Blader door transcripties » Stadsarchief Mechelen

archieftoegang 2, inventarisnummer 938, pagina 187

Meester Jan van Strate
aldaer tusschen des voirscreven Reyniers de Heelt erve aen deen
zyde ende Jan Mols erve aen dander zyde. Item op een stuck bosch
geheeten Laureys Bosselken houdende omtrent een half buender
gelegen aldaer tusschen der kynderen vander Hayct erve aen deen
zyde ende der weduen ende kynderen wylen Aerd van Diest erve
aen dander zyde. Item optenst:t; helft van eenen stuck bosch houdende
hant geheelen omtrent een buender gelegen aldaer naest des
de voirscreven Anthonis erve. Item op een stuck bosch geheeten de Kotelheyde
met eenen bosselken geheeten den ambach, houdende tsamen
omtrent zesse buender, gelegen aldaer, tusschen wylen Jans
van Houter erve aen deen zyde ende des voirscreven Anthonis goet
aen dander zyde. Item op een stuck bosch geheeten de Hoeve houdende
omtrent vyf buender gelegen aldaer tusschen des voirscreven wylen
Gabriels vander Hayct erve aen deen zyde ende des goidshuys
erve van Betanien aen dander zyde. Item op een stuck bosch geheeten
de lange heyde houdende omtrent anderhalff buender gelegen
aldaer tusschen der voirscreven weduen ende kynderen wylen Aerds van
Diest erve aen deen zyde ende des voirscreven wylen Gabriels vanden
Hayct erve aen dander zyde. Item op twee stucken bosch
by tvoirscreven hof neven de poorte gelegen aen beyde zyden vanden
straten daer af deen heeft de Lake, houdende tsamen omtrent
seven vierendeel. Item op een stuck bosch geheeten Paradys met
eenen bosselken geheeten Meransgracht ende met eenen huyken
op Ransmansvelt gelegen houdende tsamen omtrent drie
vierendeel. Item op twee stucken eeussels geheeten de Costere
bloke, houdende tsamen ende omtrent vyf buender gelegen aldaer
tusschen des cloesters erve van Muysene aen deen zyde ende des
voirscreven Reyners de Heelt erve aen dander zyde. Item op een stuck
eeussels geheeten de Lake houdende omtrent twee buender gelegen
aldaer, tusschen des voirscreven Anthonis goede, aen beyde zyden. Item
twee stucken eussel geheeten de Keyseryken gelegen aldaer
tusschen de Vroente aen deen zyde ende des voirscreven Anthonis
goede aen dander zyde. Item op een eussele houdende omtrent viventwintich
buender geheeten Bertensdan oic aldaer gelegen. Item op een
Moelen metten Moelenberge gronde etcetera boven genoempt, Ende
voertaen op ende aen alle des voirscreven Anthonis ander erffelike
goeden metten gronde bynnen etcetera wesende ende gelegen. A Domino Mechliniensi,
et beneficiaten de Zellaer, Waranderende. Op vierthien pont twaelf
scellinge groten Brabants gelts acht veertele Rogs ende een halve
vyf moeken eenen erfflic ende vier pont zesthien scellinge
de voirscreven groten lyftochten vut allen den voirscreven goeden jaerlicx
voir vutgaende, met condicie dat de voirscreven Anthonis de voirscreven wegen
Rynsgulden des voirscreven chys sal moegen quyten altyt als he dat
gelieven sal tot eenen male ende anders niet ende elken penningen
daeraf met zesthiene der geliker penningen ende met vollen
chyse daer voir te betalen
XII decembris
Jannen de Poirtere
Duffle, Bossche. Heer Jan Boventhuyn priester, heeft opgedragen tot
behoef van Janne de Poirtere Jans Poirters sone, Een huys metten
hove gronde gelegen opte Mylane tusschen heer Godevaerts
Vylain Ridders erve aen deen zyde ende de Mylane aen dander
zijde. A beneficiaten de Zellaer, Waranderende etcetera
XIII decembris
Heer Jan Boventhuys
priester
Item. De voirscreven Janne heeft bewesen den voirscreven heer Janne
syn tocht paysselic ende vredelic te gebruyken mit voirscreven
huys metten hove boven genoemt. A beneficiaten de Zellaer
Waranderende etcetera
ut supra tempore simile
Jan Snyers beckere
Duffle, Bossche, Machiel Moens wylen Gielis Moens sone heeft
na Snyere
vercocht Janne van Ruerenhout beckere, een huys metten
hove gronde gelegen inde Penningstrate tusschen Jorys
de Weendt erve aen zyde ende Gielis Dregge erve aen
dander zyde. A Johannes de Oeyenbrugge, Waranderende. Op drie chysgulden
twee capuynen ende achtendertich scellinge payments daer
vutgaende
by
XII decembry tempore simile
Lysbet Peters
Bossche, Ghoeten. Jacop van Conincxloo, heeft vercocht Lysbetten Peters
Jan Peters dochter, Eenen gouden Rynsgulden goet te wetene
XL groten Vlaems gelts voir dien gerekent erffelic chys Te
heffene altyt tot Kersmisse daeraf den yersten termyn van
betalingen syn sal van Kersmisse naestcomende over een jaer
daer naer volgende, Op ende aen syn huys metten gronde
gelegen in Sinte Kathelinenstrate tusschen Machiel Hoode
erve aen deen zyde ende Jans Verwilgen erve aen dander
zijde. A Domino Mechliniensi, Waranderende. Opten negen scellinge ende sesse penningen
groten Brabants gelts daer voir vutgaende
#
XV decembry
Jacop Verstreke
Bossche, Ghoeten. Jan van Hamme Barbier, heeft vercocht Jacop Verstreke
Een huys metten gronde gelegen inden Ouden Bruel opten hoeck
vanden vliete aldaer tusschen den selven vliet aen deen zyde
ende Gielis vander Roven ende synder kynderen erve aen dander zyde
A Domino Mechliniensis, Warandere twee scellinge payments, dair vutgaende
Assignavit XXXIII Rinsgulden
XV decembris