorys Boeyenants, alsulke twaelf Rynsgulden ende
twintich groten Brabants gelts erffeliker renten, als hy duerende dleven
van Margrieten ende Lysbetten van Eyghen wylen Jans van Eyghen kynderen
hadde opt byde Coepe gedaen tanderen tyden tegen de selve kynderen, Opte
stad van Mechelen transferens ac volens ut in forma, Ende
tot desen, heeft Jacop Robyns eender rentmeesteren vander voerscreven
stad, behoudelic der selver stad dair inne haeren rechte syn consent
gegeven
V augusty