Blader door transcripties » Stadsarchief Mechelen

archieftoegang 2, inventarisnummer 938, pagina 178

Jan van Eppegheem ende Wouter Tucbaeck
inden name als erfgenamen van wylen Clasen Tucback
van svaders wegen inden name van hen selven ende oic
haeren
inden name van allen anderen mede erfgenamen voir den
helft van svaders wegen voir deen helft
Gielis vanden Branden
Wyele, Mol. Wouter van Duffle diemen heet
Berthout heeft vercocht Gielis vanden Brande
drie gouden Rynsgulden goede etcetera te wetene veertich
groten Vlaems gelts voir elken van dien gerekent erffelicx
chys Te heffene altyt opten elfsten dach van
Novembry Op ende aen des voirscreven Wouters recht ende
deel, dwelc hy heeft inde helft van eender woeningen
metten hove bogaerde gronde etcetera gelegen opte Potterie
aen der stad vesten van Mechelen comende met eenen
vutgange ende poorten tot inde Bruesselstra A Domino Mechliniensi,
Waranderende. Opte weerde vierentwintich scellinge groten
Brabants gelts ende van twee pond de selve groten lyfpencienst:t;
staenden live vuter voirscreven geheelden woeningen
ende op twee pond der selver groten geliker lyfpensien
vander selver aen
vut des voirscreven Wouters deel vuter jaerlicx voir vutgaende
VIa decembris
Reyner Wittiers
ende syn wyf
Item. Jan van Ysschot broeder, heeft terve gegeven
Reyneren Wyttiers ende Lysbetten vander Beke synen wive
Een huys metten hove gronde etcetera gelegen op Neckerspoele
opte Hergracht tusschen Aert Storms erve aen deen
zyde ende Willeme van Papenbroeck erve aen dander zyde
Ende een huys metten gronde etcetera gelegen tegen
tvoirgenoemde huys over, tusschen desselfs Willeme van
Papenbroeck erve aen deen zyde ende Laureys Smeets erve
aen dander zyde. A Domino Mechliniensi. Te besitten op eenen jaerliken
ende erffeliken chyse van vyfthien gouden Rynsgulden
goede ende gerechte te wetene veertich groten Vlaems gelts
voir elken van dien gerekent, Te betalene Altyt tot
Onser Liever Vrouwen dage Lichtmisse daeraf den
yersten termyn van betalingen syn zal van Onser Liever
Vrouwen dage Lichtmisse naestcomende over een jaer
daer naer volgende met alsulker condicien dat de voirscreven
Reyner ende Lysbeth syn wyf zelen mogen lossen ende quyten
Altyt als hen dat gelieven zal, neghen Rynsgulden
vanden voerscreven vyfthien Rynsgulden des voirscreven chys telken
te wetene
De selve
der selver
male twee ende niet min ende elken Rynsgulden daer
af met zestien gelyken gulden ende met vollen chyse
Ende dat oic de voirgenoemde Reynen ende Lysbeth syn wyf
na de doot vanden voerscreven Janne Ysschot ende Lysbetten
vanden Bloke synen wive de voirscreven ander zesse Ryns
gulden zelen mogen lossen ende quyten altyt als hem
dat gelieven zal zyst:t; gelyc voerscreven staet, Ende om
van
der meerder zekerheyt den voirscreven Janne Ysschot
vander betalingen des voerscreven chys te doene, Soe heeft
de voirgenoemde Lysbeth vander Beke beke metten voerscreven
Reyneren haeren man in tytule van gewarigen
pande verbonde ende te pande geset, de erffelike
goeden hier ondergestaen inden yersten twee
huysen metten hoven gronde etcetera gelegen opte Neckpoele
inde Rechtestrate tusschen Peters vander Beke erve
aen deen zyde ende Jacop Joes erve aen dander zyde
Item een schuere metten gronde etcetera gelegen inde
Ballemansstrate tusschen der kynderen erve van wylen
Henricken de Byn aen deen zyde ende Wouter van haeren vanderen
dander zyde. Item een stuc lants metten gronde
houden omtrent een halfbuender geheeten Hooghbrake
gelegen achter depasse tusschen Reyners de Heelt erve
aen deen zyde ende Jan Daems erve aen dander zyde
die den
Ende een stuck lants houdende omtrent drie dachmalest:t;
geheeten Percxkerchof gelegen op Neckerspoele aende
Boeckelstrate tusschen deselve Boeckelstrate aen deen
zyde ende Jan Goetens erve aen dander zyde, Op te
weerde van twee pond drie scellinge ende zesse
penninge groten Brabants gelts vuten voirscreven erffelike goeden
jaerlicx voer vutgaende. A Domino Mechliniensi. Behoudelic dien dat
soe wanneer de voirscreven Reyner ende syn wyf zelen afgeleet
hebben, zesse Rynsgulden vanden voerscreven vyfthien Ryns
gulden des voirscreven chys, dat alsdan de voirscreven erffelike
goeden vanden voerscreven van verbande geheelic ende al
ontslagen ende onsst:t; ontlasten zullen syn
Vaoctobry