Blader door transcripties » Stadsarchief Mechelen

archieftoegang 2, inventarisnummer 950, pagina 136

Andries Herregot
Cassans ende contractus
ste een andrens selve
dese VI den rent acht
Ultima aprilis anno
Vos
Beringen, Lange. Gielis Ba Adriaen Bal ende Henrick Willem ende Peter
Leys gebruederen, alle woenende tot Aertselaer, hebben gelooft ende al
van hen besunder ende voir al ongevrydt naer der divisen recht
Te geven ende te betalen Andries Herregot oft den bringer van
desen, Sesthien pondt groten Brabants gelts totten terminen hier
naer volgende, Te wetene deen derdendeel dairaf bynnen
Seventhien weken tyts naestcomende, dander derdendeel dairaf
bynnen seventhien weken tyts dair naer volgende, Ende tderde
derdendeel dairaf bynnen seventhien weken tyts alsdan ter
selve wedersegge
stont dair naer volgende Ende dat vut saken vander zoeningen
vanden dootslage gedaen by Janne Bol ende Lanseloet Leys Ridde
persoen van wylen Jacop Herregot des voergenoemde Andries vander
IIII marty
Katlyne Tymmermans
Cale, Roebosch, Bartelmeus Heryoens, heeft Terve gegeven Kathelinen
Heer Tymmermans wedue van wylen Meester Henricken Hermyn
de helft van Eenen huyse metten hove gronde etcetera gelegen in
Sinte Kathelinen strate tusschen Alexander vander Eyken aen
deen zyde ende des voerscreven Bartelmeus erve aen dander zyde
A Johannes de Muysene filio quondam Johannes bastarden, Te besittene
op eenen jaerliken ende erffeliken chys van negenthien
scellingen groten Brabants gelts, Ende die te betalene altyt
tot Sinte Jansmisse, dairaff den jersten termyn van betalinge
syn sal van Sinte Jansmisse naestcomende over een jaer dair
naer volgende, Ende opten voerchys van seventhien scellinge
Loevens eenen chysgulden, thien pond sesthien scellinge payments
erffelic ende twee Rynsgulden lyfpensien vuten voerscreven
geheelen huyse jaerlix gaende met alsulker condicien
dat de voergenoemde Katheline de wedue sculdich sal syn ende
gelooft heeft te lossene ende te quitene van Sinte Jansmisse
naestcomende over een jair dair naer volgende vanden voirscreven
de vier scellinge groten vanden voergenoemde negenthien scellinge
groten des voerscreven chys, ende elken scellinge dairaff met sesthien
geliker scellingen ende met vollen chyse dair voir te betalen
Assignavit XVI Rinsgulden
Jans
st:t;
Henrick de Vos et uxore
Yngelram, Rode. Cornelis de Grove diemen heet de Moor heeft
vercocht, Henricken de Vos ende Cornelien vanden Male synen wive tot
haeren behoef als tot haer beyder tocht ende oic tot behoef van Barblen
de Vos haer beyder dochter als totter selver Barblen erffelicheyt
geheeten Beerssele
Een stuck lants metten gronde etcetera gelegen tot Heffene tusschen
des goidshuys van Grymbergen erve aen deen zyde ende Jans vander
Hoeven erve aen dander zyde streckende metten eenen eynde totter kynderen
A Domino Mechliniensi, Waranderende. Op vier capuynen ende de weerde van twee scellingest:t;
erve van wylen Jan vanden Bloke ende metten anderen eynde totter Heerstrate
op
eenen ende
groten Brabants gelts opten moeken Rogs, daervutgaende. Behoudelic
dien gater min dat sal den voerscreven coeperen te baten comen
Assignavit XLIII Rinsgulden
Va
Digne eerst
Ingelram, Consaert. Thoere sGreven wylen Henricx dochter met Janne Byns
haeren man ende Marie sGreven haer zuster voir hen selven ende inden name
van Lysbetten sGreven haerlieder zuster absent die zy in hen vervingen
hebben Quytgesconden los vry ende ledich, Dignen Een cost wedue
haeren sche moeder
des voerscreven wylen Henrix van allen den haeffeliken goeden, die henlieden
byder doot vanden voergenoemde wylen Henricke haeren vader, die na man was
doen hy leefde vander selver Dignen in eeniger manieren gebleven ende
verstorven moegen syn ende alle andere dies quitancie behoeven, geheelic
ende al
VI may
De selve
Item. De voergenoemde Marie sGreven heeft Quytgesconden los
vry ende ledich de voirgenoemde Dignen de weduen van allen den haeffelike
goeden als haer byder doot van wylen Yden Driesch haer moeder die
Geeste wyf was vanden selven wylen Henricken haeren vader in
eeniger manieren gebleven ende verstorven moegen syn geheelic ende al
ut supra tempore simile
Jan Bake alias Staes
Yngelram, Rode. Cornelis de Grove diemen heet de Moor heeft vercocht
Janne Bake diemen heet Staes Visschere, Een stuck beempts metten
gronde etcetera houdende omtrent een half buendere, gelegen tot Heffene by
Hanswycke tusschen heer Gheerds vanden Dale Ridders erve, aen deen zyde ende Jans
Metten Anxte erve aen dander zyde, Ende een stuck beempts metten
gronde etcetera houdende omtrent een half vierendeel, gelegen aldair st:t;
Haeswyck
broeck, tusschen der weduen ende kynderen erve van wylen Janne
Putteman aen deen zyde ende der weduen ende kynderen erve van wylen
Janne de Borgere aen dander zyde. A Domino Mechliniensi, Waranderende. Op eenen scellinge
Loevens vuten voerscreven twee ven stucken beempts jaerlix gaende
Ryns
Assignavit XX gulden
VIa may
Peter Stocman
Yngelram, Rode. Machiel Torrekens wylen Bouwens sone, heeft
vercocht Peteren Stocman, anderhalve veertel Rogs goede ende
custbare Mechelschen maten erffelix pachts, die hy hadde ende hem
wylen
byder doot van Henricken Torrekens synen brueder gebleven ende
verstorven syn, Op ende aen alle ende yegewelke, des voerscreven wylen
Henricx syns brueders erffelike goeden metten gronde etcetera bynnen etcetera
gelegen, die hem byder doot vanden voerscreven wylen Bouwen
synen vader toecomen gebleven ende verstorven. A Domino Mechliniensi, Waranderende etcetera.
Assignavit XX Peters
upra tempore simile
Jan Clemmen sol alias
Bourbonnoys
Item. Rommond Heydekens heeft Opgedragen ende overgegeven
tot behoef van Janne Clemens, diemen heet Bourbonnoys, alle
trecht ende deel dat hy hadde in Een huys metten hove gronde etcetera
gelegen inden Ouden Bruel tusschen den vlyet aldair aen deen
zyde ende Jans van Culixrode erve aen dander zyde. A Domino Mechliniensi, Waranderende.
op drie chysgulden ende drie vierendeelen van eenen geliken chysgulden
vuten voirscreven geheelen huyse jaerlix gaende
ut supra