Blader door transcripties » Stadsarchief Mechelen

archieftoegang 2, inventarisnummer 938, pagina 142

Margriete tSas
ende Jan van Heysbos
Haerdeghe, Ghoeten. Peter van Muysene heeft vercocht Margrieten tSas
wedue wylen Jans van Heysbosch, als tot haerer tocht endest:t;
behoef, als tot haerer tocht ende tot behoef van Janne van
Heysbosch haeren sone, als tot synder erffelicheit, Een huys
metten hove gronde, dat wylen Henricken van Elsselaer toe
plach te hoiren, gelegen inde Aedegemstrate tusschen Jan
wylen Jans sBorgers kynder erve, aen deen zyde ende des
goidshuys erve van Dielegeem aen dander zyde. A Domino Mechliniensi, Waranderende.
opte weerde van vyfthien scellinge grote Brabants gelts
daer vutgaende
Assignavit XIIII Rinsgulden
VII may tempore simile
Claes vanden
Rode
Aa, Heelt, Claes vanden Rode, Claes sone vanden Rode, inden name
van hem selven, ende oic deselve Claes de soe Jan ende Willem sDekens
gebruederen van svaders wegen, ende de voirscreven Claes vanden Rode, de sone vander
moeder wegen, als momboiren ende inden name van Anthonise sDekene
Peter sDekens ende wylen Lysbetten vanden Rode syns wyfs dochter syn
infra annos etcetera die sy by consente van ende bywesene vanden selven Peteren
sDekens den vader in hen vervingen, Ende hebben quytgeschonden los
vry ende ledich, den voirscreven Claese vanden Rode, den vader van allen den
haeffeliken goeden die den voirscreven Claes den sone ende Anthonise sDekens
byder doot van wylen Jehannen van Eyke des voirscreven Claes des soene
moeder ende des voirscreven Anthonis oudermoeder ende desselfs Claes vanden
Rode des vaders wyf doen zy leefde, in eeniger manieren verstorven
mach syn
VI tempore simile
Henrick de
Kempenere
Gestelle, Bossche. Jan vanden Rode, Peters sone vanden Rode, inden name van
suster de la
hem selven, Ende oic de selve Jan ende Janne Lange van svaders wegen
ende Jan de He Jan de Lange ende Willem Campioen Willeme sone
vander moeder wegen, als momboiren ende inden name van Marten
ende Annen vanden Rode oic des voirscreven Peters kynderen infra anno
die sy in hen vervingen, hebben terve gegeven Henrickende
Kempenere, Een huys metten hove gronde gelegen inde
Bruesselstrate tusschen Kerstiaen Gheerds erve aen deen zyde
ende Jan Puttaerts erve aen dander zyde. A Domin Katlyne
vanden Huffle, Te besittene op eene erffeliken chys van vier
gouden Peters vander munten goede etcetera te wetene XXXVI
groten Vlaems gelts voir elken der selver Peters gerekent, Te heft
altyt tot Sint Jansmisse daer af den yersten termyn van betalingen
syn sal van Sint Jansmisse naestcomende over een jaer daer nae
volgende, Ende opten voirchys van negen scellinge Lovens ende
drie capuynen daer vutgaende, met alsulker condicien
dat de voirscreven Henric de Kempenere, de voirscreven vier Peters
des voirscreven chys sal mogen quyten altyt als hem dat gelieven
sal, Te wetene met twee Peters tsmaels ende niet min
ende elken Peter daeraf met zesthiene der gelike Peters
eens met vollen chys daer voer te betalene
Assignavit X Peters stuvers VI denier
IX may tempore simile
Jacop Loot
van
Gestelle, Bossche. Jan Couwelaer, heeft vercocht Jacoppen Loot, de helft
van eenen huyse metten hove gronde, daer af dander helft den
selven Jacoppen toebehoert gelegen inde Kerchofstrate opten
hoeck vander Peperstrate tusschen de selve Peperstrate aen
deen zyde ende Jan Siekens erve aen dander zyde
streckende achterweerts tot aen Willems van ae
Gillegeem erve. A Johannes de Muysene filio, Marie ende Waranderende.
eenen chijsgulden
op vier scellinge ende twee penninge Lovens erfflic ende negen
scellinge ende sesse penninge groten Brabants gelts lyftochten
vuten voirscreven geheelen huyse metten hove jaerlix gaende
supra tempore simile
Anthonis Hasaer
priester
Joos van Scotteputte sone wylenst:t;
Heelt, Gestelle, Joes Daems wylen Pauwels Daems sone, heeft
opgedragen tot behoef van heer Jannest:t; Anthonise Hasaerts priester
Een huys metter plaetsen gronde dat Wouteren vander Eyken
toe plach te hoiren, gelegen inde Keyserstrate tusschen Jan
Gielevoort erve aen deen zyde ende Claes de Dryvere erve
aen dander zyde, gelyc ende inder manieren, Jehanne van Scotteputte
weduwe wylen des voirscreven ve endest:t; Pauwels ende des voirscreven Joes
moeder ge tselve huys metter plaetsen tanderen tyden voir
achterstelligen chys die de selve Joes daerop heeft wettelic
vutgewonnen ende verreyct heeft. A Domino Mechliniensi, Waranderende etcetera Behoudelic
den voirscreven Joes Daems synen voirscreven chyse ende allen anderen dier voer
chys op hebben
IX marty tempore simile
Marie Ghysels
de
Heelt, Gestelle, Katheline en wylen Peter van Postelle, met Peteren
vander Hoeven haeren man heeft quytgeschondest:t; inden name van
haeren
haer selven ende oic inden name van allen den anderen der mede
na
erfgenamen soude willen syn vanden voirscreven Peter van Posteelest:t;
die sy in haer vervangen heeft, Ende heeft quytgeschonden los
vry ende ledich, Marien Ghysels weduwe wylen des voirscreven Janne
van Postele van allen den haeffelike goeden die de voirscreven Katheline