Blader door transcripties » Stadsarchief Mechelen

archieftoegang 2, inventarisnummer 951, pagina 9

Jan Vrients
Borch, Keyenooghe. Jan vander Eyken priester als rentmeester ende
inden name vanden goidshuyse van Nazareth buyten der stad van
Lyere gelegen, hebbende vander abdissen ende gemeynen convente des
selfs goidshuys, om tgene te doen, dat hier na bescreven staet volcomen
macht gelyc ons dat by eender procuracien daer op gemaect ende
bezegelt met haeren gemeynen zegel claerlic bleke, heeft opgedragen
ende overgegeven, tot behoef van Jan Vrients, Een huys metten
hove gronde etcetera dat wylen Janne Verzel toe plach te hoeren
gelegen inde Scermerstrate in Sinte Kathelinen prochie, tusschen der
taflen des Heylich Geests van Sinte Peters prochie kerken erve aen
deen zyde ende der weduen ende kynderen erve van wylen Peteren
Luycx aen dander zyde comende achter totten water in alle
der manieren, als de voerscreven heer Jan vander Eyken tot des voerscreven
goidshuys behoef, tvoergenoemde huys metten hove voer achterstelligen
chys, die tselve goidshuys daerop heeft, wettelic vutgewonnen
ende verreyct heeft. A Domino Mechliniensi, Waranderende. Behoudelic den voerscreven goidshuys
synen voirscreven chyse ende allen anderen dier voer ende nachys op hebben
XX aprilis tempore simile
Joes Bellens
Borch, Dyest. Jan Bellens heeft vercocht Joes Bellens men
soon, Een huys metten hove gronde etcetera dat Jan Pagie diemen heet
de Kemmene, toe plach te hoeren, gelegen inde Vooghstrate tusschen
desselfs Jan Pagie erve aen deen zyde ende Magrieten van
Pollaer erve aen dander zyde, streckende achterweerts tot des voerscreven
Jan Pagie hof, in alle der vuegen ende manieren, Alsoe de selve Jan
Papest:t;dest:t; dat tegen den selven Jan Pagie tanderen tyden
gecocht ende gecregen heeft. A Domino Mechliniensi, Waranderende. Op tweendertich scellinge
Loevens erffelic ende op vyftien scellinge groote Brabants geleyt
jaerliker lyfrenten staende ten live van Aelbrecht van Hamstel
ende van synder huysvrouwen ende tot des langhstlevenden live van
hen beyden, daer jaerlix vutgaende, Ende op alsulken last dat
tselve vercochte huyse, onderpant is voer drie scellinge vier
penninge ende eenen halven, der voerscreven grooten gaende jaerlix vut
des voerscreven Jan Pagien huyse voirscreven naest den selven vercochten
huyse gelegen, met alsulker condicien ende onderspreke, dat de voerscreven
Jan Bellens ende Katheline vander Beke syn wyf de voerscreven Joes Bellens
vader ende moeder zelen met moegen, op dat sy willen
ende daer vuyt ende inne gaen haere geheeten
bliven woenen, metten selven Joes haeren soon int voerscreven
syn huys alsoe lange als zy ende de langhstlevende van hen beyden
leven zelen, sonder desselfs haers soens wederseggen
Assignavit XX Peters
XXII aprilis tempore simile
met Henrick
Myleman nute
tyt haeren man
Katheline Mersselys, wedue van wylen Willem
Verspeckenen st:t; heeft opgedragen haer tocht, die sy hadde
in dachtstedeel van Eenen huyse metten hove ende twee cameren
ende oic metten gronde etcetera gelegen inde Penningstrate tusschen Aerts
Corte
vanden Hoede erve aen deen zyde ende Daneel Dregge erve aen
dander zyde, streckende achterweerts metten voerscreven hove, totter kynderen
erve van wylen Godevaert Yswyn. A Domino Mechliniensi, juravit etcetera tot behoef van
broeder
Willem Verspeckenen, te haeren soon, tot wiens behoef, Cornelis
Verspeckene ^ waert ierst gegoedt ende geerft, Ende daer naer
Post tot
Sint
heeft de selve Cornelis inden name vanden voerscreven Willem
Verspeckenen synen broeder, absent wesende, die hy in hem vernueght
hebbende vanden selven synen broeder om tgene te doen, dat hier
naer bescreven staet volcomen macht gelyc ons dat by eender
procuracien daer op gemaect ende bezegelt metten zegel ten
zaken der voerscreven stad, claerlic bleke, vercocht, den voergenoemde Aerde
vanden Hoede, tvoergenoemde achtstedeel vanden voerscreven huyse met
synen voerscreven toebehoerten, Waranderende opten chys ende commer daer jaerlicx
vutgaende
Item. De voergenoemde Aert vanden Hoede, debet der voerscreven Katheline
Mersseels der weduen drie pond veerthien scellinge groote
Brabants gelts Te betalen totten twee termynen hierna volgende de
wetene deen helft daeraf tot Spen naestcomende, Ende dander
helft tot Kersmisse daer naer terstont volgende, Ende daervoer
heeft hy haer verbonden ende te pande geset, alle sine haeffelike
goeden, waer die bevonden zelen worden, Ende oic alle syne
erffelike goeden metten gronde etcetera bynnen etcetera gelegen
was met eenen
haeren man dorcieert
vremden momboir
Gielis vander Hulst
die van Jan Bevoirtssoon
Hulst, Keyenoege, Agneese Jacoppen dochter, by bywesene ende eenst:t;
consente van Jan Eerwoutssoon haeren man heeft vercocht
Gielis vander Hulst, drie gouden Rynsgulden, elken van dien
tot veertich groten Vlaems gelts gerekent erffelix chys
Te heffene altyt opten jersten dach van meye vutgecomen
den jersten dach van meye, nu naestcomende, Op ende aen
der voerscreven Agneesen huys metten gronde etcetera geheeten deen
groeten voirten Osse gelegen inde Scipstrate achter thuys den
Loort geheeten, tusschen thuys den Cleynen Bonten Osse geheeten
toehoerende meester Jan vanden Broeke aen deen zyde ende
thuys geheeten den Regenboghe, toehoerende der weduen ende
kynderen van wylen Rommond vanden Steene, diemen heet Quaeyvoer
aen dander zyde, Ende op haer huys metten hove gronde etcetera
gelegen inde voerscreven Scipstrate opten hoeck vander Corter Scepstrate
tusschen de selve Corte Scipstrate aen deen zyde ende Lysbetten vanden
elke huyse aen dander zyde. A Domino Mechliniensi, Waranderende. Opte weerde van
Achtentwintich grooten Brabants gelts vuten voerscreven huyse den
groeten Bonten Osse, Ende op drie gouden Peters elken van
dien tot vier scellinge ende sesse penningen der voerscreven groeten vuten
voerscreven anderen huyse metten hove jaerlix voer vutgaende
Ende tot desen heeft de voerscreven Jan Eewontssoon, sonder vendicie
nochtan vander voerscreven mocien vut sitten eygenen wille syn
consent gegeven
XXVI aprilis tempore simile
Testam Magrieten Baers
Lange, Hulst. Margriete Baers wylen Jan Baers dochter, heeft
gewilt ende openbaerlic voer ons voer haeren vutersten wille
geordineert, dat Kathelinest:t; oft gebeurde byden wille goede dat sy
storve sonder wettich hoir van haeren live gecomen achter
haer te latene, dat alsdan ende in dien gevalle, Katheline, Jehanne
ende Marie Baers haere zusteren met Janne Baers haeren broeder
evengelyck ende in gelyken deele ende porcien hebben houden ende
aenveerden zelen alle haere haeffelike ende erffelike gouden
bynnen der stad ende vryheyt van Mechelen, wesende ende gelegen
die na haer doot boven haer wettige sculden costen van