Blader door transcripties » Stadsarchief Mechelen

archieftoegang 2, inventarisnummer 938, pagina 44

Jan de Bock
Peter metter helft van een
anderen cleynen huysken
ende wateren int
eynde vanden selven
hove staende ende oic
metten gronde etcetera
Duffle, Vos. Henrick wylen Odyns soone van Bergen, heeft
Terve gegeven Janne de Bock wylen Janssone, Een huys
metten hove gronde, gelegen inden Nyeuwen Bruel
tusschen des voirscreven Jans de Bock erve aen deen zyde
ende Gielis van Wilgaerden erve aen dander zyde. A Domino Mechliniensi,
Te besittene op eenen erffliken chys van vier gouden
Rynsgulden goede etcetera te wetene XL groten Vlaems gelts
voir elken derselver Rynsgulden gerekent te heffene
altyt tot Kersmisse daeraf den yersten termyn van betalinge
syn sal van Kersmisse naestcomende over een jaer daer naer
volgende ende opten voirchys vander helft van geven
chysgulden ende eenen halven scelling Lovens daer vutgaende
Behoudelic dien dat tselve huys met synen toebehoirten
medepant is ende bliven sal voir dander helft vanden selve
chyse gaende jaerlix vut des voirscreven Gielis van Wilgaerde
erve huyse boven genoempt, met condicie dat de voirscreven
Jan de Bock sculdich sal syn te quytene ende te lossene, de
voirscreven vier Rynsgulden des voirscreven chys inder manieren ende
ten terminen hier naer volgende, Te wetene den eenen gulden
daeraf van Kersmisse naestcomende over een jair daer naer
volgende, Ende alsoe voirtiene alle Kersmisse alsdan deen na
dander volgen een Rynsgulden tot dier tyt toe dat de
selve vier Rynsgulden geheelic ende al gequeten zelen
syn ende elken gulden daeraf voir zestiene der gelike gulden
Leens met vollen chyse, daervoir te betalen
Assignavit XX Rinsgulden
de
XXIa octobris
et maritus
Anne sCuypers
Vestelle, Baerdegem Jan Lelyboom ende Jan van Steenssele, hebben terve gegeven
Annen sCuypers Larys sConincx wive tot haeren ende desselfs
haers mans behoef, Een huys met eender cleynder plaetsen
gronde etcetera, dwelc vanden huyse den Aer geheeten gescheyden
gelegen achter tselve huys den Aer geheeten inden Nyeuwen Bruel
tusschen wylen Cristoffel Fransmans erve aen deen zyde ende Henricx
Peters Peters erve aen dander zyde. A beneficiaten de Zelaer
Te besittene op eenen jaerliken chys van vier gouden Ryns
gulden goede etcetera te wetene XL groten Vlaems gelts voir elken
de selve Rynsgulden gerekent Te heffene altyt tot Sinter misse
daeraf den jersten termyn van betalinge syn sal tot Sint Jansmisse
naestcomende, Ende op alsulken voirlast dat tselve huys
metter cleynder plaetsen bliven es ende bliven sal medepant
vallen den chys vuten voirgenoemde huyse den Aer geheeten jaerlicx
gaende, Op alsulken condicie dat tweest:t; alle tegen water
comende ende vallen by tyden vanden anderen huysen die
den voirscreven aer toe te hoiren plagen daer by gelegen
hebben sal synen vutgant doer een goet ende over de
voirgenoemde plaetse tot in des voirgenoemde Jans van Steenssele
stall, Ende dat de voirgenoemde Larys ende syn wyf zelen
doen maken tot hueren coste, int eynde vander voirscreven
plaetsen eenen muer gelyc den anderen muer byde
selver plaetsen staende ende dien altyt tot haeren laste
houden sonder wederseggen
de
XX octobry tempore simile
Gielis Hellincx
inden achtersten geval
vanden voirgenoemde vutgegeven
huyse
Oestelle haerdegen de voirgenoemde Jan Lelyboom ende Jan van Steenssele, hebben
terve gegeven Gielisen Hellincx een huys met eender cleynder
plaetsen gronde etcetera, dwelc vanden huyse den Aer geheeten
gescheyden is, gelegen achter tselve huys den Aer geheeten
inden Nyeuwenbruel, tusschen Peters van Yssche erve aen
deen zyde ende Jan van Couwst:t; des voirscreven Jan Lelyboom ende
Jans van Steenssele erve aen dander zyde. A beneficiaten de
Zellaer, Te besittene op eene erffeliken chys van
vier gouden Rynsgulden goede etcetera te wetene veertich groten
Vlaems gelts voir elken der selver Rynsgulden gerekent
Te heffene altyt tot Sint Jansmisse daeraf den yersten
termyn van betalingen syn sal tot Sint Jansmisse naestcomende
Ende op alsulken voirlast dat tselve huys metter cleynder
plaetsen es ende bliven sal medepant voir alle den chys
vuten voirgenoemde huyse den Beer geheeten jaerlix gaende, met
alsulker condicien dat alle tegewater comene ende vollen
der voirscreven Gielis
van des voirgenoemde Peters van Yssche huyse ende van sinenst:t; huysen
synen verganck hebben sal, daer de opte op de voirgenoemde
Gielis plaetse liggende, tot inde Ghoote van des voirscreven Jan
Lelybooms ende Jans van Steenssele plaetse daernaest gelegen
Ende dat de voirgenoemde Gielis noch oic syne nacomelingen
gheen vensteren en zelen mogen maken noch doen maken
andere
selve
dan de ghene die inden achterstenst:t;st:t; selven
vutgegevene erve staen, om daer doer tot des voirgenoemde
huyse oic
Jans van Steensele have ende plaetsen te mogen zynst:t; een
ut tempore mile
ut supra tempore similest:t;
st:t;
Dieric Papelens
Gestelle Baerdegen Jan Papele heeft vercocht Diericken Papele syn
sone, syn tocht ende allet recht dat hy hadde in een huys
houdende omtrent een half buender
metten hove gronde gelegen te Muysene aent Heyken, tusschen
selve Heydeken aen deen zyde ende des Heylichs Gheests erve
Augustyn de Borchs erve
van Sinte Rommonds te Mechelen aen dander zyde, Ende inde
helft van eenen stuck lants houdende int geheele omtrent
anderhalff Daneel geheeten tSanders Veken, gelegen oic
aldaer tusschen des voirscreven Heylichs Gheests erve aen
deen zyde ende Laureys Vuystaert erve aen dander zyde
A Domino Mechliniensi, Waranderende.
XX octobris