Blader door transcripties » Stadsarchief Mechelen

archieftoegang 2, inventarisnummer 938, pagina 215

De selve
gedeelte voir haerlieder erffelicheyt hebben houden houden
gebruyken ende besitten selen, de voerscreven huys aldaer naest
der voerscreven weduen huys in Sinte Kathelinenstrate gelegen tusschen
der voerseyde weduen huys aen deen syde ende Jan vander Moelen
metsers erve aen dander syde, Op alsulken last van chyse
als daer sculdich es vutte gaene die de selve kinderen
betalen selen, daer naer selen de voerscreven kinderen voerscreven
haer gedeelte der voerscreven goeden noch hebben houden gebruyken
ende besitten, de hoeve met bogaerdenst:t; huysen hoven bogaerde
wynnende lant bempden erfrenten chysen ende pachten ende
allen anderen haren toebehoirten gelyc de selve onder Eecke
Duffle ende Bockst:t; in diversen plaetsen ende stucken gelegen
Ende noch allen alsulken erfpacht als onder wedeyf van Bere
tot diverse plaetsen gelegen syn ende die byder doot vanden
voerscreven Janne van Eecke den voerscreven synen kinderen verstorven
syn ende als hem toe plagen te hoerene, Op alle alsulken
lasten van chyse ende anderen commeren die daer sculdich
syn vuttegaene die deselve kinderen betalen selen
welke sceydinghen ende deylinghen der voerscreven goeden gelyc
die boven gescreven staen, de voerscreven wedue metten voerscreven
Janne haeren man ende de voerscreven momboirs inden name
vanden voerscreven kinderen, hebben gelooft tot eeuweliken dach
goet vast endest:t; gestentich ende onverbrekelic tonderhouden
ende daer tegen nimmermeer te seggene oft te doene
by hem selven noch by niemande anders in eeniger manieren
sonder argelist
Domino XXIX denier
de
XXVII aprilis
De selve weduwe
prima retro suo loco
Item de voerscreven momboiren, inden name vanden voerscreven
kinderen infra annos par die sy in hen vervingen hebben
quytgesconden los vry ende ledich den voerscreven Barblen der
weduen van allen alsulken haeffeliken goeden als den
selven kinderen byder doot vanden voergenoemde wylen Janne
van Eecke haeren vader gebleven ende versterven synst:t;
de selver wedue
geheelic ende al die man was doen hy leefde gebleven
ende verstorven ge syn gheheelic ende al, daernaer
hebben voir
ende
heeft de voerscreven Barble de weduwe met haerer voirscreven man
gelooft de dat sy b Lysbetten ende Margrieten wettich
kinderen der selver weduen bynnen haren huyse houden
selen, den termyn van drie jaere lange geduerende, Ende
den selven daer ende bynnen geven ende verleenen eeten
schoene
ende drincken cleeren ende selen ende andere haren
nootorsten tamelic ende gedelic alsoe dat behoeven sal
sonder argelist met vorweerden ende condicien oic hier inne ondersproken
dat de voirscreven wedue ende haer man, sculdich selen gegevene elken
ve vanden voirscreven kinderen soe wanneer hy ende oft eenich van
ende tot eenigen geapprobeerden state van huwelike oft anderssins
comen sal selen haeren bedde, weerdt synde sesse Rynsgulden
ende met dair onder, oft de selve sesse Rynsgulden dair voir
te betalene alsoe hem dairst:t; der selve weduen ende haeren man
dat alsdan gelieven sal, sonder argelist
ut supra
Meester Claes van
vucht
Mol, Ghoeten. Heer Henrick van Urssele Ridder commandeur des huys
van Pitsenborch bynnen Mechelen inden name vanden selven huyse
et Peter, heeft opgedragen tot behouff van Meester Claese van
Brecht Raid ons genadich heeren ende Meester van synen st:t; cammeren
vander Rekeningen te Mechelen, Een huys oft woeninge metten
gronde etcetera geheeten den Pauw dat den selven Meester Clase toe
plach te hoerene, gelegen over de Nuwbrugge, tusschen
desselfs Meester Claes erve aen deen zyde ende Onser Liever
strate aen dander zyde gelyc ende inder manieren
Jan van Lare als rentmeester ende tot selfs huys behouff
de
van
tvoirscreven huys tanderen tyden voir achterwigen chys die zelve
huys van Pitsenborch, dair jaerlix ende erffelic op heeft wettelic
vutgewonnen ende verreyct heeft. A Domino Mechliniensi, Waranderende etcetera Behouden
den selven huyse van Pitsenborch synen voirscreven chyse ende alle
andere dier chys op hebben
prima april
XIIII aprilis al
sch
te XXVI
Magriete Vrancx wylen Augustyn Vrancx dochter
met Janne vander Hoeven haeren man heeft vercocht st:t;
voirscreven Gielise Vensel de helft van drie huysen oft cameren metten hove
gronde etcetera daer af dander helft den kinderen Vrancx Luycx
toebehoirt gelegen deen neven dandere inde Heytstrate in deser
Vrouwen prochie tusschen Joes Nyelen erve aen deen syde ende
Henricx Calen erve aen dander syde. A Domino Mechliniensi, Waranderende. Opte weerde
van thien scellinge grote Brabants ende achtien myten vuten geheelen
drie huysen jaerlicx gaende
Henric van Beringen
ende syn wyf
Dale, Mol. Henrick vanden Venne ende Lysbeth Buelens syn wyf
hebben vercocht Henricken van Beringen ende Margriete Cottens
kerchofpoirte inde Rechtestrate tusschen desselfs Henricx van
synen wive Een huys metten hove gronde etcetera gelegen buyten den
Beringen erve aen deen syde ende Willem Booms erve aen dander
syde. A Domino Mechliniensi, Waranderende. Op twee chysguldene een pond ende achtien
scellinge payments daer vutgaende
Assignavit XXXII Peters
prilis tempore simile
Jan Quisthout
Winckele, Duffle. Jan Quisthout doude Gielis ende Gielis de Grauwe van
svaders wegen, ende Peter vander Broecstraten vander moeder
wegen, als momboiren ende inden name van Jacoppen ende Barblen
van Muysene wylen Bouwens kinderen van Muysene infra annos
opte et die sy by consente ende by bywesen
van Reyner de Heelt commoingmeester vander stad in hen vervingen
vervingen hebben vercocht Janne Quisthout den jongen een
half vierendeel van eenen huyse metten hove gronde etcetera
gelegen opte Deele inde strate geheeten de Oude veste tusschen
wylen Peters van Waerloes erve aen deen syde ende Jan
Wagen erve aen dander syde, streckende achterweert tot
eenen hove toebehoirende Willeme van Ghestele A Domino Mechiniensi,
Waranderende. Op twee capuynen daer jaerlicx vutgaende
XI aprilis tempore simile