Blader door transcripties » Stadsarchief Mechelen

archieftoegang 2, inventarisnummer 938, pagina 188

Jan Coole
cum tutore
Bossche, Ghoeten. Lysbeth Vermylenen wedue wylen Gielis Cools heeft
opgedragen haer tocht die sy hadde in een huys metten hove
gronde gelegen buyten de Kerchofparte byden Pennepoel tusschen
Jacop Loots erve aen deen zyde ende Martens van Eykenvorden
Janne
erve aen dander zyde. A Domino Mechliniensi, Juravit tot behoef van Peteren
Lysbetten ende Kathelinen Cools haeren kynderen de selve Jan
Lysbeth ende Katheline tot haeren ende des voirscreven Peters haer brueder
behoef waerde daerinne gegoedt, Ende daer naer hebben
de voirscreven Katheline ende Lysbeth Cools met momboiren, hen
metten rechte verleent, anden name van hen selven Jan Cools
van svaders wegen Gielis gels vander Mylen vander moeder
wegen als momboren ende inden name vanden voirscreven Peteren
ende bywesen
Cools infra annos die sy by consente van Reyne den heeft
commoingmeester vander stad van Mechelen, met hen vervangen
hebben, Ende hebben vercocht den voirscreven Janne Cools der selver kynderen
brueder haer drie vierendeelen vanden voirscreven huyse huys met
hove daer af tvierde vierendeel den selven Janne toebehoert
Waranderende. Op drie chysgulden ende twee capuynen daervutgaende
vuten voirscreven geheelen huyse jaerlix gaende
XXVI decembry tempore simile
Jan Ramont
Bossche, Ghoeten. Willem Schoof heeft vercocht Janne Rommont Quist
lants houdende omtrent twee vierendeel ende een half gelegen te
Muysene in Betsenbroeck, tusschen des voirscreven Jans erve aen deen zyde
ende der Heeren strate aen dander zyde, Ende een ende des cloesters
erve van Muysene aende derde ende vierde zyden, Ende een stuck
lants houdende omtrent een half buender, gelegen inde prochie
van Musene, opte Werfheyde, tusschen des huys van Pitsenborch
erve aen deen zyde ende wylen Jans de Moor diemen heet
inden Rabboom erve aen dander zyde streckende achterweerts
twee
moegen
tot wylen Jan Mst:t; kynderen erve. A Domino Mechliniensi, Waranderende. Op eenen
capuyn ende thien penninge Lovens vuten voirscreven yersten stuc lants
liggende ende die tcloester van Gruenendale daer op heeft
ende sonder eenigen chys oft commer vuten voirscreven lesten stuc lants
jaerlix gaende
ut supra
Bossche, Ghoeten, Gielis van Duffle diemen heet Berthout heeft vercocht
Wouteren van Duffle diemen heet Berthout synen brueder, tot behoef
ende ten live van Magdalenen van Bergen ende Peteren van Duffle
diemen heet Berthout desselfs Wouters natuerlic soone, die
Magdaleene van Bergen
ende haer sone
hy vander selve Magdalen vercregen heeft ende ten langhstlevende
live van hen beyden, drie gouden Rynsgulden ende eenen halve
goede ende gerechte bewetene XL groten Vlaems gelts voir elken
der selver Rynsgulden gerekent, Te heffene altyt tot Kersmisse
daeraf den yersten termyn van betalingen syn sal van
Kersmisse naestcomende over een jaer daer naer volgende Op
ende aen syn derdendeel van eenen huyse oft woeningen metten
hove gronde, gelegen opte Potterie tusschen der stad vesten
van Mechelen aen deen zyde ende Denys Sanders erve aen dander
zyde streckende achterweerts met eenen vutgange ende poorten
des voirscreven Denys
tot inde Bruesselstrate tusschen Gielisst:t; Sanders erve aen deen
zyde ende Gielis vanden Brande erve aen dander zyde
A Domino Mechliniensi, Waranderende. Opte weerde van vierentwintich scellinge
groten Brabants gelts vuten voirscreven geheelen huyse oft woeningen
jaerlix voir vutgaende, de voirscreven Wouter sal de voirscreven lyftocht
heffene
XV decembris
Katlyne sConincx
Bossche, Ghoeten. Henric de Groote ende Willem vanden Horicke van
svaders wegen Philips de Wynter ende Henric Adriaens
vander moeder wegen, als momboiren ende inden name
van van Rommonde ende Jehannen vanden Hornicke wylen Jans
vanden Hornicke kynderen infra annos die sy in hen vervangen
hebben quytgeschonden los vry ende ledich Kathelinen
sConincx weduen wylen des voirscreven Jans vanden Hornicke ende
der voirscreven kynderen moeder van allen den haeffeliken goeden
die den voirscreven kynderen byder doot vanden voirscreven wylen
Janne haeren vader ende der voirscreven weduen man doen hy heeft
in eeniger manieren verstorven moegen syn
ut supra
Gielevoort
Wynkele, Bossche. Henric Gielevoorst:t; aen deen zyde, Joes Gielevoort
syn brueder aen dander zyde, Margriete ze Gielevoort haer zuster
aende derde zyde, Lysbeth Gielevoort met Peteren Lymmaer haere
man aende vierde zyde ende Barble Gielevoort haer zuster met
aende vyffte zyde, hebben bekent dat zy minlic gescheyden
ende gedeylt hebben alle alsulken erffeliken ende onberuerliken
goeden als den selven kynderen toecomen ende verstorven syn byden
doot van wylen Kathelinen Frans haerlieder moeder bynnen ende
buyten der stad ende vryheit van Mechelen wesende ende gelegen, alsoe
dat vut crachte vander selver scheydingen ende derlingen de voirscreven
Henric voir syn part ende porcie der voirscreven goeden hebben ende
aenveerden sal, ierst een stuc bempt houdende omtrent
een buender gelegen int lant van Duffle by Aert Verhage neven
Willems van Papenbroec goet, Ende noch drie Rynsgulden
erffelic chys, opte stad van Mechelen vallen jaerlix ten terminen
inde brieve daer op gemaect begrepen, Ende noch een wettele Rogs
goede ende custbaer Mechelscher maten op eenen bempt toebehoerende
Willem van Papenbroeck toebele gelegen by Henricx Vernaven goeden