Blader door transcripties » Stadsarchief Mechelen

archieftoegang 2, inventarisnummer 938, pagina 144

Marie Ghysels
Bosch ende Jan van Postele, heeft opten dach van heden voir
ons geapprobeert geratificeert ende van weerden gehouden
alsulken quitancie als Katheline van Postele syn zuster
inden name van allen haeren mede erfgenamen opten negenden
dach van desen tegewordiger maend van Meye gegeven heeft
Marien Ghysels wedue wylen Jans van Postele vanden haeffelike
goeden die haer ende haeren medeerfgenamen by desselfs
wylen Jans van Posteele haers oems doot toecomen ende verstorven
waren, Ende heeft daer toe de voirscreven Jan van Postele gelooft
voir hem ende syne nacomelinge dat hy ten eeuwigen daigen
de selve quitancie van weerden houden sal ende daer tegenst:t;
meervoir goet vast gestentich ende van weerden houden sal
noch
ende dat zy der voirscreven synder zuster oft oic der weduen van Posteele de
voir gheen ende gerechte gheestelic oft wel
daer binne anderen oft aen veken ende sal in gheenderhande name
alle argelist vutgescheyden
XIIIa may
Otte ende Willem ende
deselve
ende de langhstlevende
ende naer syn doot den
van hen beyden leven sal
selven natuerlike
kynderen
Bege, Ghoeten. Jan de Bruyne Willems sone, woenende tot Conticke
heeft gelooft ongevrydt naer der divisen recht Te leveren
altyt opten yersten dair van de
ende tot Mechelen te betalen, Willeme den Lepelmaker dien
heet inden Ezel alsoe lange als hy levens ende synderst:t;
Ottens den Lepelmaker, diemen heet ander ze endest:t; natuerlike
sone daer moeder af in Katheline Hondermans ende wille
den Lepelmaker alias Inden Ezel oic de voirscreven Willeme
leven
natuerlic sone, daer moeder af datheline Lauwaerts als
Sesse veertelen Rop goede ende custbaere Mechelscher maten
als de voirscreven wylen Jan de Bruyne, den voirscreven Willeme
tot behoef van synen voirscreven kynderen ende ten langhstlevende
live van hen beyden, op zekere syne goeden tot Conticke
gelegen vercocht ende bewesen heeft naer vutwysen
van eenen scepenen brieve van Conticke daer op gemaect
sonder eenich wederseggen
XI may
Brechts
Lambrecht Ghys
Gestelle, Mol. Lysbeth vanden Eynde wylen Henricx vanden Eynde
dochter met Janne Snyders haeren man heeft vercocht op
Lembrecht Ghysbrechts alle alsulken erffelike goeden
ende bynnen der stad ende vryheit van Mechelen wesende ende
gelegen, als haer byder doot van wylen Janne vanden Eynde
haeren oem in eeniger manieren toecomen ende verstorven syn
de Domino Mechliniensi, Waranderende. Ende daer toe heeft de voirscreven
Lysbeth met haeren voirscreven man, Quytgeschonden los
vry ende ledich den voirscreven Lembrechte van allen den
haeffeliken goeden die haer byder doot vanden voirscreven
willen Janne vanden Eynde in eeniger manieren oic
toecomen ende verstorven mogen syn, geheelic ende
al
Xa may
Cornelis van Reynen
Heelt, Baerdegeem, Meester Jan vander Straten, heeft terve gegeven
Cornelisen van Resegen, Een huys metten hove gronde
ende oic met eender heymeliker vuten streckende onder derve
van Jorysen Yswyn ende oic metten gronde, gelegen inde
Drapstrate, tusschen wylen Aerd van Beringen erve, aen
deen zyde ende Laureys Diericx erve aen dander zyde
A Domino Margariete de haer Te besittene, op eenen erffelike
chys van twee gouden Peters vander munten goede etcetera te
wetene XXXVI groten Vlaems gelts voir elken der selver Peters
gerekent, Te heffene deen helft te Kersmisse ende dander
helft tot Sint Jansmisse, Ende opten voirchys van thien
scellinge Lovens twee capuynen ende vier chysgulden
daer vutgaende
Party tempore simile
Jan vander Straten
Item. De voirscreven Cornelis van Resegen heeft opgedragenst:t;
tot inden name van hem selven ende oic inden name
van Dignen van Reseggen synder dochter infra annos etcetera die
hy in hen verving, heeft opgedragen tot behoef vanden voirscreven
Meester Janne vander Straten, twee chysgulden erffelic chys
die de voirscreven Cornelis hadde op een huys metten gronde
toebehoerende den kynderen van wylen Janne Borreman, gelegen
opte Dele tusschen Willem Rape erve ende Machiel de Man erve
A Domino Petro de Heys milite, Ende eenen chysgulden erffelic
chys die de voirscreven Digne van Resegen hadde op een huyse
metten hove gronde toebehoerende der weduen wylen Jans
van Pingele, gelegen in Onser Vrouwenstrate opten hoeck
vanden Brabantstraetken, tusschen tselve aen deen zyde
ende Gielis vanden Bloke erve aen dander zyde. A Johanne de
Oeyenbrugge, Waranderende etcetera
ut supra