Blader door transcripties » Stadsarchief Mechelen

archieftoegang 2, inventarisnummer 938, pagina 43

Jan Smedale staet
Necke
Wynkele, Duffle. Peter vander Varent heeft vercocht Janne Smets
diemen heeft staefmakere, drie gouden Rynsgulden goeden
te wetene XL groten Vlaems gelts voir elken der selver Ryns
gulden gerekent, erffelic chys, Te heffene altyt tot Bamisse
Op ende aen des voirscreven Peters sesse huysen metten hove
gronde gelegen deen neven dander by Onser Vrouwen kerch
in een straetken dat compt vanden selven kerchove tot
inde Nustrate tusschen de Cluyse aen deen zyde ende de
voirscreven R Nuwstrate aen dander zyde. A Johannes de Oeyenbrugge
Waranderende. Op zesthien grote Brabants gelts, vyf chysgulden
ende vier gelike Rynsguldene daer voir vutgaende
octobry tempore simile
Jan vander Elst
Baerdegeem, Duffle. Jacop van Ravenswouwe ende Jan Geldeken van svader
wegen ende Jan Denys ende Anthonis van Scotteputte vanden
moeder wegen, als momboiren ende inden name van Kathelinen
van Beemen wylen Jans dochter, hebbst:t; infra annos etcetera die syn
hen vervingen hebben vercocht Janne vander Elst, Eenen
hof metten gronde gelegen int Speermakerstraetken
tusschen heer Mertens van Lanchem priesters erve aen deen zyde
ende Machiels Eveloege erve aen dander zyde. A Johanes de Muysene
filio Magriete ende, Waranderende. Op Seven scellinge Lovens daer vutgaende
Assignavit X Peters ende XII stuvers
X octobry tempore simile
Meester de Betha
inde Aedegemstrate
geset. Jouffrou Katheline van Voesdonck, wettige dochter
wylen Aerds van Voesdonck, met Vrancken van Halen haer
man, Ende heeft vut zaken van wisselingen voir alsulken
drie pondt groten Brabants gelts lyfpensien als zuster Jehanne
van Voesdonck de voirscreven jouffrou Kathelinen wettige zuster nomen
professe int goidshuys van Betanien, staende by deser stad jaerlicx
tot hueren live hadde op zeker erffelike goeden der voirscreven jouffrou
Kathelinen toebehoirende buyten der Aedegempoorten opt Heydeken ende
daer omtrent gelegen, Ende oic voir eenen goeden mottoen erfflicx
chys die tvoirscreven godshuys hadde opte voirgenoemde goeden, Opgedragen
ende overgegeven tot behoef vanden voirscreven goidshuyse van
betanien, Een stuck lants metten gronde ende syne toebehoirten
houdende omtrent thien vierendeel gelegen buyten de voirscreven Aedegempoorte
tusschen een block geheeten Campenhouts bos aen deen zyde
des voirscreven jouffrou Kathelinen van Voesdonck erve aen dander zyde
des voerscreven goidshuys van Betanien erve aende derde zyde ende
Aerd vander Lynden erve, aende vierde zyde. A Domino Mechliniensi, Waranderende.
sonder eenigen last van chyse oft commere daer vutgaende, Ende
Janne Segers rentmeester ende tot des voirscreven goidshuys behoef
want haer inne gegoedt
octobry tempore simile
Henrick Smede
van Afscheyde
Hestele vanden Margriete vanden Scheyde wylen Gielis dochter
met Janne Gommaer den jongen haeren man heeft vercocht
Henricken Smed twee gouden Rynsgulden goede etcetera
te wetene XL groten Vlaems gelts voir elken der selver
Rynsgulden gerekent erffelic chys Te heffene altyt opten
XXVI sten dach van octobry Op ende aen der voirscreven Magrieten
helft van eenen huyse metten metten gronde gelegen
inden Oudenbruel opten vliet tusschen den selven
vliet aen deen zyde ende Rommond tSermertens erve aen
dander zyde. Item opte helft van eene op twee chysgulden
vuten voirscreven geheelen huyse jaerlix voir vutgaende
op haer helft van eenen huyse metten gronde gelegen
aldaer in een cleyn straetken geheeten de Munte, tusschen
Henricx Smede erve metten aen deen zyde ende der weduen
Staes erve aen dander zyde, opte weerde van vier
scellinge ende acht penninge groten Brabants gelts vuten geheelen
huyse jaerlix voir vutgaende. Item haer helft van twee huyse
Corte
metten hoven gelegen deen neven dander inde Scipstrate
tusschen Henricx Bernaerts erve aen deen zyde ende Augustyn
quythouts erve, Op twee chysgulden vuten selven twee geheelen huyse jaerlicx
voir vutgaende, Ende op haer helft van eenen Rynsgulden
erffelic chys, op die sy heeft op een huys metten gronde
toebehoirende Janne welkest:t; Weeldekens gelegen inde
Befferstrate tusschen Willem Robbens erve aen deen zyde
ende Jan Machiels erve aen deen zyde. A Domino Mechliniensi, Waranderende etcetera
Assignavit
XXIIII septembris
de selve
Heelt, Haerdeghem. Rommond Ymbrechts, heeft vercocht Henricken Smet
drie gouden Peters vander munten wylen etcetera goede etcetera te
wetene XXXVI groten Vlaems gelts voir elken der selver Peters
gerekent erffelic chys Te heffene altyt opten XXVI sten
dach van octobry Op ende aen des voirscreven Rommonds huys
met twee stucken eeussels ende met eenen hove gronde
houdende omtrent een buender gelegen buyten de Brueselpoorte
achter Woutersham, tusschen Jans van Berlaer erve aen deen
zyde ende des gasthuys erve van Onser Vrouwen aen dander
zyde streckende metten eenen eynde tot wylen Wouter
Berthouts erve toe, dat nu Willem Ymbrechts kynderen tot
behoort aen dander zydest:t; A Domino Mechliniensi, Waranderende. Op vier veertelen
Roo daer voir vutgaende, met condicie dat de voirscreven Rommond
ende syne nacomelinge, de voirscreven drie Peters des voirscreven chys zelen
mogen quyten als hem dat gelieven sal, eenen male ende
andere met ende elken ge daeraf met zestiene geliker
Peter
Peters eens met vollen chyse daer voir te betalen
XXVI octobris