Blader door transcripties » Stadsarchief Mechelen

archieftoegang 2, inventarisnummer 938, pagina 174

Lambrecht Witte
alias Schuycke
Dale, Bossche. Jan vanden Bloke wylen Aerts zone
vendidit Lambrecht Wittocx alias Schincke een huys
metten hove gronde etcetera gelegen op Neckerspoele
inde Rechtestrate tusschen Jan Smede ende de
kinden Muyls erve. A Domino Mechliniensi, Waranderende. Op twee Rynsgulden
voerscreven ende VI denieren groten Brabants vier scellinge ende drie penningen
payments vuten voirscreven huyse met synen toebehoirten jaerlycx
gaende
XIX octobry
de
de tsestich gebrueder
in Sinte Rommonts ket
twaelf scellinge
ende zesse penningen Brabants
Dale, Schooff. Meester Lambrecht van Thienen een der
heeren van Zellaer bynnen Sinte Rommerberch vanden
Meester Henrick Tucbaers ende Janne Pycot als
proviseurs vander bruerscap vanden tsestich gebruederen
bynnen der selve kerken twee Rynsgulden ende eenenst:t;
halven erffelicx chyns vallen half te Kersmisse ende
half Sint Jansmisse daeraf den yersten termyn van
betalingen syn sal tot Kersmisse naestcomende op ende
aen des voirscreven Meester Lambrechts huys metten
hove gronde etcetera gelegen inde Beghinestrate tusschen
Andries Adelyen wyfs erve ende Lysbetten Lyps
A Dominde Claer, Waranderende. Opte weerde van vyf Ryns
guldenen erffelicx, Ende omme der meere zekerheyt den
voirscreven bruederscap vander betalingen des voirscreven chyns
te doene soe heeft Lijsbeth van Pennen weduwe
wylen Gielis van Boscheele tonderpande geset de
helft van haer huyse metten plaetsken gronde etcetera
gelegen aende Groote Merct geheeten de zevensterven
tusschen een huys geheeten dOvershoot toebehoerende
Gielis van Seynemolen den bastaert ende der weduwen
van wylen Jacop vander Poorten. A Domino Mechliniensi, Waranderende. Opte
weerde van vierentwintich scellinge groten Brabants
dair jaerlycx vutgaende
XX octobry tempore simile
de Heyligeest van
Smet Janne
Heer Willem sCosters priester
Dale, Bossche. Bouwen vander Wyct heeft vercocht Jorysen Coesaert
als executeurs vanden testamente ende vutersten wille van wylen
Machtilden vander Hoogebraken, Mathys vanden Broeke diemen
heet Mussche huysvrouwen, ons de executie vanden selven
haeren testamente te volbringen ende te voldoen, tot behoef
vander taflen des Heylichs Gheests vander prochiekercken van
gerekent erffelicx chys Te heffene deen helft tot Kersmisse ende
Sinte Jans bynnen Mechelen, Twee gouden Rynsgulden goeden
te wetene XL groten Vlaems gelts voir elken der selver Rynsgulden
dander helft tot Sint Jansmisse daer af den yersten termyn van
betalingen syn sal tot Kersmisse naestcomende, Op ende aen deen
voirscreven Boudens huys metten hove ende muere staende inden selven
hove ende oic met eenen vutgange tot inde Bogaertstrate ende oic
metten gronde, gelegen by Sinte Rommonds kerchof tusschen
des bruederscaps erve van Onse Vrouwen aen deen zyde ende
wylen Jans de Weelde erve aen dander zyde. A Beato Rumoldo, Waranderende.
op twee gelike Rynsgulden, Sesse chysgulden twintich
oude grote Turnoyse, twee capuynen, Ende twee gouden
vander munterch, te wetene op VIII groten Vlaems gelts voir
elke der selver gerekent daer voir vutgaende
achter
de tsestich gebrueders
in Sinte Rommonts kerck
de
Dale, Bossche. Cornelis van Boxhem heeft vercocht heer Henricken
Tucbake priester ende Janne Pycot als proviseurs ende tot behoef
vanden tZestich gebrueders van Sinte Rommonds kercke, seven
scellinge ende sesse penninge grote Brabants gelts, erffelic chys
die hy hadde op ende aen een vierendeel van eenen huyse
geheeten de Duyve metten huyse stallen plaetsen gronde etcetera
dat wylen Wouteren Bake diemen heet Staes toebehoerde, gelegen
achter de Halle, tusschen Jans de Hooghe erve aen deen zyde
ende Kathelinen Vlemincx erve aen dander zyde, Ende op
des voirscreven Wouters vierendeel van drie huysen oft cameren metten
gronde gelegen deen neven dander inde Derde Vleeschouwstrate
tusschen wylen Jans sCuypers erve aen deen zyde ende den
vliet aldaer aen dander zyde. A Domino Mechliniensi, Waranderende etcetera Ende om der
meerder zekerheit daeraf te doene Soe hebbenst:t; vander
betalingen des voirscreven chys te doene soe hebben Margriet
van Wille weduwe wylen Jans Bake diemen heet Staes met
eenen momboir als een tochtenersse ende Jan Bake diemen heet
Staes haer sone als erfgename verbonden ende tonderpanden
geset haer vierendeel vanden voirscreven huyse de Duyve geheeten
ende vanden voirscreven drie huysen oft cameren metten gronde boven
genoemt. A Domino Mechliniensi,
ut supra tempore simile
Dexecuteur vanden testate
wylen Marie van Bethange
Dale, Duffle. Jouffrou Johanne vander Langers de meester Jan ende
Ambrosius Ruysschers haere natuerlike kynderen die wylen Meester
Jan de Ruyssche van haer vercregen heeft hebben bekent dat zy
gehadt ende ontfangen hebben van Henricken vander Poorten
ende Janne van Yssche als executeurs vanden testamente ende
vutersten wille van wylen Margrieten van Bethuyne Jans
wedue wylen Jans van Orssagen, alle sal alle alsulken