Blader door transcripties » Stadsarchief Mechelen

archieftoegang 2, inventarisnummer 938, pagina 46

Item twee stucken bempts met haeren toebehoirten aldaer
oic deen neven dander opte Dele gelegen neven der kynder
erve anden momboom ende des voirscreven Willem Schoofs erve
Item noch een cleyn stucxken lants oic te Muysene op dese zyde
sesse
vander Peter bruggen gelegen aent strate. Item drie Peters erfflicx
chys op een huys ende hof toebehoirende Henricken Vuystaert
tot Muysene aende Heyde gelegen naest Jans van Hanswyc
erve ende der huys van Pitsenborch erve, Ende noch geven
chysgulden van haeren acht geliken gulden, die sy heeft
ende jaerlix heffende es, op een huys met synen toebehoirten
toebehoorende Janne van Halen diemen heet Joes in Onser
Vrouwenstrate gelegen naest Jans van Turnout erve ende
Wouter Goffelets erve, den voirscreven Jacop Janne ende Magrieten
sBocx in alle de selve erffelike goeden ende elken van hen voir
syn voirscreven deel haere gerechte ende gewarigge erfgenamen
noemende stellende ende instituerende, den wederseggen van
yemande niet tegenstaende. Item de voirscreven Jouffrou Barble
testateurersse, heeft voirt en puerder aelmoessenen gemaect ende
gelaten Rommond van Scelle des voirscreven Wouters huers brueder
wettich soone, haere twee vyfstedeelen, die sy heeft in een
huys met syne toebehoirten opte Coremerct gelegen daer
de selve Rommond nu ter tyt inne woendt opten commere
ende laste daer vutgaende. Item Janne van Halen diemen heet
jaer eenen chysgulden van haren acht geliken chysgulden
die sy jaerlicx op desselfs Jans huys heeft ende heffende is
in Onser Vrouwenstrate gelegen boven genoemt. Ende heeft
de selve jouffrou Barble oic gegeven ende gemaect in syn gelden
aelmoessene den armen huysarmen van Onser Vrouwen prochie
te Mechelen, te alsulken twee Peters jaerlix ende erffelicx
chys, als sy heeft ende heffende es op Claes Sammans huys
opten hoeck van Onser Vrouwenstrate aende Coremerct gelegen
om die jaerlicx, byden proviseurs vanden selven armen aldaer
by tyden wesende, bekent ende gedistribueert te worden
den selven armen huysarmen des behoeven. Item voort heeft
de voirgenoemde jouffrou Barble gemaect ende gelaten, Janne van
stelle des voirscreven Wouters natuerlic soone, tot synen live twee
sacken Rogs goede ende custbaere Mechelscher maten jaerlix
lyfpachter om die vanden selven Janne syn leven lange geduerende
te heffene ende te hebbene, jaerlicx naer de doot vander selve voirsro
Barblen ende niet eer ende alsdan altyt tot Kersmisse daer
af den yersten termyn van betalingen syn sal tot Kersmisse
die alsdan yerst vallen sal, Op ende aen alle de voirscreven
Gheerdegen
erffelike ende onberuerlike goeden onder ouden ende
boven gespen ende verclaert
Muysene gelegen. Behoudelic in desen der selve jouffrou
Barblen testateurerssen haer volcomende macht dat
tegewordich haer testament ende vutersten wille te
mogen wederroepen, meerderen minderen veranderen ende
verclaren in al oft in deele alsoe dicke ende menichwerven
als haer dat goetduncken ende gelieven sal, den wederseggen
van yemande daerinne niet tegenstaende in kennissen
de Witheit, soe hebben wy dese eenen bezegelt met
onsen zegelen gegeven int jaer ons heeren dusent
vierhondert drientzeventich opten dertichsten dach van
Septembry