Blader door transcripties » Stadsarchief Mechelen

archieftoegang 2, inventarisnummer 951, pagina 7

Lange, Hoeven. Jouffrou Lysbeth de Dryvere beghyne, met Claes ende
Rommond de Dryvere haeren broederen ende momboren heeft vercocht
Jaspar vander Beke scoemaker, Een vier veertelen Rogs ende
een halve goede ende custbare Mechelscher maten erfpacht, die
sy hadde op eenen hof metten gronde etcetera daerop tanderen tyden
Een huys met drie cameren ende met eender schueren heeft plegen
te staen, ge den voerscreven Jaspar toebehoerende gelegen buyten
der Oeversterpoerten inde Rechtstrate, tusschen der weduen
ende kynderen erve van wylen Jan de Beyere aen deen zyde
ende eenen wech aldaer aen dander zyde, Ende op een stuck lants
metten gronde etcetera den voerscreven Jaspar oic toehoerende houdende
een vierendeel, gelegen aldaer inde Broecstrate tusschen
Rommonts Machtilden erve aen deen zyde ende Jan Wouters
erve aen dander zyde. A Domino Mechliniensi, Waranderende etcetera.
Assignavit XLV Peters
IIII aprilis tempore simile
Hulst, Vos. Jan van Gheele diemen heet Wyne wettich soon van wylen Aert van Gheer
Jan van Jan Wyne wettich soon van Goet wylen
diemen heet st:t; wyve, heeft vercocht Mathys van Boven ende Jan
vander Heyden, als proviseurs ende tot behoef vander taflen
des Heylichs Geeste vander prochie kerken van Sinte Kathelinen
vier gouden Rynsgulden, elken van dien tot veertich groeten
Vlaems gelts gerekent erffelic chys, die hy hadde op een
huys metten hove gronde etcetera Peteren van Beke toebehoerende
gelegen inden Heembempt, tusschen Jans van Condelaeren
synder kynderen erve aen deen zyde ende Henrix vanden Eynde erve
aen dander zyde streckende achterweerts tot opte Hergracht
A Beato Rumoldo, Waranderende etcetera
Xa aprilis tempore simile
Borch, Dyest. Franciscus de Gorttere, heeft openbaerlic
voer ons bekent, dat hy gehadt ende ontfangen heeft van Meester
Lambrecht van Thienen ende van Bartelmeus van Vissenaken
de somme van Tachtentich gouden guldenen, elken van dien tot
Twintich grooten Vlaems gelts gerekent, die sy den voerscreven
Franciscus als naeste mont eender vut zaken vanden
dootslage tanderen tyden, gedaen ende perpetreert by Andries
van Thienen, de voerscreven Meester Lambrechts broeder ende de
voirscreven by Claes van Vissenaken, des voerscreven Bartelmeus soon
ende Henrick van Lyere, den voerscreven Franciscus gelooft hadden te
inden persoen van wylen Jan Bras, sculdich ende tachter waren
ende die Jan Ramont diemen heet int Paradys Andries Huyghs
betalen, Ende van dien tachtentich gouden guldenen van
voerscreven pryse ende oic vanden twee hondert Zielmisse ende vanden
de
Pelgremaken, die oic gelooftst:t; voer den voerscreven dootslach, gelooft
syn geweest, te doen, heeft de voerscreven Franciscus Quytgesconden
los vry ende ledich, den voerscreven Meester Lambrecht ende Bartelmeus
van Vissenaken, tot haeren behoef ende oic tot behoef vanden
voerscreven Jan Ramont Andries Huyghs ende Henricken van Lyere
ende alle andere dies quitancie behoeven, geheelic ende al
VI aprilis tempore simile
Anne sVos wedue van wylen Willem vander Nuwermoelen cum tutore
als eene tochtenersse ende Claes vander Nuwermoelen, haerlieder soon
ende Marie vander Nuwermoelen oic haerlieder zuster met ho quyten
dyns haeren man als erfgenamen, hebben opgedragen ende overgegeven
tot behoef van Janne vander Nuwermoelen des voergenoemde wylen Willem
vander Nuwermoelen broeder, vive chysgulden van haeren veerthien
gelike chysgulden ende tvierendeel van eenen gelyken chysgulden erffelicx
chys, die sy hebben, Op twee huysenst:t; Een huys, dat de Bere plach
te heeten ende dat nu den Valke geheeten is, met eenen anderen huyse
daer achterstaende ende oic metten gronde etcetera dat Janne Boem toehoert
gelegen buyten Sinte Kathelinen poorte inde Rechtstrate tusschen
we streckende ende comende metten voerscreven anderen huyse achterweerts
totten Vestbergen van Mechelen
Item. De voergenoemde weduwe, als eene tochtenersse cum tutore, ende de voerscreven Claes
ende Man haere kynderen met haeren voerscreven man als erfgenamen
hebben opgedragen ende overgegeven, tot behoef van Barblen de Wechter
Gheerd de Wechtere dochter, vier chysgulden van haeren voerscreven
veerthien chysgulden ende tvierendeel van eenen chysgulden erffelic
chys, die sy hebben op des voerscreven Jan Booms huys, met synen voerscreven
toebehoerten
Dale, Hulst. Anne sVos wedue van wylen Willem vander Nuwermoelen
cum tutore als eene tochtenersse, Claes vander Nuwermoelen haerlieder soon
Ende man vander Nuwermoelen, haerlieder dochter met quyten in
haeren man als erfgenamen, hebben opgedragen ende overgegeven, tot behoef
van Jan vander Nuwermoelen des voergenoemde wylen Willems broeder
voer deen helft, Ende van Gheerdest:t; Barblen de Wechtere, wettige
dochter van Gheerd de Wechtere voer dander helft, thien chysgulden
van haeren veerthien chysgulden ende tvierendeel van eenen gelyken
chysgulden erffelic chys, die de voerscreven wedue ende haere kynderen hebben
Op een huys metter plaetsen gronde etcetera dat de Bere plach te heeten
ende dat nu den Valke, geheeten is, toebehoerende Janne Boem beckere
gelegen buyten Sinte Kathelinen poorte opten hoeck vander Vingebeecstrate
tusschen de selve strate aen deen zyde ende Jacop Wabbels erve aen dander
zyde, Ende op een huys metten hove gronde etcetera den voerscreven Jan Boem oic
behoerende gelegen inde selve Vingebeecstrate tusschen desselfs Jan
Boems erve aen deen zyde ende Daneels vander Beke erve aen dander
zyde comende ende streckende hem achterweerts tselve leste huys, totten
vesten van Mechelen. A Domino Mechliniensi, Waranderende, de voerscreven Jan vander Nuwermoelen
tot syne ende totter voerscreven Barblen behoef waerder inne geerft, Behoudelic
de voerscreven Gheerd de Wechtere inde voerscreven Barblen synder dochter helft
vanden voerscreven thien
chysgulden voirsceven de voerscreven chys synder tocht paysselic ende vredelic
gebruykene
welke veerthien
chysguldene ende
chysgulden de beset
tvierendeel van eenen
vanden voerscreven
huysen sculdich etcetera
te quytene, Te wetene
elken van dien met
twintich geliker guldenen
XIa aprilis