Blader door transcripties » Stadsarchief Mechelen

archieftoegang 2, inventarisnummer 938, pagina 199

sesthien scellinge Loevens ende van Twee chysgulden
daer jaerlicx vutgaende, met alsulker condicien, dat
de voerscreven vouwen ende syn wyf zelen moegen lossen
ende quyten de voerscreven vyf gouden Peters vanden
des voerscreven chys, altyt als hen dat gelieven sal
met twee Peter te mael ende niet min ende elken
van dien Peters met achtien geliker Peters
ende met vollen chyse
Assignavit Peter den XI denier
XIIII february
Philips Kerman
Dale, Schooff. Anthonis van Heffene, wylen Gabriels van
Heffene soon, heeft opgedragen ende getransporteert tot
behoef van Philips Kerman, alle de sculden, die hadden
de Rythien den voerscreven Anthonis vut zaken vanden coepe
van sinen goeden, tot Clercxpoerte gelegen, sculdich
ende tachter int transferens ac volens ut in forma
ut supra tempore simile
Joerdaen de Lepel
maken
Schooff, Mol. Joerdaen de Lepelmakere, diemen heet
inden dezel heeft verreyct, tegen hysgulden erffelicx
chys, Een huys metter plaetsen hove gronde etcetera dat
Henricke de Lange ende synen kynderen toehoirde, gelegen
opten Vischwerf tusschen Jacop de Beckere erve aen deen zyde
zyde
ende weduwe Willemans erve aende. Ex censu
ut supra tempore simile
De selve
Item de voergenoemde Joerdaen, heeft verreyct, Een huys metten
gronde etcetera den Polliaen geheeten, dat Peteren Gheerde
toehoirde, gelegen opten Vischwerf tusschen thuys den
Stuer geheeten, toehoerende Henricken Ghoeten, aen deen
zyde ende een cleyn straetken aldaer aen dander zyde
Ex censu
ut supra tempore simile
Jan Groot Jans
Duffle, Bossche. Gielis van Ghestele ende Willem vander Beke, als proviseurs
ende inden name vanden gasthuyse vander Heyliger Drievuldicheit
by Sinte Katheline poorte et Peter, hebben terve gegeven, Janne
groot Jans vyf cameren metten hove gronde etcetera die Janne Coeke
toe plagen te hoerene, gelegen deen neven dander sin wisselenstrate
tusschen heer Ghorys van Ram priesters erve, aen deen syde ende Jans
van Oyenbrugge erve aen dander syde, welke vut cameren metten
hoven tvoirscreven gasthuys tanderen tyden tegens, den voirscreven heer Gorys
van Rumpt, die de selve voir achterstelligen chys vutgewonnen ende
Verreyct hadde gecregen heeft. A Domino Mechliniensi. Te besittene op eenen jaerliken
ende erffeliken chys van twee gulden Peters vander munten etcetera te wetene
sessendertich te Vlaems gelts voir elken der selven Peters gerekent
heffene altyt tot Sint Jansmisse te betalene altyt tot Sint
Jansmisse, Ende opten voirchys vander weerden van achtien
scellinge groten Brabants gelts daer jaerlix voir vutgaende, met condicien
dat de voirscreven Jan Grootens, sculdich sal syn te lossene ende te
quitene de voirscreven twee peters, den voerscreven chys, bynnen vier jaeren
naestcomende met eenen Peter te male ende niet min ende elken Peter
daeraff met sestien, gelike Peters ende met vollen chyse eens
dat voir te betalene
ut tempore simile
XIIII february
Aert
Jan vanden Gheest
Moirte
Schooff, Duffle. Jan ende Wouter vanden Ghersmoirtere gebruederen Aerds
vanden Ghersmoirter kindere, hebben quytgesconden los vry ende ledich
den selve Aerd haeren vader van allen den haeffeliken die den selven
gebruederen byder doot van wylen Barblen Robbyns huer moeder die
wyf was doen zy leefde, des voirscreven Aerds haers vaders in eeniger
manieren verstorven mogen syn geheelic ende al
XV february
Aerde vander Stegen
alias de Os
Wynkele, Ghoeten. Jouffrou Machiele van Melsbroeck, wedue
beghinne
van wylen Wouteren van Opgheendorpe heeft by bywesene
ende volcomen consente van heer Anthonis vander Aa Ridder
coutet van Mechelen ende van Janne van Muysene als
proviseurs vanden beghynhove vanst:t; staende by deser stad
quytgesconden los vry ende ledich, Aerde vander Steghen
diemen heet van Os van alle den haeffelike goeden
die der voerscreven jouffrou Machtilden, byder doot van
wylen jouffrou Lysbetten van Melsbroeck haerer zuster
die des voerscreven Aerts wyf was doen sy leefde in
eenige manieren gebleven ende verstorven syn
XVI february
Melsbroeck
Jouffrou Machtelt van
Item de voergenoemde Aert vander Steghe, debet der voerscreven
jouffrou Machtilden, hondert gouden Rynsgulden
goede etcetera te wetene veertich grooten Vlaems gelts
voir elken daer selver Rynsgulden gerekent, Te betalen
van Sinte Jansmisse naestcomende, bynnen eenen jaere
tyt daerna volgende, Ende daervoer heeft hy haer
verbonden ende te pande geset, alle sine haeffelike goeden
waer die bevonden zelen worden, die hy nu een
tyt heeft ende hier namaels hebben ende vercrigen sal
ut supra