Blader door transcripties » Stadsarchief Mechelen

archieftoegang 2, inventarisnummer 950, pagina 118

Jacop Bake
Lange, Coesaert. Jan Gebuers Godevaerts sone, heeft vercocht Jacoppen
baken, Een veertel Rogs goede etcetera Mechelscher maten, erfpachts, die
hy hadde Op een stuck lants metten gronde etcetera gelegen buyten
den voerscreven Jacoppen toebehoerende, gelegen buyten der Coepoirten
Neven Caputsteen, tusschen sHeeren strate als aen alle zyde
A monialibus, Waranderende etcetera.
hic hy leve heer Gerard Wielhouts ende post XIIII den pryse
XXa decembry
Katheline tSerwers met Janne Cranaert haeren man
heeft vercocht Willemen Verlysen, Eenen gouden Rynsguldenen
Te wetene veertich groten Vlaems gelts voir dien gerekent erffelicx
chys Te heffene altyt opten jersten dach van decembry Op ende aen
der voerscreven Kathelinen helft van drie huysen metten hove gronde etcetera
gelegen deen neven dander opte Voldershergracht tusschen Joes
Vrancx erve aen deen zyde ende wylen Henrix de Keysere erve, aen
dander zyde. A Domino Mechliniensis, Waranderende. Op thien scellinge Loevens, thien scellinge
negen penninge groten Brabants erffelic ende op neghen Rynsgulden lyfpensien
vuten voerscreven die hy geheelen huysen, Ende oic op alsulken last
dat de voerscreven helft vanden selven drie huysen mede present es ende bliven
sal voir vier gelike Rynsgulden vanden voerscreven pryse, als vut alle
goede jaerlix gaende
dander desselfs Jan Cranaerts ende syns wyfs jaerlix voir vutgaende
Willem Verlysen
Lange, Rode. Jan Cranaerts ende Katheline tSerwers syn wyff, heeft hebben
vercocht Willemen Verlysen, Eenen gouden Rynsgulden Te wetene
veertich groten Vlaems gelts voir dien gerekent erffelix chys Te heffene
altyt opten jersten dach van decembry Op ende aen der voerscreven
Kathelinen helft van drie huysen metten hove gronde etcetera gelegen
deen neven dander opte Voldershergracht tusschen Joes Vrancx erve
aen deen zyde ende wylen Henricx de Keysere erve aen dander zyde
Ende voertaen op alle dander der voerscreven Jans ende Kathelinen syn
wyfs haeffelike ende erffelike goeden metten gronde etcetera bynnen etcetera
wesen ende gelegen, die sy nu tertyt hebben he ende hier namen
oic hebben ende vercrigen zelen. A Domino Mechliniensi, Waranderende. Op thien scellinge
Loevens, thien scellinge negen penninge grooten groten Brabants gelts ende
vier gouden Rynsgulden, vanden voerscreven pryse erffelic ende op
neghen Rysgelike Rynsgulden vanden voerscreven pryse lyftochten
dair voir vutgaende
January tempore simile
Denys Abroys als een tochtenere ende Goedele Abloys synde
dochter met Henricken de Moor haeren man als erfgenaem, hebben
Terve gegeven, Janne Bellens Blauwverwere, Twee huysen metten
hove gronde etcetera gelegen deen neven dander op Neckerspoele opten
hoeck vander Bakelstraten tusschen de selve strate aen deen zyde
ende Lambrechts Straets erve aen dander zyde streckende achterweerts
tot des voerscreven Jan Bellens erve toe. A Domino Mechliniensi. Te besittene
ende syn wyf
Jorys vander Hagen
Lange, Ingelram. Jan vander Beke vettewarier, heeft vercocht Joris vander
heer Hagen ende Magdaleenen Bernaerts synen wive, Een huys metten hove ende
met eenen borreputte inden selven hoff staende ende oic metten gronde etcetera
gelegen inde Kerchofstrate, tusschen Jans Bogaert erve aen deen zyde
ende Kathelinen van Tricht ende haer kynderen erve aen dander zyde. A
conventu de Lelyendale, waranderende. Op vyf scellinge Loevens twee capuynen
ende de weerde van Sesse scellingen ende negen penningen groten Brabants
gelts vuten voerscreven huyse jaerlix gaende. Behoudelic dien, gater meer
vut dat sal de voerscreven vercoeper den voerscreven Jorysen ende synen wive oprichten
gater oic min vut dat sal den selven Reysen ende synen wive te baten
comen
Assignavit XVI gulden min VI stuvers
III January
Jan Loekens
Lange, Rode. Gielis Hoendermans heeft vercocht Janne Loekens wettich
soon van wylen Machiel Loekens scrynmakere, Een huys metten hove ende
met eender waerderywen ut eynde vanden selven hove staende, dat
den goidshuyse vanden elf duysent maeghden inder stad van Loeven
toe plach te hoeren, ende oic metten gronde etcetera gelegen inden Nieuwen Bruel
tusschen Anthoenis Ruelens erve aen deen zyde ende Jan Rabboots
erve aen dander zyde. A Domino Mechliniensi, Waranderende. Op Sesse gouden Peters
elken van dien tot sessendertich groten Vlaems gelts gerekent die
tselve goidshuys dair op heeft ende heft, daer jaerlix vutgaende
January tempore simile
Gielis Hoendermans
Item. De voergenoemde Jan Loekens dat den voerscreven Gielisen Hondermans
achtien gouden peters elken van dien tot sessendertich groten Vlaems gelts
gerekent Te betalene totten terminen hier naer volgende Te wetene de
thien Peters dairaf tot Sinte Jansmisse naestcomende. Item de vier
Peters dairaf tot Kersmisse daer naer volgende, Ende dander vier
Peters dairaf tot Sinte Jansmisse, dair naer ter stont vervolgende
Ende hier voir heeft hy verbonden ende te pande geset tvoergenoemde
huys met synen voerscreven toebehoerten
Assignavit XXXII Peters
ut supra