Blader door transcripties » Stadsarchief Mechelen

archieftoegang 2, inventarisnummer 938, pagina 200

Henrick Smed ende
syn wyf
Duffle, Bossche. Lysbeth van Hulsbosch met Willem
Cokeroel haeren man, heeft vercocht Henricken Smet
Cruydener ende Kathelinen vander Elst synen wive Een
huys metten hove gronde etcetera gelegen in Sinte Kathelinen
strate tusschen thuys geheeten de Croene toehoerendest:t; dat
wylen Jan vanden Hornicke toehouden deen zyde ende Peters
vanden Wyele erve aen aen dander zyde
A Domino Mechliniensi, Waranderende. Op drie chysgulden, acht oude groete
Turnoyse ende twee capuynen daer jaerlicx vutgaende
XVI february tempore simile
Willem Cokeroel
Item de voergenoemde Henric ende Katheline syn wyf debent
den voerscreven Willem Cokeroel ende synen wive
vierentzestich gouden Peters vander munten etcetera goeden
etcetera te wetene sessendertich grooten Vlaems gelts
voir elken der selver Peter gerekent Te betalene
van Sinte Jansmisse naestcomende bynnen eenen jaere
tyt daer na volgende, Ende daervoer hebben sy verbonden
voergenoemde huys metten hove, Ende alle dander haer
erffelike goeden, bynnen etcetera gelegen ende oic haere
haeffelike goeden, waer die bevonden zelen worden
die sy nu hebben ende hier namaels hebben ende vercrigen
dese schult es betaelt by eenen coepe van vier Peters
zelen
erffelicx, die de voirscreven Willem gecocht heeft by
Jan XVIII Adriaen
ut supra tempore simile
Aeght de Clerc
Item Peter de Cler,st:t; Lysbeth Coemans weduwe van
ut
wylen Jacop de Clere heeft opgedragen haer tocht
die sy hadde int derdedeel van twee huysen
metter plaetsen gronde etcetera gelegen deen neven dander
in Onser Vrouwen strate by Onser Vrouwen kerchof
tusschen tselve kerchof aen deen zyde ende Henricx
van Henegon huyse aen dander zyde, comende achterweerts
metten voerscreven plaetsen, tot tot aende Hooge, toehoirende
vrouwe
der voerscreven kercke. A Domino Mechliniensi, Juravit tot behoef van Peteren
de Clere haeren soon, die ierst daerinne gegoet waert
daer naer heeft de selve Peter vercocht Aeghten
de Clerc synder zuster, voirgenoemde derdedeel vanden
voerscreven twee huyse metten plaetsen, daeraf dander derdedeel
der selver Aeghten toebehoirt, waranderen opte weerde
van Twintich scellinge groote Brabants gelts, den vuten
voerscreven geheelen, Twee huyse metten plaetse jaerlicx
gaende
ut supra
Jan Peters
Dale, Mol. Jan Bogaert heeft opgedragen syn tocht
die hy hadde in een stuck lants cum funde houdende
omtrent een halff buender gelegen tot Hombeke op tantelaer, tusschen
Wouter de Coninck erve aen deen zyde ende Jan Schoofs erve aen dander
zyde, Ende in een cleyn stucken lants, gelegen aldaer, tusschen der
kinderen vanden Hofs erve jaeren deen zyde ende Cornelis vanden Vekene
erve aen dander zyde. A Domino Mechliniensi, Juravit ende tot behouff van Anthonise
Lysbet ende Katheline Bogaerts synen kinderen, die dair toe comen
syn, Ende dair naer hebben de voirscreven Anthonis Bogaert
ende Lysbet Bogaert syn suster met Roelande Casius haeren man
ende momboir ende dit de voirscreven Katheline Bogaerts haer suster
met eenen momboir, bekent dat zy vercocht hebben, Janne
Peters de voirscreven twee stucken lants metten gronde etcetera, Waranderende.
op drie pont payments daer jaerlix vutgaende
Assignavit XXX Peters
XVI february tempore simile
Meester Claes van
vucht
Bruckele, Bosch, Gielis ende Jan van Gestelle gebruederen, hebben vercocht
Meester Claes van Vucht Raid ende Meester vander cammeren
vander Rekeningen ons genadigen haeren tsagen van Bourle van
Brabant etcetera in synder stad van Mechelen haer vierendeel
ende alle recht dat zy hadden ende hen versterven es byder
doot van wylen Rommond van Aersschot haeren neve ende
erffelike goeden metten gronde hierna bescreven, Te wetene
in een huys gelegen over de Vinbrugge in Onse Vrouwenstrate
prochie tusschen des voirscreven meester Claes erve aen deen zyde
ende Gielis van Beneden erve aen dander zyde streckende
achterweerts aen een straetken den selven Meester Clase toebehorende
Item in een huys gelegen inde Hanswycstrate tusschen des Heylichs
Gheests van Hanswyck erve aen deen zyde ende Thomaes vanden
Elst erve aen dander zyde streckende achterweerts met
eenen vutgange totter Delen toe, Ende in een huys met eenen
hove oft bogaerde daer aen liggende, gelegen inde Bruesselstrate
tusschen der stad vesten aldaer aen deen zyde ende Aerdt
Mergaerts erve aen dander zyde, gelyc de selve Rommond
van Aersschot de voirscreven erffelicx goeden te gebruyken ende
te besitten pla. A Domino Mechliniensi, Waranderende. Op alsulken last van chyse
als daer sculden vut te gane, Dierick aldaenst:t;tot
des voirscreven meester Claes behouff, water inne gegoet ende gheerft
XVIII february