Blader door transcripties » Stadsarchief Mechelen

archieftoegang 2, inventarisnummer 938, pagina 45

Jan Smede
De Lepelmakere alias
Gestelle vaerdeghe Joerdaen vanden Ezel heeft vercocht Janne Smede
Cordewagene, anderhalven gouden Rynsgulden goet etcet
erffelic chys die hy hadde op desselfs Jans huys metten
hove gronde etcetera gelegen inde Lange Scipstrate tusschen
der stad erve van Mechelen aen deen zyde ende Claes Vos
erve aen dander zyde. A Domino Mechliniensi, Waranderende etcetera
Assignavit den XXVI denier
X octobry tempore simile
Joerdaen de Lepele
alle inden selve
sal tot Kersmisse
van
naestcomende
over een jaer
daer naer volgende
Vestelle haere. Joes de Vriese heeft vercocht den voirscreven Joerdaen
anderhalven gouden Rynsgulden goet te wetene XL
opten yersten dach van Sebruari daeraf
groten Vlaems gelts voir den Rynsgulden gerekent erffelic chys
Te heffene altyt tot Kersmisse dair af den yersten termyn syn
der yersten myn van betalingen syn sal van opten gastendach
van een naestcomende over een jaer daer volgende
Op ende aen des voirscreven Joes huys metter plaetsen gronde
gelegen inde Derde Vleeschouwerstrate tusschen des ambachte
erve vanden Vleeschouwers aen deen zyde ende den plaetse
toebehoerende Adriaen Persoons aen dander zyde streckende
met eenen anderen huyse tot inde Zweenstrate tusschen
Aerd Ruts erve aen deen zyde ende Henrix vanden Voorde
erve aen dander zyde. A Domino Mechliniensi, Waranderende. Opte weerde van
derthien scellinge ende zesse penninge groten Brabants gelts
daer voir vutgaende
ut supra tempore simile
allen den ghenen die dese letten zelen zien Rommond van
Baerdegeem ende Jan van Duffle scepenen van Mechelen salut
met kennissen der waerheyt wy doen te wetene dat opten
dach van heden voir ons comen in pren persoene jouffrou
Barble van Scelle wettige dochter wylen Jans van Scelle
beghine, Ende heeft met haeren vryen eygenen wille
voir haer testament ende vutersten wille geordineert
gemaect begheert ende gesloten de makingen pointen en
ordinancien hier naer volgende ende verclaert Willem
ende begheren de selve jouffrou Barble haer zustelic met
alle der bester vormen vuegen ende manieren, die sy
conste ende mochte, de selve onverbrekelic ende ettelic
onderhouden ende naer haer doot tot eyndeliker ende
volcomeliker execucien by haeren erfgenamen hiernaer
genoemt gestelt ende volbracht te wordene, sonder
sy eenige manieren, die te verminden oft eenichssins
te veranderen, Ende dat overmede zekeren Reden haer daer
toe ende
Testamente ende de
Barbare de Schelle
twisten deestonden
toe porrende ende sunderlinge om te schouwenen alle eendrachticheiden
de voirscreven
ende gescillen, die naer haer doot tusschen Jan voirscreven
naer haer doot bliven
haer
erfgenamen, om haer goeden wille op staen ende
Rysen soude mogen, Ende inden yersten heeft de voirscreven
jouffrou Barble begheert gewilt ende geordineert dat alle
haer wettige scult dienen naer haer doot bevinden sal
sculdich zynde voir al van haren gereetsten goede betaelt
worden daer naer heeft zy beset gegeven ende gemaect
de fabriken van Onser Liever Vrouwen kercke van Carmelike
voir haer ombekende onrechtveerdich goet op dat sy eenich
hadde vier stuvers eens. Item hueren prochiaen vier stuvers eens
Item haeren brecht nader vier stuvers eens. Item heeft zy voirt
gewilt ende begheert datmen ter salicheit van haerer
zelen inder kercken vanden beghynhove van deser stad
jaerlix doen sal haer jaergetyde voir dwelke hy gelaten
ende gemaect heeft twintich stuvers tsiaers erffelic te hebbene
ende te heffene op ende aen haere veerthiene ende eenen halven
Rynsgulden jaerliker ende erffeliker renten, die deselve
jouffrou Barble testateuresse heeft ende heffende es opte stad
van Mechelen jaerlix vallen ende verschynende ten termynen
inde brieve daer op gemaect begrepen. Item voirt meer
heeft de voirgenoemde jouffrou Barble in stede aelmoessenenst:t;
gegeven gemaect ende gelaten geest ende maect by desen
tegewordigen brieve, den persoenen hierna bescreven de parcheelen
van erffeliken goeden hiernaer volgende ende als pleggen
heeft tot Gheerdegeem, Te wetene Wouteren van Schelle haere
brueder twee bloken met haren toebehoirten tot Gheerdege
aende Ziekerliede velt gelegen. Item noch een block aldaer
oic gelegen neven Peters vanden Rode erve ende Gielis Mertens
erve, Ende eenen bogaert met synen toebehoirten oic aldaer
gelegen neven des voirscreven Peters vanden Rode erve ende Gielis
Mertens erve. Item Jacoppe den Bock haeren neve voir
deen helft ende Janne ende Margrieten sBocx vandenst:t;
wylen Jans sBocx kynderen haeren neve ende nichten voir dander
helft de erffelike goeden hier naer volgende, als de selve
jouffrou Barblen hadde ende prochie van Muysene liggende de
heeft
wetene van stuc lants met synen toebehoirten plasch blocxke
geheeten tot Muysene over de leste brugge aent strate gelegen
neven Willem Schoofs erve ende Jans vanden Zype erve. Item
noch een stucxken lants met synen toebehoirten aldaer opte
Beke gelegen neven Jan Stuers erve ende Peter Weends erve