Blader door transcripties » Stadsarchief Mechelen

archieftoegang 2, inventarisnummer 938, pagina 141

Jan Moens
Hoye, Bossche. Katheline sWalen, wylen Gielis dochter
met Janne vander Monicke haeren man, heeft vercocht
Janne Moens Zaghere, Een huys metten hove gronde etcetera
gelegen inde dest:t; buyten de Aedegempoorte inde
Rechtestrate tusschen vorweerden Beckere erve aen
deen zyde ende Willems de Coninck erve, aen dander
zyde. A Domino Mechliniensi, Waranderende. Op zesthien groten Brabants gelts ende acht
scellinge payments daer jaerlicx gaende
XXVII aprilis
Aerde Mathys
Heelt, Wyere. Jan Schoof, doude ende Bartelmeus
vanden Bossche, als proviseurs ende inden name vanden
huyse vanden Ziekenlieden by deser stad gelegen, Ende
hebben om des meeste orboirs ende prouffyts wille
vanden selven, opgedragen ende overgegeven, tot behoef
van Aerde Mathys
van Janne van Laken, wylen Gielisst:t; Twee huysen
metten hove gronde etcetera gelegen die Janne de Cuypere
Vleeschouwere toe plagen te hoiren, gelegen deen neven dandere inden
desselfs
Vettersham, tusschen Aert Mathys erve aen deen zyde
de poorte
ende Gommaerts erve, aen dander zyde, die de voirscreven
als rentmeester ende
Jan Vlemings, tot desselfs huys vanden Ziekenlieden
behoef voir achterstelligen chys die tselve huys daer
op heeft wettelic vutgewonnen ende verreyct heeft. A Domino Mechliniensi,
Waranderende. Behoudelic den selven huyse hueren chyse
XXVII aprilis
Jan vander Eyken
Baerdegeem, Mol. Aert ende Anthonis vander Eyken
Jans vander Eyken kynderen, hebben quytgesconden los
van ende ledich den voerscreven Janne vander Eyken haeren
vader van allen alsulke haeffeliken goeden, als den
selven kynderen byder doot van wylen Lysbetten Smeets
haerlieder moeder, die des Jans vander Eyken wyf
was doen sy leefde in eeniger manieren verstorven
mogen syn
XXVIII aprilis
Henrick Kelderman
Mol, Ghooten. Margriete vanden Dycke, wedue
wylen Claes sprouck, diemen heet de Zaghere heeft
opgedragen met eenen momboir, heeft opgedragen
haer tocht die sy hadde in een huys metten hove
gronde gelegen op Neckerspoele inde Beghynenstrate
tusschen Jan Lyntermans erve aen deen zyde ende
de
Wouter Goemans erve aen dander zyde. A Domino Willest:t;
de meerdest:t; juravit etcetera tot behoef van Diericken Sprouck
haeren soon, dier yerst inne gegoet was, Ende daer
naer soe heeft de selve Dierick prouck bekent dat hy
wettelic vercocht heeft, Henricken Kelderman t cleermaker
tvoergenoemde huys metten hove gronde etcetera boven gescreven, waranderende.
Op neghen scellinge ende neghen penningen Lovens, daer
jaerlicx gaende
III marty
Thuyne Lepels
Bossche, Ghooten, Machtilt van Waes wylen Lembrechts soon dochter, cum tutore
heeft vercocht Thommen Lepels weduwe wylen Jan Boydens, de
helft van eenen huyse metten hove gronde, daer af dander
helft der voirscreven weduen ende haeren kynderen toebehoert gelegen
met Peerdestraetken, tusschen des Heylichs Gheests erve van
Sint Jans te Mechelen aen deen zyde ende Jans int Hood
erve aen dander zyde. A Domino Mechliniensi, Waranderende. Opte weerdest:t;st:t; weerde
van veerthien scellinge Lovens ende twintich scellinge paymente
vuten geheelen huyse metten hove jaerlix gaende
Assignavit V Peters
X may
Mathys allen
heer die byder doot van
wylen Robbrechten Blocx
toecomen ende verstorven
Heelt, Bossche Gheerdt Boschman, Jan vanden Cruyde Gielis
vanden Damme ende Daneel Voene, hebben vercocht Mathyse
allen, de helft van twee huysen metten hove gronde gelyc
gelegen inden Ouden Bruel, tusschen Jans vanden Eynde
erve aen deen zyde ende der weduen wylen Cristoffele
Fransmans erve aen dander zyde streckende achterweerts
totten vliete toe van welken twee huysen dander helft
den voirscreven Mathysen toebehoert. A Domino Mechliniensi, Waranderende. Op veerthien
twee
scellinge Lovens vuten voirscreven geheelen huyse metten hove
jaerlix gaende
Assignavit X Rinsgulden
VI may tempore simile