Blader door transcripties » Stadsarchief Mechelen

archieftoegang 2, inventarisnummer 951, pagina 8

Anno XVIsuper:t; den meester Aprilis
Pascha
Hoeven, Hulst. Jan Hoolmans inden name van Lysbetten Hoolmans
synder dochter, die hy bywesene ende volcomen consente van Gielis
van Muysene endest:t; commoingmeester vander voerscreven stad ende by
ordinancien ende consente van onsen medescepenen in hen vervangen
heeft heeft ver opgedragen ende overgegeven, tot behoef van Jorys
Caluwaert, Twee gouden Peters te wetene sessendertich
groote Vlaems gelts voir elken van dien gerekent erffelic
chys, die de voerscreven Lysbeth Hoolmans hadde, op een hoeve metten
huysen d hoven gronde ende allen anderen haere toebehoerten
die Machiel vanden Bossche toe plach te hoeren, ende die nu de
voerscreven Jorys Caluwaerts toebehoert gelegen tot Battele inde
Heysbroecstrate gele Ende op zekere andere parcheelen van eenen
metten gronde ende haere toebehoerten, die oic den voerscreven Machielen
toeplagen te hoeren ende nu oic toehoeren, den voerscreven Jorys Caluwaert
aldaer oic gelegen, de voerscreven hoeve toebehoeren. A Domino Mechliniensi, Waranderende.
de voerscreven Machiel, tot behoef vanden voerscreven Jorys waerter inne
geerft
Assignavit den denier XVI
pris tempre simile
Hulst, Keyenooghe. Peter souden, welke natuerlic soen van wylen
Peteren souden, heeft vercocht Jorys Consaert, Peteren Crabbe ende
Jacop vander Gheest, als momboren ende tot behoef van Kathelinen
ende Marien Daems wylen Joes Daems wettigen kynderen vier
gouden Rynsguldenen, elken van dien tot veertich grooten Vlaems
gelts gerekent erffelix chys, Te heffene altyt tot twee terminen
Te wetene deen helft daeraf tot Sinte Jansmisse ende dander helft
tot Kersmisse daeraf den jersten termyn van betalingen syn sal tot
Sinte Jansmisse naestcomende, op des voerscreven Peters huys de Gheyte
geheeten, metter plaetsen gronde etcetera gelegen inde Nieuwenbruel
opten hoeck vander jerster Vleeschouwersstraten, tusschen deselve
strate aen deen zyde ende der weduen erve van wylen Janne vander
Voort, aen dander zyde, streckende achterweerts metten voerscreven
plaetsen tot inde voerscreven ierste Vleeschouwersstrate. A Domino Mechliniensi. Op Sesse
chysguldene ende vier gouden Rynsgulden vanden voerscreven pryse
daer jaerlix voir vutgaende
XIX aprilis tempore simile
Item. De voergenoemde Jorys Consaert ende Peter Crabbe van des vaders wegen
ende Jacop vander Gheest vander moeder wegen, als momboeren
ende inden name vander voerscreven Kathelinen ende Marien Daems
onder haere jaeren zy wesen, die sy in hen vervingen, hebben
vercocht Hubrecht van Cortryke, Sesse gouden Rynsguldenen
van te twaelf gouden Rynsguldenen, elken van dien tot veertich
grooten Vlaems gelts gerekent, erffelix chys, die de voerscreven Kathelinen
ende Marie Daems, hebben, Op een huys metten gronde etcetera geheeten
den Pollepel den voerscreven Hubrecht toebehoerende, gelegen inde
zyde ende thuys den Zwane geheeten, toehoerende Lysbetten Caluwaerts
Befferstrate neven de Befferbrugge, tusschen de Mylane aen deen
aen dander zyde. A Domino Mechliniensi, Waranderende etcetera.
Assignavit den denier XVI denier
ut supra
Vissen Meys ende XXVII Smet Pasch
Willem van Halle
Hulst, Cortryke. Henrick van Bavele inden name van hem selven ende oic
inden name van Kathelinen van Bavele, wylen Jans van Barele dochter
die des voerscreven Henricx broeder was doen hy leefde, die hy in hem
vervingh, Claes Staer inden name van Lysbetten van Bavele synen
wive van Laureys Ambrosius ende Lysbeth van Bavele, wylen Jan
van Bavele kynderen, Mathys van Bavele, wylen Jan van Bavele soon
de voerscreven Henrick van Bavele ende Claes Stuer van des vadere
wegen ende Jan Heesmans ende Hubrecht Heesmans syn zoon vander
moeder wegen, als momboren ende inden name van Janne, Henrick
Mathysen, Lysbetten, Kathelinen, Magdaleenen ende Marien van
Bavele, wylen Jans van Bavele kynderen, onder haere jaere
wesende, die sy in hen vervingen, als gerechte ende eenighe erfgenamen
van wylen Kathelinen van Bavele, wettigen wive doen sy leefde
van Willem van Halle, diemen heet de Kemmene, hebben quytgesconden
los vry ende ledich, den selven Willem van Halle, weduere vander
voerscreven wylen Kathelinen van Bavele van allen den haeffeliken
goeden, die hen den voerscreven erfgenamen byder doot vander selver
wylen Kathelynen van Barble, des voerscreven Henrix van Bavele zuster
der voerscreven Kathelinen ende Lysbetten van Bavele ende der voerscreven Jans
des voerscreven hen
Laureys Ambrosius ende Lysbetten van Bavele, moeye ende der voerscreven
Seven kynderen van Bavele, oude moeye, doen sy leefde in
eeniger manieren, gebleven ende verstorven moegen syn ende alle andere
dies quitancie behoeven, geheelic ende al
XIX aprilis tempore simile
Kathelyne Spapen
ende huer kinderen
Hulst, Keyenooghe. Rommond ende Jan van Percke inden name van hen
zelven ende oic inden name van Goidscalck, Barblen ende Margrieten
van Pecke haeren broeder ende zusteren absent ende buyten lants
wesende die sy in hen vervinghen, hebben vercocht Kathelinen
tot haer behoef
Papen, weduen van wylen Jan Bresselinck als tot haerer tocht
ende oic tot behoef van Kathelinen, Lysbetten ende Ursselen Byesselinc
haeren kynderen als tot haerer erffelicheyt, Eenen chysgulden
erffelic chys, die sy hadden op dachtstedeel van eenen huyse
den Wyleman geheeten de voerscreven weduen ende haeren kynderen
toebehoerende, gelegen in Sinte Kathelinen strate tusschen thuys
den Hane geheeten, toehoerende der weduen ende kynderen van
wylen Jan vander Heyden, aen deen zyde ende des goidshuys van
Boudeloe huyse aen dander zyde. A Beato Rumoldo, Waranderende etcetera.
Assignavit den denier XVI denier
ut supra
Vrouwen
de tafele van ons
Hulst, Vos. Lysbeth Boschmans wedue van wylen Peteren
van Coelen, diemen heet inden Pollepel als eene bewesen tochtenersse
cum tutore ende Henrick ende Anthoenis van Coelen haere kynderen als erfgenaemen
hebben vercocht Jan van Haren, ende Jan Marchant, als proviseurs ende
tot behoef vander taflen des Heylichs Geests vander prochie kerke
van Onser Liever Vrouwen bynnen Mechelen, de twee vierendeelen
van neghenthien scellinge groote Brabants gelts erffelix chys die sy
hadden op een huys metten gronde etcetera, toebehoerende Joes de Wilde
gelegen inde Lange Scipstrate tusschen wylen Rommonts van Puersse
erve aen deen zyde ende Wouter Moens erve aen dander. A Domino Mechliniensi
van welken erffeliken chyse, tderde vierendeel, de voerscreven taflen toebehoert
A Domino Mechini, Waranderende etcetera.
Assignavit den den XVI denier
XX aprilis tempore simile