Blader door transcripties » Stadsarchief Mechelen

archieftoegang 2, inventarisnummer 938, pagina 198

Jan Muys
Dale, Wynkele. Jan Kempe heeft vercocht Janne Muyl drie gouden
Peters vander munten etcetera goede etcetera te wetene XXXVI groten Vlaems
gelts voir elken de selver Peters gerekent van synen sesse
gelike Peters erffelic chys, die hy heeft op des voirscreven
Jan Muyls sesse huysen oft cameren met eender schueren
hove gronde etcetera gelegen deen neven dander op Neckerspoele
inde Ballemansstrate tusschen des voirscreven Jan Muyls erve
aen deen zyde ende Lysbetten sHouwers erve aen dander
zijde. A Domino Mechliniensi, Waranderende etcetera
IX february
Lysbeth vander Berct
Item. De voirscreven Jan Kempe heeft bewesen Lysbetten
vander Berct synder swege tot haeren live, Sesse gouden
Rynsgulden goede etcetera te wetene XL groten Vlaems gelts
een
voir elken van dien gerekent Te heffene altyt opten yerst
dach van meye ende dander helft opten yersten dach van
Novembry Op ende aen desselfs Jans huys metten hove
gronde gelegen op Neckerspoele opte Heergracht tusschen
Kerstiaen Gheerds erve aen deen zyde ende Jacop Joes
erve aen dander zyde, Ende voirtaene, op ende aen alle des
voirscreven Jans Treme andere erffelike goeden metten gronde
die hy nu heeft ende namaels hebben ende vercrigen sal
bynnen etcetera wesende ende gele. A Domino Mechliniensi, Waranderende etcetera
ut supra tempore simile
Lodewyc van Heyst
Mol behoerten, Peter eens ende Claes Lans syn sone woenende
tOnser Vrouwen Wavere, hebben gelooft ende elc van hen besunder
ende voir al ongevrydt naer der divisen recht te gheven
ende te betalene Lodewycken van Heyst oft den bringer de breke
van Kersmisse naestcomende over eerst twee jaeren daer
naer volgende, vierentzestich gouden Peters vander munten
goede etcetera te wetene XXXVI groten Vlaems gelts voir elken
de selver Peters gerekent, Ende daer toe hebben zy
gelooft inder manieren als boven, dat zy den voirscreven Lodewycke
oft den bringer des briefs leveren zelen tot sinen huyse bynnen
Mechelen, Sesse sacken rox goede ende cusbaer Mechelscher
maten, Te wetene de twee daeraf tot Kersmisse naestcomende
Item dander twee daeraf tot Kersmisse daer naer volgende ende de
derde twee sacken tot Kersmisse daer naer terstont volgen
sonder eenich wederseggen
XX february
Henric vander Poorten
Mol, Ghoeten. De voirscreven Peter Lans ende Claes syn sone hebben
gelooft ende elc van hen besunder ende voir al ongevrydt naer
der divisen recht te gheven ende te betalene, Henricken
vander poorten oft den bringer des brief van Kersmisse
naestcomende over twee jaer daer naer volgende, tweendertich
gouden Peters vander munten etcetera te wetene XXXVI groten Vlaems
gelts welken der selver Peters gerekent, Ende daer
toe noch drie sacken rox goede etcetera Mechelscher maten
Ende die te leveren te byden Mechelen tot des voirscreven
eenen
Henricx huyse die Te wetene den tweest:t; sacke daeraf
den anderen zack dat
tot Kersmisse naestcomende. Item dander twee daeraf tot Kersmisse
noch daeraf
daer naer volgende, Ende de derde twee sackenst:t; tot Kersmisse
daer naer terstont volgende, sonder eenich wederseggen
prima february tempore simile
Jan Moesterman
Winckele, Duffle. Willem ende Gielis de Vettere gebrueders hebben gekent ende
geleden dat zy gehadt ende ontfangen hebben van Janne Meester
te
de somme van eenenden Arnoldus gulden te wetene de
Vlaems gelts voir elken van dien gerekent, die de selve Jan Moesterman
den voirnoemde Willeme ende Gielis der sculdich was ende gelooft
hadde te betalene vut saken vanden dootslage tanderen tyden
Henricke moesterman desselfs Jans soon inden persoen van Henricken
de Vettere der selver quytscilders brueders geschuert ende gedaen
Ende hebben dairaff de selve quytscilde ende voirtaen van alle
anderen geloften van Zielmissen ende Cruyen te settene, den voirnoemde
Janne Meerman tot selfs Henricxst:t; syns selfs ende des voirscreven Henricx
syns oons behoeft quytgesconden los by ende ledich ende alle
kindere dies quitancie behoeven, geheelic ende al
XIII february
Bouwen vanden
Wabbe
Dale, Ghoeten. Joes Scheelte, heeft Terve gegeven Vrouwen
vanden Wouwere ende Margrieten Moortsels synen wive
Een huys metten hove gronde etcetera dat wylen Willem sHeelt
des voerscreven Joes vader toe plach te hoeren, gelegen buyten
der Aedegheempoerten, opte tegen Sinte Lambrechts
Capelle over opten hoeck van eender straten daermen
doer gaet, opt Heydeken, tusschen de selve strate aen deen
zyde ende des voerscreven Joes ander huys aen dander zyde
A Domino Mechliniensi. Te besittene, op eenen jaerliken ende erffeliken chys
van ende vyf gouden Peters vander munten etcetera goede etcetera
Te wetene sessendertich grooten Vlaems gelts voir elken
der selver Peters gerekent, Ende die te betalene altyt tot
Sinte Jansmisse daeraf den jersten termyn van betalingen
syn sal van Sinte Jansmisse naestcomende bynnen eenen
jaer tyt daer na volgende, ende opten voirchys van