Blader door transcripties » Stadsarchief Mechelen

archieftoegang 2, inventarisnummer 938, pagina 173

Jouffrou Margriete
Stormen professe int
goidshuys van Bethanien
ende Jehanne Soe hebbe
Mol, Ghooten. Jan Stuers heeft bewesen Janne Snyders tot behoef ende ten
live van zusteren, Margrieten Storms wylen Wouter Storms dochter preste
int goidshuys van Betanien staende by deser stad, Sesse gouden Ryns
gulden goede etcetera te wetene XL groten Vlaems gelts voir elken de
selver Rynsgulden gerekent jaerliker lyfpensien, Te heffene deen helft
tot Kersmisse ende dander helft tot Sint Jansmisse daeraf den yersten
termyn van betalingen syn sal tot Kersmisse naestcomende Op ende
es
aen des voirscreven Jan Stuers ^ erffelike goeden metten gronde hier na
bescreven ierst op een stuc bempts geheeten de Muyde houdende omtrent
vier buender ende een half gelegen te Muysene opte Dele ter Wyelen
tusschen de selve Dele aen deen zyde ende dWouwenbloc aen dander zyde
Item opte helft van eenen stuc bempts geheeten Vernaven hof
houdende omtrent drie vierendeel metten onderdeelen daeromme
loopende gelegen aldaer bynnen der onder Delen, tusschen de Dele aldaer
aen deen zyde ende den Heerwech aen dander zyde. Item op een
stuck eeussels houdende omtrent vyf vierendeel gelegen aldaer byde
Middel Wyelenbrugge, tusschen Carwende aen deen zyde ende den
herwech aen dander zyde. Item op een stuck eeussels houdende omtrent
een half buender, gelegen aldaer by tvoirgenoemde Carbenblock tusschen de
strate aldaer aen deen zyde ende tselve Barblenblock aen dander zyde
streckende metten eenen eynde totter beken aldaer. Item op een
den
stuc lants oft eeussels geheeten Barblenbloc voirnoemde omtrent twee
buenderen houdenst:t; gelegen aldaer byde voirscreven meyde, tusschen de selve
Muyde aen deen zyde ende Jans vanden Cloete erve aen dander zyde
Item op een stuc lants houdende omtrent een vierendeel gelegen
aldaer op Grootvelt tusschen de helft wynninge vanden kynderen Schoof
#
aen deen zyde ende wylen Willems van Bost erve aen dander zyde
streckende metten eenen eynde totten lande dat Henricken watter
toebehoerde. Item op een stuc lants houdende omtrent seven
vierendeel gelegen aldaer opt voirscreven Grootvelt tusschen Willem
Schoofs erve helft woeninge aen beyde zyden streckende metten
eenen eynde tot Wouter Moens erve. Item op een stuc lants
houdende omtrent zeven vierendeel geheeten tVitsenblock gelegen
aldaer byden Heerwech, tusschen Peters de Weend erve aen deen
zyde ende de achterste strate aen dander zyde. Item op een stuck
lants houdende omtrent een half buender gelegen aldaer op
Muysendervelt tusschen des goidshuys van Muysene erve aen
deen zyde ende eenen wech aldaer aen dander zyde streckende
metten eenen eynde tot des voirscreven Willem Schoofs erve, Op
Sesse scellinge groten Brabants gelts ende op thien st:t; Ryns
gulden erffelic daeraf deen helft brueder Jan Adriaens religieus
int goidshuys van Hanswyc ende dander helft de voirscreven zuster
Margriete opte voirscreven goeden hebben, Ende voort opte
en helft van eenen halven ponden ouder groten Turnoyse
ten live van Wouteren vanden Eechoven, Sesse Peters ten live
van brueder somme den Hont religieux int cloester buyten doven
thien Rynsgulden, ten live van brueder Daneel Storm Religieus
int goidshuys van Sinte Bernaerts ende Sesse veertelen Roo Mechelscher
maten ten live van Clase vanden ackere daer jaerlix voir vutgaende
Item op haer huys metten hove gronde gelegen inden
Snyeuwenbruel tusschen Dierick Adriaens erve aen deen zyde
ende Henric Bliecx erve aen dander zyde, op vier Rynsgulden
ende Sesse Peter vander munten etcetera daer jaerlix voir vutgaende
Item op alle haer recht ende deel dat sy hebben met twee
huysen metten plaetsen gronde gelegen deen neven dander
inde Tweede Vleeschouwerstrate tusschen der kynderen van wylen
Pauwels Bernaerts erve aen deen zyde ende der weduen van
wylen Henric Gommaers erve aen dander zyde Ende van eender
banck die ter cavelingen staet int vleeschuys van Mechelen
Ende van eenen huyse metten hove schueren lande groten ouden
gelegen buyten de Aedegempoorte tot Oudeghem aen beyden
zyden aengescreve. A Domino Mechliniensi, Waranderende etcetera.
III XX
Gieles Martens
Schooff, Bossche. Gielis Martens, heeft opgedragen syn tocht die
hy hadde in een huys metten hove gronde houdende omtrent een vierendeel
gelegen te Gheerdegeem inde Gheerdegemstrate tusschen Wouters van
Schelle erve aen deen zyde ende wylen Wouter Robbyns erve aen dander
zyde, Ende in een stuc lants metten gronde houdende omtrent een
vierendeel gelegen te Muysene opte Werfheyde tusschen des huys
vander Ziekerliede erve aen deen zyde ende Peter Stocmans diemen
heet inde Mane erve aen dander zyde. A Domino Mechliniensi, Waranderende etcetera tot behoef
van brueder Janne Mertens synen sone professe int goidshuys vanden
Augustinen te Mechelen, die inne goedenst:t; gegoedt, Ende daer naer
heeft de selve brueder Jan by consente ende bywesene van brueder
Ghorys vanden Berge Sinxor des voirscreven goidshuys vercocht den
voirscreven Gielissen Martens synen vader, tvoirscreven huys metten hove ende
oic tvoirscreven stuc lants metten gronde, Waranderende etcetera
VI octobris