Blader door transcripties » Stadsarchief Mechelen

archieftoegang 2, inventarisnummer 950, pagina 119

Gielis Jaquemyn
Lange, Consaert. Bouwen van Bacrode, heeft opgedragen ende getranspoorte
namen
tot behoef van Gielis jaerlicx, alsulken scult van Twee hondert
vivent neghentich gouden Rynsgulden elken van dien tot
veertich groten Vlaems gelts gerekent ende van twaelf der selve
groten, die onse genadich heere de Roomssche Coninck hem sculdich
ende tachter hy transferens ende volens etcetera ut in forma
VIaJanuary
Jan Crabbe
Lange, Yngelram, Peter Crabbe, Jan Crabbe sone, heeft opgedragen ende
overgegeven tot behoef vanden selven Janne Crabbe synen vader
dat twee woeningen syn
de helft van Eenen huyse metter plaetsen hove gronde etcetera geheeten
de Mane gelegen in Sinte Kathelinen strate, tusschen de Heergracht
aldair, aen deen zyde ende Pauwels vander Donct Smets erve aen
dander zyde. A Domino Mechliniensi, Waranderende.st:t; dairaff dander helft den
selven Janne Crabbe toebehoert. A Domino Mechliniensi, Waranderende. Opten chys daer vutgaende
IXa January
Augustyn de Mon
Steynemoelen Yngelram heer Anthoenis Hoot priester, Canonick der kerken
van Sinte Rommonds, heeft bekent, dat zy gehadt ende ontfangen heeft
van Augustinen de Monick, wettigen sone van Augustyn de Monick
vierentzestich gouden Peters, elken van dien tot sessendertich
groten Vlaems gelts gerekent, voir de lossinge ende quitinge van
vier gelike gouden Peters al erffelix chys, die de voergenoemde heere
Anthoenis hadde op des voergenoemde Augustyns huys metten hove
gronde etcetera streckende achterweerts totter Delen gelegen inde
Hanswycstrate tusschen der weduen ende kynderen erve van wylen
Jacop Jan Coppens aen deen zyde ende Jacop Luytens erve aen
dander zyde van welken vierentzestich gouden Peters vanden
voerscreven pryse ende oic vanden voerscreven erffeliken chyse van vier
gelike gouden Peters, heeft de voerscreven heer Anthoenis
Quytgesconden los vry ende ledich, den voerscreven Augustinen
de Monick de sone, syn voerscreven huys met synen voerscreven toebehoerten
ende alle andere die des quitancie behoeven geheelic ende al
Assignavit den XVI endest:t;
VIIa January
Laureys de Man
Beringen Rode, alsoe Peter van Middeldonck ende jouffrou Lysbeth van Halen
syn wyf tanderen tyden te wetene opten derden dach van octobry lestleden
voir den rentmeester ende scepenen van Belle vercocht hebben Laureys de
man van Halle, twaelff gemetten lants geheeten de Struyckmate aldair
gelegen aenden Cruyswech gelegen opten last ende commest:t; van Seven
groten ende eenen halven Brabants heeren chys ende voirtaen opten last ende
commer van deylinge dagie ende water gelt sonder meer, Soe eerst dat
de selve
Peter tot
om der meerder zekerheit den voerscreven Laureys de man vander voergenoemde
coope ende gelooften van wairscap te doene, de voirgenoemde Peter van Middeldonc
den selven Laureyse by manissen etcetera verbonden ende tonderpande geset
heeft syn huys metten hove gronde etcetera gelegen inde Begaertstrate
tusschen der weduen ende kynderen erve van wylen Symoen van Rot
Rotselaer aen deen zyde ende Bonefs Gheraerts erve aen dander
zyde, Opte weerde van acht Rynsgulden tot veertich groten Vlaems
gelts elken van dien gerekent daer vutgaende, Ende voertaen alle
presenta et futura.
syn andere erffelike ende onberuerlike goeden bynnen etcetera. A Domino Mechliniensi, heeft
oic de voerscreven Peter van Middeldonck insgelycx voir ons bekent
dat hy gehadt ende ontfangen heeft vanden voerscreven Laureysen de somme
van drientzestich pond acht scellinge groten Brabants gelts vut zaken
vanden coope vanden voerscreven goede ende oic vanden pachte tot Kersmisse
daeraf
lestleden voirscreven vanden selven goede verschenen, wair af ende van al
tgene des de selve Peter den selven Laureysen vut zaken van dien
soude moegen heysschen, heeft de selve Peter den selven Laureysenst:t;
Quytgesconden los vry ende ledich geheelic ende alst:t;, den selven Laureysen
geheelic ende al
I
XX april
Marten de Bresse
Consaert, Rode. Barble van Boxhem weduwe wylen Claes van Luypegheem
cum tutore als eene tochtenersse ende Claes van Luypeghem haer soon tyden
name van hem selven ende oic inden name van Peteren ende Jorysen van
ende vuyten lanck
Luypegheem synen broederen, absent wesende die hy in hem verving als erfgenamen
hebben vercocht Marten de Bressere, Twee gouden Rynsgulden elken
van dien tot veertich groten Vlaems gelts gerekent erffelix chys, die
de voergenoemde tochtenersse ende erfgenamen hadden, Op een huys metten hove
gronde etcetera Janne Mathys toebehoerende, gelegen inden Vettersham byde
Plaetse, geheeten den Blaesbalch, tusschen Philips de Wilde erve aen deen
zyde ende Gheerds de Wechtere erve aen dander zyde. A Domino Mechliniensi, Waranderende etcetera
De voergenoemde Claes van Luypeghem ende Joes vander Berct die dair om oic
voir ons gecomen es hebben gelooft ende elc van hen besunder ende voir
al dat sy den voerscreven Peteren ende Jorysen van Luypeghem als sy weder
te lande gecomen zelen sy alsulck ende in dien hebben zelen, dat
sy den voergenoemde vercoope vanden voerscreven erffeliken chyse vanden voerscreven
twee gouden Rynsgulden ende oic tveerthien ende gelooften van
waerscapen dairaff byden voerscreven Claes inder voerscreven manieren gedaen
confirmeren landeren ende van weerden houden zelen ende voirtaen dair
inne ter besorgenissen des voerscreven Martens doen des behoeren sal, sonder
eenich wederseggen, Om welke al gelooften alsoe tonderhoudene
ende om der meerder sekerheyt, den voerscreven Marten dairaf te doene, soe
hebben de voergenoemde Claes ende Joes dair voir verbonden ende te pande
geset alle haer haeffelike goeden waer die bevonden zelen worden
ende oic alle haer erffelike goeden metten gronde etcetera bynnen etcetera gelegen
die sy nu tertyt hebben ende hier namaels oic hebben ende vercrigen
haer soon
van
zelen de de voergenoemde wedue ende Claes hebben oic gelooft den voerscreven
ende verbanden
Joesen altyt vanden voerscreven gelosten altyt scadeloos tochtst:t; ontheffene
ende quyt behoudene
XII marty