Blader door transcripties » Stadsarchief Mechelen

archieftoegang 2, inventarisnummer 950, pagina 135

Anno LX
Jan van Loeven
Oeyenbrugge, Yngelram. Marten van Hasselt diemen heet Smout heeft
vercocht Janne van Loevene, Seven scellinge ende sesse penningen
groten Brabants gelts erffelix chys, die hy hadde, Op des voerscreven
Jans huys metten hove gronde etcetera gelegen byde Zantpoirte, tusschen
des goidshuys vanden Augustinen binnen Mechelen erve aen deen zyde
ende der kynderen erve van wylen Henricken de Pape, aen dander zyde
streckende achterweerts metten voirscreven hove totten vesten vander selver stad
A Domino Mechliniensi, Waranderende etcetera.
Assignavit den XVI ende nulla
XXII marty
dat Katlyne Gheerdts
Oeyenbrugge, Yngelram. Lysbeth Scheelkens wedue van wylen
Willem Cottens diemen heet inden Sloeck cum tutore, heeft opgedragen
ende overgegeven tot behoef van jouffrou Kathelinen Gheerdts weduen
den Polleman geheeten dat
van wylen Lodewyck vander Triest, Een huys dat Jan Barbier totter
Peter Gheerts toeplach te hoeren ende
voerscreven Lysbetten behoef, tanderen tyden voir achterstelligen chys, die
de selve Lysbeth daer op hadde wettelic vutgewonnen ende verreyct
heeft gelegen byden Vischwerf van Mechelen, tusschen thuys
den Stoe geheeten, toebehoerende Kathelinen Ghoetens aen deen zyde
ende een cleyn straetken aldair aen dander zyde. A Domino Mechliniensi, Waranderende etcetera.
ut supra
Aert Cloet et uxore
Herman vanst:t; Muysene, Aert Cloet, ende Katheline de Vryese syn wyf Seggende
dat zy gheen wettige kynderen en hadden, Ende hebben dair om gewilt
ende openbairlic voir ons geordineert, dat de langhstlevende van hen beyden
soe lange die alsdan leven sal, paysselic ende vredelic sal gebruyken, alle
der haeffeliker ende erffeliker goeden metten gronde etceterast:t; bynnen etcetera wesende
ende gelegen, die zy nu tertyt hebben ende hier namaels oic hebben ende
vercrigen zelen, Ende metten selven haeffeliken goeden in synder noot
moegen disponeren ende ordineren, den wederseggen van iemande ende oic
den rechten ende coustumen vander voerscreven stad dairaf ter contrarien
onderhouden niet tegenstaende. Behoudelic dien dat alle de voergenoemde
goeden na des langhstlevende doot vanden voerscreven Aerde ende
Kathelinen synen wive blivende, toecomen ende versterven zelen, haeren
gerechten erfgenamen, dien die goeden na den rechte vander voerscreven
stad sculdich zelen zyn toe te comen ende te versterven, oft de
gouden
ghenen dien zy de selve samentlic met testamente oft anderssins
geven ende maken zelen, welke ordinancie wy ende oic Steynemoelen
Oeyenbrugge lange, Yngelram, Consaert Roebosch ende Rode
onse medescepen by crachte vanden statute tanderen tyden dair op
gemaect geconfirmeert ende geapprobeert hebben ende by onser
ordinaerder macht confirmeren ende approberen alle argelist vutgescheyden
ut supra