Blader door transcripties » Stadsarchief Mechelen

archieftoegang 2, inventarisnummer 951, pagina 6

aen dander zyde, streckende achterweerts metten voerscreven
hove, tot aen eenen beempt, toehoerende den goidshuyse
van Hanswyck. A domicella Johanne vander Aa. Te besittene op
eenen jaerliken ende erffeliken chys van Eenen gouden Ryns
gulden, dien tot veertich grooten Vlaems gelts gerekent
Ende dien te betalene altyt opten jersten dach van April, Ende
opten voerchys van twee guldenen van Florencien, vier
capuynen ende vyf pond ende vier scellinge payments, daer
jaerlix vutgaende
X marcy tempore simile
Assignavit II Rinsgulden den denier XVI
Hulst, Vos. Jan de Smet ende Gheerd de Smet syn soon van
des vaders weghen, ende Kerstiaen Blanckaert ende Matheeus Blanckaert
syn soon vander moeder wegen, als momboren ende inden name van
Rommonde ende Aerden de Smet wettigen kynderen van wylen Jan
de Smet ende van Barblen Lanckaerts synen wive onder haere
jaeren etcetera wesende, die sy in hen vervingen, hebben Quytgesconden
los vry ende ledich, de voerscreven Barblen Danckaerts weduen
vanden voerscreven wylen Jan de Smet des voerscreven kynderen moeder van
allen den haeffeliken goeden, die den voerscreven kynderen de Smet
byder doot vanden voerscreven wylen Jan de Smet haeren vader in
eeniger manieren, gebleven ende verstorven syn ende alle andere dies
quitancie behoeven
Aa
Hulst, Vos. Kathelyne sDekens met Steven van Beringen
haeren man heeft vercocht Henricken van Erpe ende Anthoninen
van Helegen synen wive, Twee gouden Rynsgulden van haeren
drie gouden Rynsgulden, elken van dien tot veertich grooten
Vlaems gelts gerekent, erffelic chys, die sy hadde heeft op
des voerscreven Henricx ende syne wyfs huys drie huysen oft woeningen
metten hove gronde etcetera gelegen deen neven dander inden Heembempt
tusschen der infirmarien erve vanden armen beghinen buyten den
beghynhove vander voerscreven stad gelegen aen deen zyde ende der weduen
ende kynderen erve van wylen Willem Ymbrechte, aen dander zyde
A Domino Mechini, Waranderende etcetera.
I
Assignavit den denier XVI penningen
X marcy tempore simile
Item. Gielis de Neve scoemaker, heeft vercocht Gielis
Vrancx Ryemslager, Een huys met eender cleynder plaetsen
gronde etcetera dat Thorien Vleming toe plach te hoeren, gelegen
inden Ouden Bruel tusschen Mathys Alens erve aen deen zyde
ende Jans vanden Eynde cleermakers erve aen dander zyde streckende
achterweerts metter selver plaetsen, tot eenen muere den selven
Mathys toebehoerende. A Domino Mechliniensi, Waranderende. Op twee gouden Rynsgulden
elken van dien tot veertich grooten Vlaems gelts gerekent, die
ter quitingen staene te wetene oic elken van dien met
sestien gelike Rynsgulden, daer jaerlix vutgaende ende opte weer
twee
van die groten oic Vlaems gelts daer jaerlix vutgaende
Assignavit XXXIX Rynsgulden
XX marcy tempore simile
Hulst, Vos. De voernoemde van Gielen Vrancx, debet den voerscreven Gielis
de Neve, Eenendertich gouden Rynsgulden elken van dien tot veertich
grooten Vlaems gelts gerekent Te betalen tot Ompen nu naestcomende
zy daervoer heeft hy hem verbonden, alle syne haeffelike goeden
waer die bevonden zelen worden, Ende sunderlinge zyn voerscreven huys
metter voirscreven cleynder plaetsen inde voerscreven Ouden Bruel gelegen
polite es ende
et contraten deele
de consent ende
Neve huer qui
XX die met
Man LXXXVI
commere
zaken
XX marcy tempore simile
Langhe, Borch. Jan Wagewyns diemen heet de Zaghere, heeft
opgedragen ende overgegeven in puerder aelmoessenen, tot behoef vander
Capellen van Sinte Loys staende opte Veemarct van deser stad, syn drie
gouden Rynsguldenen, elken van dien tot veertich grooten Vlaems
gelts gerekent erffelic chys, die hy hadde, op een huys metter
plaetsen gronde etcetera toebehoerende Lodewyck Grymaer, gelegen opten
Nieuwen vlyet, tusschen den Ouden ende den Nieuwen Bruel ende tusschen
Gielis van Gottingnies erve aen deen zyde ende Jan Bake diemen
heet Staes erve aen dander zyde. A Domino Mechliniensi, Warande, met alsulken
condicien ende op alsulken last dat de geswoerene vanden ambacht
vanden smeden inde voerscreven stad, altyt by tyden wesende, zelen alle
maeydage ten eeuwighen dagen, metten voerscreven drie Rynsgulden
des voerscreven chys doen doen ende celebreren inde voerscreven Capellen, Een
misse erffelike misse voir de zalicheyt vanden zyelen vanden voerscreven
Jan Wagewyns ende van synder huysvrouwen, Ende oft sy dat alsoe niet
en daden ende dat sy die achterlieten, twee oft drie weven
selfs
soe was ende in des voerscrevenst:t; Jan Wagewycx vuterlike wille ende beghe
dat de alsdan den voerscreven erffeliken chys, toecomen ende bliven sal, den
taflen des Heylich Geests vander prochie kerken van Sinte Rommonts
tot behoef vanden armen, Ende oft oic in toecomende tyde gebeurde
dat den selven erffeliken chys vanden besitten vanden voerscreven
huyse afgequeten worde, Goeswoirde oic ende wilt met desen
de voerscreven Jan, dat de voergenoemde geswoerene, metten penningen daer
af comende ter stont, weder coepen zelen, gelyke drie gouden
erfffelic
Rynsguldene, op goede ende vaste pande, bynnen der vryheyt vander
voerscreven stad gelegen, sonder eenich wederseggen Augustyn Quisthout
tot behoef vander voerscreven Capellen waertter inne gegoet
Ultima marcy tempore simile
Abrahams vanden
Hoeven, Hulst. Claes de Wilde, by bywesen ende volcomen ende
van Gielis de Wilde synen broeder, heeft vercocht Abraham van Maldere
Twee gouden Peters vander munten ons genadich heeren, heeren Philips
Hertogen van Rongen van Brabbe saliger gedeyckennisse, Te wetene
sessendertich grooten Vlaems gelts voir elken der selver Peters
gerekent erffelix chys, die hy hadde op twee huysen metten hove
gronde etcetera den voerscreven Abraham toehoerende, gelegen deen neven
dander over de Veemarct inde Keyserstrate byde Neckerspoelpoorte
tusschen Peter Nys erve aen deen zyde ende Willem Puttaerts erve aen
aen dander zyde, streckende achterweerts metten voerscreven hove, totten
Vestbergen van Mechelen. A Domino Mechliniensi, Waranderende etcetera.
IIaprilis
Idem
Item. Jan de Hoege, heeft vercocht den voerscreven Abraham, Twee gouden
Rynsgulden, elken van dien tot veertich grooten Vlaems gelts gerekent
erffelic chys die hy hadde, op desselfs Abraham, Twee huysen metten
hove voirscreven. A Domino Mechliniensi, Waranderende etcetera.
supra tempre simile