Blader door transcripties » Stadsarchief Mechelen

archieftoegang 2, inventarisnummer 938, pagina 145

Jan vander Hoeven
ende syn suster
Baerden Bossche Sebastiaen vanden Gouberge wylen Wouters sone
vanden Gouberge, heeft vercocht Janne vander Hoeven tot synen
ende jouffrou Kathelinen vander Hoeven beghinen synder zuster
behoef, de helft van eenen stuc bempts houdende int geheele
omtrent een buender gelegen te Heffene byden Amerdyck
tusschen Meester Jans de Cuypere erve aen deen zyde ende
jouffrou Kathelinen sWouten ende der kynderen van wylen Peters
van Waerloes erve aen dander zyde. A Domino Mechliniensi, Waranderende. Op eenen
Turnoysen vuten voirscreven geheelen stuc bempts jaerlix gaende
XXI may
Meeter Jan van Bost
ende syn wyf
Begen Ghoeten. Jan vander cammen cleermaker endest:t; Jan vander
cammere syn soon, Ende Rycaert inde Mane, by bywesene ende
volcomen consente van heer Janne de Ka priester, ende Everaerde
de Katlyne synen vader haeren vrieden ende magen, aldaer voer
hebben
tegen wesen Quytgesconden los vry ende ledich, Meester
Janne van Vost ende jouffrou Lysbetten van Heffene wylen
Jacops van Heffene wettige dochter synder huysvrouwen van
allen alsulke haeffeliken ende erffelicx goeden, hoe dat die genoemt
syn ende tot wat plaetsen, oft onder wat heerlicheyden, alsoe
wel bynnen der stad ende vryheyt van Mechelen, als daer
ende buyten, die gelegen syn, als henlieden byder doot van
wylen Vrancken van Heffene, der voerscreven wylen Jacops vader
in eeniger manieren toecomen ende verstorven mogen syn ende oic
van allen alsulken sommen van penningen, als henlieden byden
voirgenoemde wylen Jacoppen van Heffene haeren oem, tanderen tyden
met synen testamente gemaect ende gelaten mogen syn, Ende daer
soe hebben de selve quytschilder gelooft, dat sy ten versuecken
des voirscreven Meester Jans syns wyfs ende oic haerer nacomelingen
comen zelen voir heeren ende wel daer de selve goeden gelegen
veerthien ende vutgaende, sonder argelist
mogen syn, ende dier aldaer tot haer heden behoef metten rechte
Jan vander Cammen
ende Rycaert inde
Marie
Item. De selve Meester Jan ende syn wyf over den
selven quytscilden, Twintich gouden Rynsgulden goede etcetera
te wetene veertich groten Vlaems gelts voir elken van
dien gerekent, Te betalene de viere daeraf tot
Sint Jansmisse naestcomende ende soe voertaen telken
Sint Jansmisse alsdan deen naer dander vervolgende vier
der selver gulden daer ende volgen have ende erve
XXII
XXII
Cornelis vander
Rogien
Heelt, Gestelle. Jan van Coelem heeft vercocht Cornelisen vander Rogien
Willemssone, Een huys metten hove gronde etcetera dat wylen Daneelen
van Coelen des voirscreven Jans brueder toe plach te hoiren, ende dat hy
nu den voirscreven Janne byder doot vanden selven wylen Daneelen toecomen
ende verstorven es, gelegen inde Jeudestrate tusschen Jan Stappaerts
der onder erve aen deen zyde ende Rommond vanden Broeke
erve aen dander zyde, A conventu de Lelyendale, Waranderende. Opte weerde
van negen scellinge grote Brabants gelts daer vutgaende
Behoudelic dien gater min vute dat sal den voirscreven coeper
te baten comen
Assignavit XII Peters
XXVI may
Willem vanden Loge
Meester Gielis Boykens van svaders wegen ende Peter
Steenhout vander moeder wegen, als momboiren ende inden
name van Cornelisen vander Rogien Willemssone infra annos
dien sy by consente ende by wesene vanden selven Cornelisen
in hen vutgene, Ende hebben quytgeschonden los vry ende ledich
den voirscreven Willeme vander Rogien, desselfs Cornelis vader van
allen den haeffelike goeden die hem byder doot van wylen
Magdalenen vanden Moertgate, synder moeder ende die des
voirscreven Willems wyfs was doen sy leefde, in eeniger manieren
toecomen ende verstorven mogen syn geheelic ende al
ut supra tempore simile
Lodewyc van
Heyst
Heelt, Mol. Henrick vanden Watere ende Vrouwen
van Hasselt woende tot Londerssele, hebben gelooft ende elck
van hen by sinden ende voer al, ongevrydt naer der
divisen recht te geven ende te betalen Loyc van Heyst, oft
den bringer des briefs, Twee vyftich croenen ende
daeraf
vier stuvers, elke croene tot achtenveertich groten Vlaems
gerekent Te betalene,st:t; tot Lichtmisse naestcomende, sonder
eenich wederseggen
XXVIIa may
Item Jan Willem
de Lepelmakers
vercocht
Gestele vaerden Henrick Eynaerts alias Hoeckaert heeft Willeme de
Lepelmakere alias Inden Ezel tot behoef ende ten live van Otten
ende Willeme de Lepelmakere synen natuerliken kynderen een
ten langhstlevenden live van hen beyden drie veertelen Rogs
te wetene elke veertele daeraf op eenen groten Brabants ende bescreven
goede etcetera Mechelscher maten, lyfpachts Te leveren deen
yersten
helft daeraf opten XX XXsten dach van Novembry ende
yersten
dander helft opten XXIIIst:t; dach van meye, Op ende aen des
voirscreven Henricx stuc van beempts metten gronde houdende omtrent
drie vierendeel gelegen te Heffene inde Elst, tusschen Jans de
Cale erve, aen deen zyde ende Jan Bogaerts erve aen dander zyde
A Domino Mechliniensi, Waranderende. Op eenen scelling Lovens daer voir vutgaende
beyde willen etcetera levabit et inde disponet, ende naer syn doot
saelt de voirscreven Otten alleene heffene
VIIa Juny