Transkripte durchsuchen » Stadtarchiv Mechelen

Archivzugang 2, Inventarnummer 938, Blatt 6

bruggen inden name van hem selven, voir dander derdendeel
ende Katheline vander Straten inden name van haer selven
ende oic inden name van Godevaerde vander Straten haeren brueder
oic absent wesende die zy in haer vervinge voir tderde derdendeel
hebben bekent dat zy gehadt ende ontfangen hebben van Rommond van
Aersschot ende Janne Lanen de somme van XIX Rynsgulden ende eenen halven
te wetene XV stuvers groten Brabants voir elken Rynsgulden gerekent die den selve
Janne Besman, Henricke vander Brugge, Katheline ende Godevaerd vander Strate
toecomen ende verstorven syn, byder doot van wylen Rommonde Tack wylen Jan
tach soone haerlieder neve, Ende daeraf hebben de selve quytscilders inde
name als boven quytgeschonden los vry ende ledich den voirscreven Rommond van
Aersschot ende Janne Lanen ende alle andere dies quitancie behoeven geheelic
als ende hebben daer toe de voirscreven Everaedt ende Jorys syn brueder geven
dat zy den selve Rommond ende Janne, tegen den voirscreven Janne Oesman vanden
voirscreven derdedeele der voirscreven penningen scadeloos quyt houden ende ontlasten
zelen, sonder eenich wederseggen
de
Henric Smet
Dale, Winck vrouwe Margriete van Haer met heer Janne van
Sinte Gorch haeren man heeft opgedragen haer tocht die zy
hadde in twee gouden Peters vander munten goede etcetera erffelicx
chys, op ende aen twee huysen metten hoven gronde, daer
af deen toebehoert, Henricken Smed ende ander Janne Bogaert
gelegen deen neven dander inde Keyserstrate tusschen
Jan Pagie diemen heet de Kemmere erve aen deen zyde
de
ende Jacops vanden Leene erve, aen dander zyde ^ etcetera
Lysbetten
tot behoef van jouffrou Kathelinenst:t; van ende van Vrouwen
Lysbeth
Kathelinen vanden Nuffle, de selve jouffrou Kathelinest:t; tot haren
ende der voirscreven Vrouwen Kathelinen haeren me nichten
waert daerinne gegoedt, Ende daer naer heeft de
voirscreven jouffrou Kathelinest:t; Jans met Reyner den Heelt haer
Lysbeth
de voirscreven Henricken Smet
v man vercocht haer helft vanden voirscreven twee gouden
Peters des voirscreven chys, daer af dander helft de voirscreven
haerer nichten toebehoert, Waranderende etcetera
IIII decembry
Sinte Kathelinen
afhuys
Willem Beke heeft vercocht Janne de Vos
Dale, Wynkele, Everaerdt de Ka, rentmeester ende tot behoef
van Sinte Kathelinen gasthuyse heeft verreyct een huys metten
gronde dat wylen Claese Amelgheerds toe plach te hoiren
gelegen inde Keerberchstrate tusschen
Ex censu
X decembry
Heer Marten van
Lanchem priester
Duffle, Peter Jan Kerstiaens doude ende Katheline vander Stichelen syn
wyf, Ende hebben bekent dat zy wettelic vercocht heeft hebben
heer Marten van Lanchem priester, vier chysgulden jaerlicx ende
erffelicx chys die zy hadden yerst op een huys metten hove
gronde, toebehoerende Janne Andries gelegen opte Decanie tusschen
Peter Lymmaere erve, aen deen zyde ende des voirscreven heer Martens
erve aen dander zyde. A Beato Rumoldo, Ende op een huys metten
gronde toebehoirende den selven heer Merten, dwelc hy niet lange
geleden tegen den voirscreven Janne Andries gecocht heeft gelegen
in Onse Vrouwen strate by Onse Vrouwen gasthuys opten hoeck
vander Straten streckende totten Soutwerf toe tusschen de selve
strate aen deen zyde ende Aerdt Lyedekens erve aen dander zyde
A Johanne de Oeyenbrugge, Waranderende etcetera
X decembry
Aerdt van Dyest
Dale, Winckel Jacop van Mechelen rentmeester vanden goidshuyse van
Muysene der ordinen van Cristiane inden name vanden selven, hebben
om tgene te doene dat hier naer volght vanden selven goidshuyse
volcomen macht ende sunderlinge bevel gelyc ons dat by eender
oppende procuracien bezegelt metten zegelen de priorinnen ende des
convents desselfs goidshuys gebleken es, Ende heeft om des
meeste orboirs ende profyts wille vanden voirscreven goidshuyse opgedragen
ende overgegeven tot behoef van Aerde van Diest ende jouffrou Lysbetten
van we Weffelt synen wive, alle ende yegewelke alsulke
haeffelike erffelike ende onberuerlike goeden, bynnen ende buyten
der stad ende vryheit van Mechelen gelegen als jouffrou Lysbetten
van Steynemolen, nonne professe int voirgenoemde goidshuys ende dochter
der voirgenoemde jouffrou Lysbetten van Werffelt byder doot van wylen Janne
van Steynemolen haeren vader ende die yerste man was doen hy
leefde, jouffrou Lysbetten van Weffelt voirgenoemde gebleven ende verstorven
syn, Ende oic die haer byder doot vander selver haerer moeder
in eeniger manieren bliven ende versterven souden moegen. A Domino Mechliniensi,
Waranderende etcetera Quytscildende voirtaen de voirscreven Jacop van
Mechelen, als rentmeester ende dies oic byde selver procuracien
macht hebben ende inden name desselfs goidshuys, den voirscreven
Aerde van Diest ende jouffrou Lysbetten van Wesele synen wive
haeren voir erffgenamen ende nacomelingen van allen den haeffelike
goeden voirgenoemde die de voirscreven jouffrou Lysbetten professen byder doot
van haeren voirscreven vader verstorven syn ende die haer van haer
voirscreven moeder versterven souden mogen, Ende insgelycx van