Blader door transcripties » Stadsarchief Mechelen

archieftoegang 2, inventarisnummer 938, pagina 143

Marie Ghysels
wylen
byder doot vanden selven Janne van Posteele haeren oem ende der
voirscreven weduen man doen hy leefde in eeniger manieren verstorven
mogen syn, Ende daertoe heeft de voirscreven Katheline metst:t;
haeren voirscreven man gelooft de voirscreven weduen tegen alle
de ghene die hen der selve haer vut saken van sevenst:t;
Ende hebben daer toe de voirscreven Peter vander Hoeven ende
Katheline syn wyf gelooft ende elc van hen besunder ende
voir al der voirscreven weduen tegen alle de ghene die hem
souden mogen seggen naerder erfgenamen te wesen van
des voirscreven Jans van Postele goeden voirscreven, dan zy altyt
scadeloes quyt te houdende ende tontlastene ende oic ten
vermanen vander selver weduen te comen int Brabant
daer haer goeden gelegen syn ende de selve goeden voir den
selver weduen in meerder zekerheiden van dier geloften
te verbindene, sonder eenich wederseggen, Om welke gelost
alsoe tonderhouden ende te voldoene, hebben de voirscreven Peter ende
Katheline syn wyf der selver weduen verbonden ende daervoir te
pande geset alle haere haeffelike ende erffelicx goeden metten gronde etcetera
bynnen gelegen, presenta et futura.
IX may tempore simile
ende syn wyf
Jans vander Donct
gesceyden Jan van Stakenbroeck wylen Jans sone van Stakenbroeck
heeft terve gegeven Janne vander Donct ende Lysbetten Hyllens
synen wive de helft van twee huysen oft cameren metten hove
gronde gelyc hem die byder doot van wylen Geertruyden van
Stakenbroeck synder moeyen toecomen ende verstorven is, gelegen
buyten Sinte Kathelinen poorte inde Vingebeecstrate, tusschen
Jan Zegers erve aen deen zyde ende Kathelinen vanden Welke
erve aen dander zyde. A monialibus, Waranderende. Op Te besitten
op eenen erffeliken chys van eenen gouden Rynsgulden goet
te wetene XL groten Vlaems gelts voir dien gerekent, Te heffene
altyt tot Sint Jansmisse daer af den yersten termyn van betalingen
syn sal van Sint Jansmisse naestcomende over een jaer daer naer
volgende, Ende opten voirchys vander weerde van negen scellinge
grote Brabants gelts vuten voirscreven geheelen twee huysen oft camme
metten hoven jaerlix gaende, met conde dat de voirscreven man ende wyf
den voirscreven Rynsgulden des voirscreven chys zelen mogen quyten altyt
als hem dat gelieven sal met vyfthiene der geliker Ryns
gulden met vollen chyse daer voir te betalen
Assignavit Peters eens
X may
Jan vanden Weerde
Aa, Mol. Lucas Muyl ende Jan Lauwaerts van svaders wegen
ende Henric vander Hoeven ende Jan de Meyere vander moeder
wegen, als momboiren ende inden name van Janne ende Lysbetten
Muyls wylen Jacop Muyls kynderen infra annos die sy in
hen vervingen, hebben vercocht Janne vander Weerde ende
twee huysen metten hove gronde gelegen op Neckerspoele
inde Rechte strate tusschen des voirscreven Jans vanden Weerde
erve aen deen zyde ende der voirscreven kynderen erve aen
dander zyde. A Domino Mechliniensi, Waranderende. Op veerthien scellinge ende
Sesse penninge Lovens daer vutgaende
Assignavit XXXVI Rinsgulden
XIII may
Steven Gheerds
Bosch es, Cornelis Pauwels, heeft vercocht Steven Gheerde
drie huysen metten plaetsen gronde etcetera geheeten deen
Scipstoel gelegen deen neven dander inde Corte Byest opten
hoeck vander selver Byest ende achter tconvent van Onser
Vrouwen brueders tusschen de voirscreven Corte Byest aen deen
zyde ende der ambachte erve vanden droechscheerders
aen dander zyde, Ende eenen hof metten gronde gelegen
aldaer tegen over tusschen Jans de Clere erve aen deen
zyde ende Peter de de Jan Laureys erve aen dander
zyde. A beneficiaten de Zellaer, Waranderende. Opte weerde van
negen gouden Peters vander munten etcet goede oft de
weerde de voire, daer vutgaende
XIamay
Ymbrecht van
jaerdynen ende syn
wyf
Item. De voirscreven Steven Gheerds heeft vercocht Hubrechten
van Aerdenen ende Kathelinen van Mesvoerde synen wive, de
voirscreven drie huysen metter plaetsen ende oic den voirscreven hof metten
gronde, A beneficiaten de Zellaer, Waranderende. Opte weerde van
negen gouden Peters vander munten etcetera oft de weerde daervoer
daer jaerlix vutgaende
ut supra
Steven Gheerds
Bossche wegen Jan van Sessest:t; de voirscreven Hubrecht ende syn wyf
dit den voirscreven Stevene, Gheerde vierentwintich gouden Rynsgulden
goede etcetera te wetene XL groten Vlaems gelts voir elken der selve
Rynsgulden gerekent Te betalene deen helft daeraf tot
Kersmisse naestcomende ende dander helft tot Sint Jansmisse daer
naer volgende, Ende hier voir hebben sy verbonden alle haer
haeffelike goeden, Ende sunderlinge haer drie huysen ende der
hof boven genoemt. A Domino Mechliniensi,
selven ende et prima de gelaten
priete Sceppus uxor
de
Ut supra tempore simile