Blader door transcripties » Stadsarchief Mechelen

archieftoegang 2, inventarisnummer 938, pagina 177

opbueren ende gebruyken alle der voirscreven haere kynderen goeden
erffelic ende lyftocht renten, sonder de selve in eeniger manieren
die te verminderen maer die te houdene instate alsoe ende gelyc
dat naer recht ende als een tochtenersse sculdich es te houden
met vorweerden hierinne ondersproken, dat de momboiren vanden
voirscreven kynderen jaerlicx opbueren ende ontfangen zelen tzestedeel
vanden voirscreven erffeliken goeden ende lyftochtrenten, tot behoef
vanden voirscreven kynderen, sonder eenich wederseggen XXVI octobris
de
Jan Bake alias Staes
syn brueder ende suster
#
Wyele, Bossche. Gielis Vrancx heeft terve gegeven Janne Bake alias
Staes ende Katheline Bacx alias Staes synder zuster tot haeren ende
Gielis Baecx alias Staes haeren brueders behoef, Een huys met
eenen cleynen hoefken gronde gelegen achter de Halle inde
Ouden Bruel tusschen der weduen ende kynderen wylen Jans van
allen aen deen zyde ende Henricx Smede droechscheerders erve
aen dander zyde. A Domino Mechliniensi, besittene op eenen erffeliken chys
van vier gouden Rynsgulden goede etcetera te wetene XL groten
Vlaems gelts voir elken der selver Rynsgulden gerekent
Te heffene deen helft tot Sint Jansmisse ende dander helft tot
Kersmisse, Ende sonder eenigen voirchys daer vutgaende
XX octobris
Anne Schoofs
Wyele, Goeten. Meester Jan van Bost block heeft vercocht Annen sGroete
natuerlike dochter wylen Martens sproests, vyf scellinge groten
Brabants gelts erffelic chys Te heffene altyt tot Alderheyligemisse
Op ende aen syn huys metten hove gronde gelegen inde Vetterstrate
beyde
tusschen Jan Ghootens erve aen deen zyde. A Domino Willemo de
Merode, Waranderende etcetera. Behoudelic dien oft gebuerde dat de
voirscreven inne storve sonder wettich hoir van haven live gelegen
levende achter te lastene, dat alsdan de voirscreven vyf scellinge
Willem
groten des voirscreven chys toecomen ende versterven sal haeren gerecht
erfgenamen van des haers vaders zyden
III novembris
Cornelis van Caper
Berge
Dale, Mol. Henric vander Commen woenende tot Rumpst heeft
gelooft ongevrydt naer der divisen recht te geven ende tot
Mechelen te leveren, Cornelisen van Capenberge alle jaer alsoe
Lange alias Cornelis ende Barble van Capenberge syn kynderen leven
zelen ende naer syn doot den selven synen kynderen soe lange
alsdan leven zelen, altyt tot Alderheyligemisse, alsulken
Sesse veertelen rox goede ende custbaere Mechelscher maten
jaerlix lyfpachts als de voirscreven Henric den vers Cornelisen
ten tot behoef ende ten live van synen voirscreven kinderen
niet lange geleden vercocht ende op zekere syne goeden
onder Wildebroeck gelegen bewesen ende bepant heeft
naer vutwysen van eenen scepenen brieve van Wildebroeck
daer op gemaect, sonder eenich wederseggen
IIII novembris
de kynderen Willems
Joos ende syns wyfs
Winckele, Mol. Willem de Vos ende Lysbeth vander Horst syn wyf
hebben gewilt ende openbaerlic voir ons geordineert dat alle
haere kynderen, te wetene meyskens ende knechtkens ende
knechtkens gelyc de meyskens die sy tsamen deen vanden
hebben ende
anderen vercregen hebben ende namaels zelen mogen vercrigen, ende gelyc
ende in geliken deele ende porcien hebben houden aenveerden
ende deylen zelen, alle der voirscreven haver ouders goeden
waer die gelegen syn, oft bevonden zelen worden, die
selve
naer eenyegelycx doot vanden voirscreven halven ouden zelen mogen
bliven sonder eenich wederseggen
IIII novembris
Jan vander Byest
Mol, Bossche. Zeger Smertens ende Machiel Quypers van svader
wegen, Henric ende Ghysbrecht de Nestelere vander moeder wegen
als momboiren ende inden name van Kathelinen vanden Wille
wylen Aerds dochter vanden wille infra annos etcetera die sy in hen
vervingen voir de tweedeel, Ende de voirscreven Henrick Henri
derde deel
ende Ghysbrecht de Nestelere van svaders wegen, Jan Wouters ende
Dierick Neefs cuypere vander moeder wegen als momboiren
ende inden name van Janne de Nestelere wylen Jans sonest:t; sone infra
annos dien sy in hen vervingen voir tderde derdendeel vanden huyse
hier naer bescreven hebben terve gegeven Janne vander Byest
Een huys metten hove gronde gelegen buyten Sinte Katheline
poorte inde Vingebeecstrate tusschen Jans vanden Bossche erve
aen deen zyde ende Laureys Zegers erve aen dander zyde
streckende achterweerts totten vesten toe vander ver stad van
Mechelen. A conventu de Lelyendale. Te besittene op eenen erffeliken
chys van eenen Peter vander munten etcetera goet etcetera te wetene XXXVI
groten Vlaems gelts voir dien gerekent, Te heffene altyt tot
Bamisse, Ende opten voirchys van drie ende eenen halven
chysgulden ende twee capuynen daer vutgaende met
condicie dat de voirscreven Jan vander Byest den voirscreven Peter des voirscreven
chys sal moeten quyten in deser manieren te wetene den halven
Peter daeraf tot Bamisse naestcomende, Ende den anderen halven
Peter daeraf tot Bamisse daer naer volgende, Ende elken penningen
daer af met zesthiene der geliker penningen ende met vollen
chyse eens daer voir te betalen
VI novembry