Blader door transcripties » Stadsarchief Mechelen

archieftoegang 2, inventarisnummer 950, pagina 117

Meester Jan vander Straten
Steynemolen, Rode. Jan de Beckere wylen Henricx sone, heeft vercocht Meester
Janne vander Straten, syn vierendeel, dat hy hadde ende dat hem byder
doot vanden voerscreven wylen Henricken de Beckere synen vader toecomen
gebleven ende verstorven is, inde helft van Twaelf gouden Ryns
gulden, goede etcetera oft de weerde dair voer, erffelic chys, Op een
hoeve metten he huysen hoven lande beempden gronde ende allen anderen
haeren toebehoerten, die jouffrou Margrieten van Hofstaden weduen
van wylen Janne Kerman toe plach te hoeren, ende die nu jouffrou Thorye
van Hofstaden toebehoert, alsoe die tot Hombeke over de brugge
aldaer gelegen es. A Domino Mechliniensi, Waranderende etcetera.
Locum Philips Schaels van
Lovene, ende post acht pont
XXVIII novembris
Jan van Haesdonck
Cale, Rode. Jan Elens woenende tot Yetegheem inde Loe heeft gelooft
ongevrydt na der divisen recht Te geven ende te betalen, Jannes van
Haesdonck oft den brenger van deser vyfthien gouden Peters twee
van dien tot sessendertich groten Vlaems gelts gerekent, tusschen dit
ende Vastelavont nu naestcomende, sonder eenich wederseggen
XXIIII decembris
Marten Scheelkens
Lange, Rode. Katheline van Berge wylen Henrick van Bergen dochter
met Rommond Smet haeren man, heeft vercocht Marten Scheelkens diemen
heet Neels, Sesse gouden Rynsgulden van haeren acht geliken Rynsgulden
elken van dien tot veertich groten Vlaems gelts gerekent erffelix chys, die
sy heeft, Op een huys geheeten den Witten Hert, den voerscreven Marten toebehoerende
met eenen hove, ende met eenen anderen huyse dair achterstaende ende oic metten
gronde etcetera gelegen in Onser Vrouwen strate tusschen Peter Ghysbrechts
erve, aen deen zyde ende der weduen ende kynderen erve van wylen Jan Loys
aen dander zyde streckende achterweerts tot Jan Godessant erve
Anthonio de Oeyenbrugge, Waranderende etcetera
Assignavit den XXVI denier
XXIIII decembry
Jan Vriendts heeft vercocht hen Lysbetten Wouters, Een
huys metten hove gronde etcetera gelegen inde Scriverstrate in Sinte Kathelinen
prochie, tusschen der tafle
Henrick Vernaven
syn wyf ende haer
kynderen
Langhe, Rode. Jan Vriendts heeft vercocht Henricken Vernaven ende Lysbetten
Wouters tot synen wive tot haeren ende behoef als tot haer tocht ende oic tot
Schoef van Barblen ende Jehannen Vernaven haeren kynderen, als totter selver
kynderen erffelicheit, Een huys metten hove gronde etcetera gelegen inde
Scriverstrate in Sinte Kathelinen prochie, tusschen der taflen des Heylichs
de selve
Geests erve vander prochiekerken van Sinte Peters aen deen zyde ende
der weduen ende kynderen erve van wylen Peteren Luycx aen dander zyde
comende achter totten water. A Domino Mechliniensi, Waranderende. Op vyf scellinge groten
Brabants gelts ende een pondt payments, dair vutgaende
Assignavit XXX Rinsgulden
XIII decembry
Gheerd Velhouts
Kerman, Langhe. Gregoris de Riddere die inde lyfpensie hier na bescreven
syn heffen ende dispositie hadde inden name van hem selven ende oic inden
name van Lysbetten Joes synen wive, die hy in hem verving, heeft vercocht
Gheerd Velhouts, drie veertelen Rogs goede etcetera Mechelscher maten
jaerlix lyfpachts, die de selve Gregoris ende Lysbetten syn wyf tot
haeren ende tot des langhstlevenden live van hen beyden hadden, Op
een huys metten hove ende met eender schueren daerop staende ende oic
metten gronde etcetera gelegenst:t; den selven Geerde toebehoerende gelegen
buyten der Coepoirten, tusschen der weduen ende kynderen eens
van wylen Wouteren Caluwaerts aen deen zyde ende der wedue
ende kynderen erve van wylen Peter Wittocx aen dander zyde. A Domino Mechliniensi,
Waranderende etcetera.
Pot Retro suo loco
IIII January
Godevaert Gebuers
Lange, Coesaert toes gebuers Godevaerts Gebuers sone, heeft quytgesconden
los vry ende ledich den selven Godevaerde synen vader van allen den
haeffeliken goeden, die hem byder doot van wylen Lysbetten Repens
synder moeder toecomen ende versten die ierste wyf was desselfs
Godevaerts syns vaders in eeniger manieren toecomen gebleven ende
verstorven syn, geheelic ende al voertaen heeft de selve Joes
voir ons openbairlic bekent, dat hem de selve Godevaert syn vader
goede rechtverdige Rekeninge bewys ende betalinge gedaen heeft
van allen den erffeliken goeden waer die gelegen syn, den selven
Joese toebehoerende ende hem byder doot vander voerscreven synder moeder
oic toecomen ende verstorven, Ende van al tgene des hy van dien
erffeliken goeden opgehaven ende ontfangen mach hebben, Ende
selve goeden
oic van den Regimente vanden selven ende van al tgene des hy
de selve Joos den voerscreven synen vader vut zaken van dien soude
tyde daertoe van hadden
moegen heysschen ^ heeft de selve Joes den selven synen vader
quyt insgelycx quytgesconden los vry ende ledich, ende alle
andere dies quitancie behoeven geheelic ende al
XX decembris