Blader door transcripties » Stadsarchief Mechelen

archieftoegang 2, inventarisnummer 938, pagina 189

de scheydinge der
kynderen van Zielevoirden
by ende ende op gemet Item de voirscreven Joes Gielevoirt
sal vut saken vander voirscreven scheydingen ende deylingen hebben ende aenveerden
sal voir syn part ende porcie der voirgenoemde goeden yerst twee stuck
lants gelegen deen neven dander tot Duffle vande Nustrate
Item noch eenen Rynsgulden erffelic chys, op zekere goeden toebehoirt
jouffrou Kathelinen van Dieven Jan Vorspoels wive, Ende noch
twee Rynsgulden oic erffelic chys opte voirscreven stad van
Mechelen. Item de voirscreven Margriete Zielevoort sal vut cracht
vander selver scheydingen ende deylingen voir haer part ende porcie
hebben ende aenveerden, ierst een stuc lants houdende omtrent
een buender gelegen oic te Duffle achter den Aer naest Henricx
brieven goede, Ende twee Rynsgulden erffelic chys oic
op der voirscreven jouffrou Kathelinen van Dieven goede tot Duffle
gelegen. Item de voirscreven Lysbeth Zielevoort met Peteren Lem
der voirscreven goeden
haer man sal vut crachte vander selver scheydingen, hebben
ende par
ende aenveerden voir haer deel voirscreven goeden ierst een stuck
lants houdende omtrent drie vierendeel geheeten den Balen
gelegen te Duffle byde gerechte aldaer. Item noch twee
selen Rogs goede ende custbaere Mechelscher maten op Henricx
Vaven goede gelegen terckele, Item noch eenen Ryns
gulden erffelic op der voirscreven jouffrou Kathelinen van Dieven
goeden onder Duffle gelegen, Ende eenen Rynsgulden
erffelike rente opte voirscreven stad van Mechelen, Ende de
voirscreven Barble ze Zielevoorts sal hebben ende aenveerden vut
crachte vander voirscreven scheydingen voir haer part ende porcie
ierst een stuc lants houdende omtrent een buender gelegen
de Willem inde Walemssche strate naest Gielis Vrancx
goeden. Item een stucken bempts houdende omtrent een
vierdedeel gelegen in Betteenbroeck, Jan naest Jacop Loots
erve, Endest:t; noch thien maken op goede ende custbaere
Mechelscher maten, op zeker goeden toebehoirende Jacoppen
Speelberch te Walem gelegen, Ende noch eenen chysgulden
erffelic chys op een stuc bempts gelegen in Betsenbroeck
toebehoerende Janne Scaffelman, met vorweerden hier
inne onderspreken, dat eenen yegelyc vanden voirscreven partien
dragen ende jaerlycx gelden sal den commer ende last gaende
vut eensyegelyc gedeelte boven genoemt. Behoudelic
dien dat Jan Gielevoort de voirscreven kynderen vader inde
helft van allen den voirscreven parcheelen van goeden ende Ront
syn leven lange geduerende syn tocht paysselic ende vredelic
hebben ende gebruyken sal sonder wederseggen van sinen
voirscreven kynderen oft yemant anders welke scheydinge ende
deylingen hebben de voirscreven kynderen Zielevoort gelooft ende als
van hen besunder ende voir al, ten eeuwigen daigen voir goet
vast gestentich ende van weerden te houdene ende daer te
nemmermeer te seggene oft te doene in eeniger manieren kinderen
de
Lysbeth Bogaerts
Bossche, Ghootenric vanden Wyere wylen Everaerds sone vanden
wylen, inden name van hen selven, by consente ende bywesene van
synen momboiren hierna bescreven Jorys vanden Wyer ende Anthonis
Jan vanden Wyer van svaders wegen, Peter Daems ende Willem
vander Hoeven vander moeder wegen, als momboiren ende
inden name van Kathelinen vanden Wyere des voirscreven Henricx
zuster, onder haer jaeren van discrecien wesende die sy
in hen vervingen hebben quytgeschonden los vry ende ledich
Lysbetten Ryngaerts weduwe wylen des voirscreven Everaerde ende
de voirscreven kynderen stiefmoeder van allen den haeffeliker
goeden die den selver kynderen byder doot vanden voirscreven
synen jersten wive
wylen Everaerde ende van wylen Lysbetten Verbrecht haer
vader ende moeder ende der voirgenoemde kynderen vader ende moeder
in eeniger manieren verstorven mogen syn
XI decembry
Jan van Beneden ende
syn wyf
Bossche, Ghoeten. Jacop de Donckere wylen Peters soon, heeft
vercocht Janne van Benede Gielis soon woenende te
Heffene, tot synen live ende oic tot behoef ende ten live van
synen wive
Lysbetten Ambacx ende tot des langhstlevenden live van hen
beyden, drie veertelen Rogs goede ende cusbaer Mechst:t;
Mechelscher maten jaerlicx lyfpachts Te heffene, alle
jaere altyt tot Kersmisse Op ende aen desselfs Jacop
huys metten hove gronde etcetera houdende int geheel omtrent
anderhalf der vierendeel gelegen te Leest tusschen Meester
Jans vander Straten erve aen deen zyde ende Meester Jan
de Leeuw erve aen dander zyde. Item op syn stuck lants
metten gronde etcetera gelegen de pacht van Hombeke
v houdende omtrent een half buender, gelegen
inde prochie van Hombeke tusschen heeren aldaer aen
deen zyde ende Joes Lauwers erve aen dander zyde
A Domino Mechliniensis, Waranderende. Op twaelf scelling Loevens vuten voerscreven
huyse metten hove, vuten voor ende d sesse scellinge
ende zesse penning Loevens vuten voerscreven stuck lants
jaerlicx vutgaende
X novembry tempore simile
Peter van Candriesch
Jan Laureys ende Gielis
van Boelenbeke
Bossche, Ghoeten. Bartelmeus Trabukier alias als rentmeester
ende inden name van onsen genadigen heer den Hertoge van Bonem
heeft opgedragen tot behoef van Peteren van Candriesch
Janne Laureys ende van Gielis van Boelenbeke, drie huysen
metten hove gronde etcetera gelegen deen neven dandere inde
Corte Byest, tusschen Hubrecht vander Deenen erve aen
deen zyde ende Peteren vanden Bryele erve aen dander zyde
streckende achterweerts tot Jans vander Heyden erve
toe, welke drie huysen de voirgenoemde rentmeester inden