Blader door transcripties » Stadsarchief Mechelen

archieftoegang 2, inventarisnummer 938, pagina 201

Mathys huetens
ende Peter vanden
Bossche
Winckele, Bossche. Jan vanden Bossche roedekere, heeft bekent dat
hem Mathys tSmert ons ende Peter vanden Bossche goede duegdelic
ende rechtverdige rekeninge ende bewys gedaen hebben van
allen den bewinde ende Regimente dat hy ter begeerten vanden
selven Janne gehadt hebben van alle den haeffelike ende erffeliken
goeden die den selven Janne byder doot van wylen Janne
vanden Bossche synen vader in eeniger manieren toecomen
ende verstorven syn tot wat plaetsen, de selve goeden gelegen
moegen wesen, Ende daeraf ende oic van alle der quel
moeyten heysschen ende sommen van penningen die hy den voirscreven
Mathyse ende Peteren oft eenigen van hen, om des Regimente
wille dat sy daeraf gehadt hebben, in eeniger manieren
quytgeschonden los vry ende ledich, den voirscreven Mathyse ende Peter
soude moegen doen, heeft de voirscreven Jan vanden Bossche
ende alle andere dies quitancie behoeven geheelic ende al
XVIII february
Jan vander Hoeven ende
de kynderen Symoens
op ende die nu den
voerscreven Janne vanden
hoeve ende den
voerscreven kynderen
haer voerscreven deen
Symoens voer
toebehoert
Wynckele, Mol. Brueder Willem vanden Velde pe
priester ende prioer des goidshuys van Hanswyck inden
name ende om des meeste orboirs ende profyts wille
vanden selven goidshuyse, heeft vercocht Janne vander
Hoeven, als voer de drie vierendeelen ende Peteren
Symoens, tot sinen behoef ende oic tot behoef van Willem
Marien, Lysbetten, ouden ende Kathelinen Symoens synen
brueder ende zusteren alle wylen Willems Symoens
kynderen, als voer tvierde vierendeel, Twee ponden
groote Brabants gelts erffelike renten, die tvoerscreven
goidshuys hadde, op ende aen eenen hof metten huyse
daeraen staende ende oic metten gronde, die wylen
Gielis vander Lynden toe plach te hoeren, gelegen houdende
omtrent een buender, gelegen tot Neckerspoele inde
Geerenstrate, tusschen der weduen ende kynderen erve
van wylen Joes Wynants aen deen zyde ende de
Wyngaertstrate aen dander zyde, streckende tot inde
Kerchofstrate voir welke twee pond groote des
voerscreven chys, thuys de Sterre geheeten, met allen
syne toebehoirten, den voerscreven Janne vander Hoeven
alleene toehoerende, gelegen, byde Grootbrugge van
Mechelen, tusschen de Dele aen deen zyde ende
Cornelis van Berthem huyse aen dander zyde
verbonden ende veronderpaert. A Domino Mechliniensi, Waranderende etcetera.
ut supra tempore simile
Barble hasaerts
Hazaerts, Een huys metten hove gronde, gelegen inde manieren
Bossche, Ghoeten. Philips van Berlaer, Cuypere heeft vercocht Barblen
lic in alle der
alsoe dat
de selve Barble dat opten dach van heden hueringen besittenst:t;
besetten wordt
es gelegen inde Leckere, tusschen Rommond van Baerdegem
erve aen deen ende eenen hof met eenen poortkene den
selven Philipse toebehoirende aen dander zyde. A Domino Mechliniensi, Waranderende.
op eenen chysgulden daer vutgaende
Assignavit XXXIII Peters
VI february tempore simile
Philips van Berlaer
solvit est debito
et Polle Dele
cedictors qua
et elc
IIII may LX
oft batur
met
Barblen
Item. De voirscreven Barble, dat den voirscreven Philipse, sesthien gouden
Peters vander munten goede etcetera te wetene XXXVI groten Vlaems
gelts voir elken der selver Peter gerekent, Te betalene
bynnen eenen jaer tyts naestcomende, Ende hier voir heeft
zy verbonden alle haere haeffelike ende erffelike goeden presenta
tvoerscreven huys ende toe
et futura infra etcetera et futura. A Domino Mechliniensi,
ut supra
syn wyf
Jan vander Beke ende
Mol, Ghoeten. Jan Wabbels heeft vercocht Janne vander Beke endest:t;
tot synen live ende oic tot behoef ende ten live van Barblen
van Ghende synen wive ende ten langhstlevenden live van hen
beyden anderhalve veertele Rogs goede etcetera Mechelscher maten
lyfpachts Te leveren altyt tot Onser Liever Vrouwen dage
Lichtmisse Op ende aen syn huys metten hove gronde
gelegen te Neckerspoele inde Scheffoortstrate tusschen
Wouter tSermertens erve ende Henricx de Byn erve. A Domino Mechliniensi, Waranderende.
op eenen Rynsgulden, ende de weerde van Achtien groten
Brabants gelts daer voir vutgaende
XXV february
Item de voirscreven Jan vander Beke heeft geconsenteert den voirscreven Janne
dat hy de voirscreven anderhalve veertele Rogs sal mogen quyten altyt all
hem dat gelieven sal met vyf Peters eene achtien stuvers
voir den Peter ende met vollen pachte daervoir te betalen
actum coram Johanne de Beringe et Arnoldus Cleynaerts over testamente